Taste & Scent | Vkook

⚛EIGHT ⚛

No proofs reading..

••°✴✴°••

Alpha corporation ho tu, Kim Taehyung chuan a car, venhimna chikima duan chuan a inkhalh haw leh ta a. Zing dar li ri tawhin car monitor chuan 'tun atanga minute 20 ah ni achhuak ang, repeat, minute 20 ah ni achhuak ang. Ven him in awm ang che sir'  tiin arawn puang leh a.

Car chhung atang chuan Taehyung chuan pawnlam chu ahan thlir a, chhum ruahtui pai tamtak arawn tleh hul² tih chu ahmu a. Chu chuan tun atanga reilote ah ruah asur vat dawn tih alantir a. Acid rain arawn hnai tih na ani.

Global warming insiam zel tur chu theihtawpin dang char2 mahse khawvel chhe tulh² tur chu an dang zo thei ngang lo aniber. Vampire te chuan khawvel that nan tiin thing leh mau tamtak phun in thlaler te hial ramngaw ah chantir leh mahse sahuai ni do ang maia that duh tawhlo he lei chu ahma anga siam thrat chu thil harsa tak ani.

Global warming an tih tawp theih avangin lawm hle mahse ahnu lawkah eng atanga rawn insiam nge tih pawh hriatloh in acid rain chu arawn sur leh ta chiam a. Nihnih leh zanhnih ngawt chu chawl lovin asur a. Chu chuan hmun hrang² ah thih na namenlo athlen thu chu news channel lian tak² te chuan an puang chuai² reng bawka.

Chu acid rain chu North America ah sur hmasa berin 'Khuanu malsawm ram America' tia anlo chhal thin chuan chhiatna arawn tawk hmasa ber a. Adawt ah China leh Japan hrut leh in Europe ah adarh belh zel a. Hmanni lawk ah chu acid rain chuan South Korea ngei pawh chu arawn thleng ve ta nge² ani.

Eng ang pawhin mihring chakna in dan tum mahse Sai pui kallai âr khuanglai in a tiding theilo an tih ang deuhvin khawvel tar tawh tak chhe mai tur chu an dang thei tawh lo va. Beidawng tak leh lungawi taka khawvel 'explode' tur lo nghah chauh chu an tih theih tawk ani mai tawh ani.

Chu² chhungril takin Taehyung pawh chuan apawm ve tawh bawk a.

Zankhaw tairek atanga vartrian thleng rim takin athawka, inlam pana a inkhalh haw lam chu a tisa chau lo mahse a rilru ngaihtuahna erawh chu achau ve  hle tawh thin ani.

Inchhung ahan luh chuan bawngsa kan rim nam chem² chu ahnar chuan ahre vat a. A pheikhawk bun inchhung slipper a athlak lai chuan Jungkook chuan apron pawl uk khak ha chungin Taehyung chu arawn pan a. Taehyung pawh chuan a coat leh briefcase chu lo pe vat in a room lamah chuan an in zuichho dun ta a.

"Taehyungie bawngsa kalo siam sak che a" ti chungin Jungkook chuan Taehyunga coat leh briefcase te chu a hruk fai hnu in adahna hmunah ve² chuan akhai tha a. Taehyung an ahnathawk zo rawn haw apiangin dinner ei aiin inbual aduh hmasa thin tih ahriat avangin bathtub ah pawh tui alo tikhat lawk diam thin bawka.

"Vawiin enge ilo tih a" Taehyung chuan ati a. A tie chu phelhin Jungkook a pe a, a kamis kawrkilh pawh phelh zawm leh in inbual turin a in tihtuah mek a. Jungkook pawh abulah chuan a kut dinglam rinawm tak ang maiin alo ding ve ran reng.

"Lehkhabu chhiar tur min pek kha kachhiar a" Jungkook chuan ahan ti zawi rât a.

"Athrat chu, adang engmah i tilo tiro, pawn lam ilo hawichhuak em" Taehyung chuan ati leh a. Jungkook an pawn lam ahmuh theihloh na turin a tukverh leh kaw dang zawng² chu a khuh phui veka. Acid rain chung chang ang te kha hreve turin aduhloh vang ani mahna. Thirsakhat thra mi a an khuh phakloh plant threnkhat te chu an thi ro rim rem a. Vanneih thlak tak erawh chuan chu acid rain chu atak thrat loh avangin ramngaw erawh beisei aiin asuat nep zawk hlauhva.

"Aih"

"Nih leh i thil chhiar chu i hrethiam em, lehkhabu tha tak anihkha, inchhiar zau nan pheichuan atha lehzual ania" Taehyung chuan ati leh a, a tie leh kamis aphelh hnu chuan a kekawr chu hlip thla leh in Jungkook chu ape leh a. Jungkooka chhanna nghakin kun ngula alo dinglai chu a en thla a.