وجدت الحب ولكن

البارت الثالث

وجدت الحب ولكن
البارت الثالث
الكاتبه رانيا

قراءه ممتعه

هل سيطرق الحب بابي ام سأعيش سجين في الحياه دون مخرج ،كيف يحدث الحب؟ ماهو الشعور الذي يعتلي الإنسان ويعرف أنه حب؟ هل فعلا موجود الحب من النضره الأولى ام نراه فقط في الافلام والمسلسلات؟؟؟ هل سأعيش الحب ام لا ؟؟؟

- اكعدي سهام اريد احجي وياج....كعدت ، تدرين ليش جبتج لهاي الغرف؟ ...هزت برأسها لا
اني ما ادري اذا امي حاجيه وياج لو لا بس راح اكلج إياها انتي تبقين مره اخوي واي شي تحتاجي اني ما اقصر عنج تبقين بالنسبه الي مره سلوان الله يرحمه يعني من الاخير ما راح تكون بيناتنا اي علاقه مفهوم ....هزتلي برأسها اي

تمام جهالج يبقون يمج بالغرفه اي شي تحتاجي تكليلي أو ادكولين لأمي
سهام: اممم
قبل لا اطلع من عدها درت وجهي :-اسئلج سؤال بس مو تزعلين ؟
سهام: اسئل!!!!
-ليش وافقتي
-نفس السبب الي خلك توافق بس اريدك تعرف شغله جهالي اتأذوا بيت اهلي وي جهال اخواني وما اكدر احجي ولا اكدر أتخلى عنهم
-تمام ،طلعت منها واني افكر هاي العقاليه منين جايبتها لسانها شطوله كان وكل يوم مسويه مشكله الله يكمللها بعقلها اريد اصعد لحماماتي اليوم لا شفتهن ولا شكيتلهن
ام سلوان :يا..... يمه راكان وين رايح وعايف مريتك ،عيب عايفها بيوم عرسها شدكول عليك
-يعني اعوف البيت وأهج بالله ترتاحين
حطت أيدها على حلكها ...:-سكتت
-الف مره كلتلج لا تتوقعين مني شي ،الي تردي سويته وبعد ما الج شغل
صعدت للحمامات انطيتهن اكل صفنت واني افكر لازم من باجر ادور شغل ما اقدر اعتمد على تقاعد ابوي وهم ما يكفي وراتب سلوان اخلي لجهاله ومرته ..... استغفر الله العظيم اشلون راح انسى أن هيه مرته اخ يا خويه هيج اني اتبهذل من بعدك يا خويه ، نزلت جوه نمت لليل كعدوني الجهال يلعبون فوكاي ويرفسون بيه :-شتردون ها هل كعدت
-عمو نريد ككو
-ومنين اجيب هسه بهل الليل باجر اجيبلكم وبعدين انتم ليش ما نايمين لحد هسه امكم وين
-ماما يم بيبي
اجى البطريق ازهر ،ابه ابه :-ها شتريد انت
كعدته بحضني ،انت شوكت تحجي مثل اخوك ها
-عمو
-ها حبيبي
-بابا شوكت يجي
-شبكته ودمعت عيوني زين هذا شنو اكله وشلون أفهمه إذا اني لحد الان احس اخوي موجود بالبيت ويانا ،ليش ماما شنو كالتلك
-ماما كالت بابا سافر بعيد
-اممممم تعال وياي حبيبي خلينا نروح تكعد يم بيبي

-صح النوم يمه جنك من سنين ما نايم
-اي والله يمه كلش نمت هواي حتى راسي يوجعني ،اكلج يمه انتن شنو ما حجيتن وي الجهال على ابوهم انور سئلني عليه وكلي أمه كايلتله مسافر

ام سلوان: سوده عليه بيبي تعال خلي ابوسك يا بعد عمري من فدوه رحتلكم

انه الوالده وجور الزمن ذبني
واحس الروح راحت من رحت يبني
نصبت وسط الكلب مهدك ياضي العين
وعيوني تحرسك من مرار البين
وعلى هز المهد يبني سهرت سنتين
واشباح السهر كامن يبارني اه ه ه ه ه يبني

