وجدت الحب ولكن

البارت 13

وجدت الحب ولكن
البارت 13
الكاتبه رانيا سلام

قراءه ممتعه

فتح الورقه ، السلام عليكم اني ما اعرف اسمك ولا منو انت ،االشي الوحيد الي اعرفه انت  شخص اتسوك من عنده والي اعرفه تقدمت الي مرتين لكن اهلي رفضو  إذا تريدني  راح تتعب هواي وخاصه اذا تريدني لازم تريد بنتي اني ما أكدر أتخلى عنها  هي الوحيده الي باقيتلي لكن لازم تعرف اهلي ما راح يوافقون  لذلك اذا انت ما عندك مانع  دزلي أي اشاره  بأيد الطفل الي راح يوصلك الرساله واني راح اخطي الخطوه الأولى 
ام ورده

يا الله شسوي هذا حلم لو حقيقه زين هسه شنو أرد ما أريد اتسرع ،ما كان عندي وقت للتفكير  وقاطعني الولد
-عمو راح اخذ چبس 
-اووك   ،كنت افكر شنو الشي الي ادزه الها اباوع بالمحل شفت المصاص ، هاك هاي مصاصه توديها للمره الي دزت بيدك الرساله
وادكلها هاي لبنتج فهمت
-اي لبنتها
-عفيه أبني لا تنسى توديها

راح الولد واني خايف جدا احس نفسي تسرعت ومسؤليه چبيره راح توكع على راسي
زين هذا الولد راح يوصل المصاصه
ضل بالي مشغول طول الوقت بالمحل وقلق ما أعرف شنو راح يصير  عزلت المحل ورحت للبيت
ام سلوان :الله يساعدك يمه
-هلا يمه
-انتظرناك على الغدى ما أجيت
-نسيت يمه واني هم ما أشتهي 
-تشرب شويه چاي
-صبيلي
-وينچن وحده منچن ادكوم تسوي چاي جديد ، نو نسوان بس أكل ونوم

اجت أيه  للمطبخ ،خاله احسب حسابچ يالچاي
-لا يمه اني كثرت اليوم ،لعد سهام وينها
-تنوم ابنها
-اي كل ما نريد منها شي تتهرب
راكان : بتوتر ورجلي أهزها قلق اكلني احسن نفسي تسرعت ،  ما صار شي يمه عادي

-يا يمه شمالك مو على بعضك بيك شي
-لا بس شويه تعبان ،ما راح ارجع افتح المحل اليوم تعبان
-يمه خلني احاچيك ،الرزق ما يجي هيج يوم تفتح وعشره لا الرزق ما يعرف تعب ولا قهر 
الله يگول أسعى يا عبدي وأنا اعينك
-صحيح كلامج يمه بس اني اليوم ما مرتاح 
-براحتك يمه
أيه :تفضل چاي ،ما اگليلك وياها شويه بيض احطلك جبن انت من الريوك ما أكلت شي
-لا هذا كافي ، حطت الچاي على الميز وراحت
اشرب بالچاي وحسبه تجيبني وحسبه توديني وعيني على الباب مثل الينتظر واحد
-اگلك انت منتظر أحد  راكااان ...راكان احجي وياك
-هااااا يمه ما سمعتج
-اگلك منتظر أحد  عينك على الباب
-لا يمه ما منتظر أحد ،اني اگوم ارتاح  شويه
-الله يهدي بالك
رحت شفت أيه كاعده لوحدها  صحتها
أيه تعالي وياي
-محتاج شي
-تعالي اريد احجي وياچ
اجت وياي للغرفه فتحت الباب كعدت على الچربايه هيه بقت باب الغرفه ,تعالي طبي ينرادلج عزيمه
-مو گلتلي لا اطبين لهاي الغرفه وطردتني منها وخليتني زغيرونه بعين سهام
-سهام شدخلها هسه بالموضوع ،بعدين اني ما گلتلج لا أطبين لهاي الغرفه  چنت معصب وانتي گمتي تتجاوزين وما اتحملت بس مو معناها ممنوع أطبين للغرفه ،على العموم تعاي هسه ادخلي وسدي الباب اريد احچي وياچ  ،دخلت وانتچت على الميز