وجدت الحب ولكن

البارت التاسع

وجدت الحب ولكن
البارت العاشر
الكاتبه رانيا سلام

قراءه ممتعه

-وليش هيج انغثيتي اني ما كلت شي وما اله داعي هذا الحجي الماصخ حجيت الحق تره محد يموت ويأخذ وياه فلوسه
-تفاولين عليه بنت القندره
جان تأخذ امي الماعون وتكسره بالكاع انكسر الماعون شالت نص الماعون وشمرته على سهام ما اسمع غير الصريخ
-راكاااااان الحكلي
على صوت الصريخ كمزت من فراشي ركض نزلت جوه ما اشوف غير بس الدم
-ركضت على سهام والكاها لازمه أيدها وتصرخ :-يا يااااا شبيج اشلون انجرحتي
-امك شمرت عليه الماعون ..اااااخ ايدي الحكلي يالله ايدي جاي تموتني
-يمه اشلون تسوين هيج ما تخافين الله
ام سلوان : احترم نفسك حتى ما اهينك
-ما اكول غير حسبي الله ونعم الوكيل
-تتحسب عليه   ركييين هاي الصلاه تفاول عليه بالموت ولا كأنه اني اكبر منها وانت تتحسر عليه ،من امداه بطني الشالتك،  بس مو صوجها صوجي اني جبتها لبيتي مره ثانيه
-الله واكبر يعني اني ما ارتاح بهل المهجوم يلله امشي اوديج للمستشفى
اخذتها للمستشفى دخلتها طوارئ اجتي الدكتوره
-سلامتج سلامتج اشلون انجرحتي هيج ،احد مأذيج
-لا بس ما ادري بالماعون وانجرحت بيه
-اي بس هذا مو جرح عادي يرادله خياط متأكده محد مأذيج لا تخافين احجي يحتاج نخابر الشرطه
راكان: لا دكتوره ما يحتاج كالتلج انجرحت بالماعون ....طبعا الدكتوره ما مصدكه وتباوعلي وكأنه اني الي ضاربها ضربوها ابره بنج لأيدها وخيطوها كان الجرح جبير فكت من البنج 
-يالله ايدج كلش توجعني
-اصيح الممرضه تنطيج مسكن
-لا اريد اطلع للبيت ما اريد ابقى هنا جهالي لوحدهم
-لا يضل بالج يم جهالج المهم انتي
-ما بيه شي
-سهام شنو الي صار ليش امي ضربتج
-هي دومها هيج ما تحبني كلشي ما كلتلها بس  كلتلها ليش ما تخلي يتهنى على الاكل وكلما تشوفي ياكل تسممي بكلامج  وصار الي صار
-بس امي ادكول غير شي ،ادكول انتي اجاوزتي عليها
-هذا الي الي صار راكان اني ما مجبوره اجذب 
- سهام انتي ما الج شغل بيه اني وامي نتجازه 
هاي اخر مره انتي عليج بجهالج وبس
-امممم  راكان ما اريد ابقى بالمستشفى
-خلي اشوف الدكتوره وهي تكتبلنا على خروج
كتبتلنا الدكتوره على خروج    
وطلعتها على مسؤوليتي للبيت طبيت للبيت شفت امي وأيه كاعدات
ام سلوان :ها رجعتو مو كلتلك ما يصير بيها شي 
راكان:ها ارتاحيتي بس كولي شنو استفاديتي؟
يعني انتي عبالج ما عدها اهل فصليه تايهه هل خيوطولها أيدها ولو ما بنت اصول كانت اشتكت عليج
-مو اكلكم مسويتله سحر ابن بطني كاعد يحاسبني مثل الطفل
-اني ما احاسبج بس جاي اشوف اشلون تتحيزين لبنت اختج اني اشوف واعرف كل شي بس ساكت اكول هنا بيناتهن بس توصل لهنا لا ما اسمح أحد يأذي ام انور كائن من يكون
-حاطه الله وياج سهام ،امداني من يوم الي اخذتج لراكان تشيش بولدي عليه بس هو الزين راح اعتب على منو
- عفتها تحجي و اخذت سهام لغرفتها ،وكفتني أيه
-وين رايح هااااا وين
-ما تشوفيني اخذ سهام لغرفتها
-بس تره هيه أيدها الي توجعها مو رجلها
-انتي ما الج شغل وحسبي حسابج من باجر تاخذين اجازه لأن سهام ممنوعه من الثكل والشغل
-لا بلله شنو صارلك ساعه تخطب علينا وتأمر علينا اني شعليه
-روحي من وجهي
ام سلوان: يمه أيه عوفي مو بوعيه دماغه ملحوس
-اللهم طولج يا روح ....امشي سهام لغرفتج