TSAKAR GIDA

002

*—•@••«•»•@•«•»••@•—*

    *TSAKAR GIDA🏚*
q
*—•«Start on: 1/1/2021»•—*

*WATTPAD: @Smart_Feenert*
      *_BE-SMART✍🏻_*

*_{🌳EMAIL- smartfeenert@yahoo.com🌳}_*

*—•@••«•»•@•«•»••@•—*

*_🌴BISMILLAHI RAHMANI RAHEEM🌴_*
*—•@••«•»•@•«•»••@•—*

*🌈KAINUWA WRITERS✍🏼 ASSOCIATION*🤝🏻
'''{United we stand and succeed;Our ambition is to entertain & motivate the mind of readers}'''
https://www.Facebook.com/kainuwawritersassociation

*—•@••«•»•@•«•»••@•—*

_Joining My Wattpad Link:👇🏻_
       https://my.w.tt/qyn8iY2cHcb

*—•@••«•»•@•«•»••@•—*

OO2

Gudu suke da Mota kamar zasu ta shi sama akan sauri, wajen ya yi gum baka jin k'arar komai dake tashi a wajen sai ajiyar zuciyar da yake famar saukewa akai-akai, wanda daman shi haka rayuwarshi take, mutum ne marar son damuwa komai k'ank'antarta, kai tsaye wajen wani katafaren Hotel suka sauka dake cikin U.S.A, wanda aka mannawa suna da InterContinental Barclay, direct wajen Parking Space suka halarta inda nan take direba ya ja birki ya tsayar da motar a dai-dai inda ya da ce, a hanzarce PA ya fito daga cikin motar ya bud'e mashi marfin motar ya fito kafin ya soma tafiya a hankali ya rufa mashi baya.
Tun a reception d'in cikin wannan tsalelen Hotel zaka tabbatar da cewa k'asar America ba k'aramar ci gaba ta samu ba, domin kuwa indai wannan ne zuwanka na farko a cikin Hotel d'in komai wayewarka sai ka koma tamkar bak'auyen da bai tab'a ganin hanyar mota a k'auyensu ba, yanayin mu'amalarshi da ma'aikatan wajen kad'ai zaka duba ka tabbatar da akwai wata kyakkyawar alak'a a tsakaninshi da ma'aikatan Hotel din, inda ta ko ina da ka duba cikin girmamawa ake gaidashi har ya kai ga shiga bangarenshi PA na biye da shi a baya, a katafaren Palour'nshi PA ya neme d'ai daga cikin luma-luman kujerun dake cikin dakin da sanyi AC dik ya gama bugar da su Ya zauna inda shi kuma gogan kai tsaye ya wuce Bedroom d'inshi ya rage kayan da ke jikinshi ya nufe Bathroom...!

Mutanen ta ne dake ta famar bibbiyar Maheer, suka tsaya cak ganin inda su Maheer suka shiga domin wajen ba wani sabo ba ne a wajensu, tare da k'ok'arin lalabo numberta suka kira domin sanar da ita inda suke kamar yanda ta buk'ata, sai dai kafin su kai ga fad'a d'in, ta tare hanzarinsu da cewa "Kuna ina?" Kai tsaye wanda ta kira d'in ya sanar da ita a inda suke, tsaki ta ja wanda hakan ya bayyana b'accin rai k'arara a fuskarta, sannan ta ce "Mutum d'aya ya bi bayansu har inda zasu shiga, sannan dik abinda ke faruwa a kirani domin sanar da ni abinda ke wakana." Ya amsa mata da "To ranki shi dad'e.!" Kafin ya yanke wayar.

*****
Sai da ya kwashe tsawon mintuna talatin kafin ya fito Parlour sanye da wasu fararen tufafi marar nauyi a jikinshi da takalman shan iska, anan inda ya bar PA ya zo ya sameshi ba walwala ko annuri a tare da fuskarshi, wanda kai tsaye PA ya mik'e tsaye cikin girmamawa ya gaidashi tare da tambayar abin da yake bukatar a kawo mashi yanzu, a yatsine ya ce "Idan ina buk'atar wani abin zan kiraka!." a ladabce PA ya mashi sallama ya bar wajen da hanzari, a nan inda ya ke tsaye ya neme waje ya zauna tare da mik'a hannunshi kan center table ya d'auki remote ya kunna kayan kallo wanda a zahiri idan ka kalleshi kallon ne yake yi amma a bad'ilance tunanin Mahaifiyarshi yake wadda ya d'auki tsawon kusan wata biyu bai sakata a idonshi ba dik da suna waya akai—kai amma hakan bai hanashi kewarta ba, bell d'in k'ofar d'akinshi ce da yaji an danna a hankali ya katse tunanin da yake, ya ja iska mai tsayi tare da sauraren sautin k'arar bell d'in na d'an tsawon wasu lokutta kafin ya bada damar shigowar, dik da tun daga farko ya fahimce ko waye ta sanadiyyar CCTV Camera dake cikin d'akin tana haske wanda ke waje, sai dai tsabar miskilancinsa ya hanashi bada damar shigowar.
Danno kanta ta yi a cikin d'akin, annurin dake shimfid'e a fuskarta kad'ai zaka kalla ka san tana cikin farin ciki.
Kallo guda ya mata ya d'auke fuskarshi gareta ya ci gaba da abinda yake,