وجدت الحب ولكن

البارت الخامس

وجدت الحب ولكن
البارت الخامس
الكاتبه رانيا

قراءه ممتعه

هل حقا احببتها أما كان وهم !!!!
هل كان حبآ ام تعود !!!

-ابو محمد عمي الجبير :- ابو وليد  انت مو غريب علينا وتعرف راكان وتعرف وضعه والبنيه تصير بنت خالته يعني البنيه ما راح تروح لغريب ابن خالتها وخالتها ,  واحنا جاين وكلنا شرف أن نطلب ايد كريمتكم لأبنه راكان على سنه الله ورسوله واحنا حاضرين لكل طلباتكم
ابو وليد :والنعم منكم وراكان رجالل ورده وما يتعيب شنو تردون تقدمون قدمو هيه  بعد بنتكم العرس الي راح تسوو هو الكم  بس احنا عدنا شرووووط ......
ابومحمد:اي تفضل ولا يكون خاطرك طيب
- احنا بتنا تعبنا عليها وكبرناها  وعلمناها  وانت ما تقبلها تذب تعبها كله بالشط ، الي نريده  أن يراعي الله ورسوله بيها و تكمل شغلها  بالصيدليه
-ابو محمد:ها راكان عمي شدكول هي راح تصير مرتك والرأي رئيك
-اي ما عندي مانع وأيه احطها بعيوني  وما راح تجيك شكوه عني بأذن الله
-خير انشاء الله، واحنا ما عدنا مانع ونتشرف بيكم وبنسبكم
ابومحمد:يعني أنكوول مبروك
-الف مبروك الله يسعدهم انشاء الله

تباركولي وبوستهم وكنا منتضرين الشيخ يجي يعقدلنا حتى  تحل عليه والبسها الحلقات
عقدنا واتفقنا أن العرس وره سنويه سلوان راح الشيخ ودخلت لكعده البنات  حتى البس  ايه الحلقه
طبيت طبعا كلهن لبست عبي  ايه لابسه بدله ليموني  صلوخ كلش  من كل مكان مفتحه  وهيه منا بيضه مثل الحليب  ومعانيها حلوه ناعمه
اجيت يمها هي كاعده شافتني ما اعرف تريد تضحك مدري تبجي ما تعرف شتسوي بروحها
مثل الي تخبلت كعدت شويه يمها
ام سلوان:يلله يمه لبسها حلقه
راكان:انطيني ايدج ،قدمتلي أيدها ترجف  وبلكوه قدمت أيدها وي ما جاي ألبسها الحلقه على النص بقت هي جرت أيدها مني ولبستها
عفتها على راحتها
لبستني الحلقه ودارت وجها
ام وليد:كلووووووش كلووووووش
ام سلوان :  سليمه احنا بعدنا  حزنانين على سلوان ولأن اتمنى أيه بأسرع وقت تجي لبيتي استعجلنا بالخطوبه  ولا اني هم فرحتي جبيره هم ابني وهم بنت اختي
-اعذريني والله نسيت بس لأن بنتي وحبيت افرح بيها
-ولا يهمج
...............
راكان: أيه
-اممممم
-ماكو غير هاي البدله
-ليش شبيها مو حلوه
-يا حلوه هما غيى ملزكين القماش تلزك مصلخه يعني ،بالله هسه واحد طب هنا
-لا محد يدخل هنا لا تخاف  هنا بس بنات
-اي عفيه اني ما اقبل عرضي يشوفه الرايح والجاي  اريدج اتسترين روحج الرسول وصه بالستر
-امممممممم

بقيت كاعد شوي وطلعنا رجعنا للبيت
سهام:اي الف مبروك راكان
-الله يبارك بيج ،شنو الجهال نايمين
-اي نومتهم
-خير انشاء الله اني اروح انام كلش تعبان ،تصبحين على خير
ام سلوان :اني هم حتى رجليه يوجعني يلله تصبحون على خير
سهام:وانتم من اهلا
.....

بدينا  نجهز الغرفه والذهب  اني وأيه نتخابر جدا قليل يعني حتى كلام حلو ما يطلع منها كلت يجوز ما متعوده عليه  بس اني شنو احب اعيش دور العاشق كله احجي وياها حبيبتي وحياتي حبيتها  دك تليفوني
أيه :الو راكان اشلونك
-هلو حبيبتي اني زين إذا انتي زينه
اشلونج انتي
-راكان عفيه لا تحجي وياي هيج استحي
-صار بس لشوكت تبقين تستحين بعد شهرين وتخلص سنويه سلوان الله يرحمه
-الله يرحمه الله كريم منا لذاك الوقت
-اكلج امي على سنويه سلوان راح تسوي ثواب
تجين مو
-اني .....،بس اني عندي شغل وانت تعرف
-يعني ما تكدرين تجين ولو شويه  عيب من امي
-راكان ما ادري  اشوف ..،اكلك
-ها ...كولي يا بعد طوايفي
-راكان احجي وياك صدك مو مال هذا الحجي
-احجي
-القاط مالت العرس اني اشتريه عفيه  ورحمه لأخوك روح للحلاق يعدل شعرك
-ليش شبيه اني لازم ما أعجب
-لا مو هذا قصدي بس هذا عرس لازم الواحد يرتب روحه وراح اشتريلك بدله لو سوده لو رصاصيه
-لا تشترين اشتريت بدله نفطيه وقميص وردي
-عزااااا .....
-العزااج شبيج سمعتي جني
-لا لا لا مو هذا قصدي  بس راكان ما يصير البدله مال العرس لازم تكون سوده لو رصاصيه ما يصير تختار من يمك
-هاي شنو منو كال
-هما هيج محدديها  لذلك اني اشتريها. على ذوقي ،انت ما تحب ذوقي ؟؟؟
- يله امشيها هلمره شسوي
-اني عود اخابر خالتي على القياسات حتى تطينيهن اجيبلك بدله على قياسك
-خير انشاء الله اكلج خلينا نطلع نتونس شويه من عقدنا إلى الآن ما طلعنا ولا مره
-لا ما اطلع   اهلي ما يقبلون
-عود اني احجي وي خالتي
-لا ما اريد وهم ما بقى شي للعرس هواي عندي شغلات بعدني ما مكملتهم  ،يله راكان مع السلامه
-الله وياج
........
بعد شهرين