-كافي يمه موتي روحج راح يصير له 6اشهر ما يصير حتى الله ما يقبل وبعدين خطيه الجهال لا يخافون ,ادعيله يمه ادعيلع
-مو بيدي قطعه من قلبي وفقدته روحي تلوب عليه هذا ضناي ربيت وكبرت وتعبت تالي ما تالي هيج يروح وبعده بعز شبابه
- شهيد يمه. ولا تحسبن الذين قتلوا في سبيل الله امواتا بل احياء عند ربهم يرزقون قدره ونصيب
-لا اعتراض على حكمه
-المهم انتن شوفن طريقه وبلغن انور تره عمره خمسه ويفتهم
-ليش ما ادكله انت
-ما اعرف شحجي وياه انتي بيبيته وأمه موجوده واحجن وياه ،اكلج اني راسي يوجعني مسوين شاي
-اي موجود ، سهام سهام جيبي استكان شاي لراكان
-اي عمه صار بس خلي احمي لأن برد
طبت ما لابسه حجاب ولابسه نص ردن حتى استحيت منها بصوت ناصي استغفرت ربي حتى تسمع وتنتبه بس هيه ولا يمها
يمه اني من باجر ابدي ادور شغل
-اي عفيه بأبني ،اني من زمان اكلك اترك الحمامات واشتغل بس انت ما تقبل
-انشاء الله خير ، ام انور مثل ما كلتلج اي شي تحتاجي امي موجوده واني هم موجود
-ما تقصر راكان
-يلله من رخصتكم

ثاني يوم الصبح طلعت ادور شغل بالمطاعم ومحلات الاثاث ،محلات الملابس ، ما خليت مكان ما رحتله رجعت للبيت
-كواك الله
-الله يكويج
-شنو لكيت شغل لا
-ليش منو يشغل واحد لا يقره ولا يكتب
-الله كريم يمه لا بد تلكه شغل
-شيصير لو مخليني اكمل مدرسه مثل سلوان
-يمه يا مدرسه ما ادكلي انت ليش تنبش بالماضي
- على العموم شمسوين غدى
-ما أدري ، سهام شمسويه غدى ؟
-مركه فاصوليا وتمن وراح اقلي سمج
-نعمه فضيله يلله لعد اني اغسل لأن جوعان
-خسه الجوع ،يله سهام قلي السمج
-رحت قريب على امي :- اني ادري انتي شنو جاي تسوين ، لا تحاولين حتى لا أهج من البيت وما اخليكم تعرفون عني شي ،عفتها ورحت غسلت اتغديت ورحت لغرفتي حتى أتجنب الكعده يمهم
الصبح هم طلعت ادور على شغل هم ماكو
حطيت علم عند كم واحد اذا احد راد عامل يدزون عليه فتره وماكو شغل إلى أن لكيت شغل عماله اطلع من الصبح ارجع العصر متكسر تكسر لكن الحمد الله على الأقل اخلص من البيت ومطلع مصروف
صارلي تقريبا تسعه اشهر اشتغل، امي بعدها تلمح ليش ما أدخل على سهام ، سهام هم أحسها متغيره لبسها ونضراتها وحتى حجيها وياي وتهتم بيه بس ما اريد اضن بيها السوء لذلك اغلب الأحيان اتجنبها
ام سلوان: راكان تعال اريد احجي وياك
-ها يمه خير انشاء الله محتاجين فلوس شي
- لا يمه الحمد الله مستوره بس خلي اشوف سهام وين ما اريدها تسمعنا
-يمه صاير شي احجي
-ماكو شي بس اني اريد احجي وياك ،راكان يمه انت ما تريدلك مره تخدمك اداريك تشوف طلباتك الى متى تبقى هيج
-اني مرتاح هيج وما محتاج لا مره ولا غيرها
-بس انت هم كبرت واني هم اريد اشوف اولادك
-كبرتيني بسرعه هو كل عمري 27سويتيني شايب رحم الله والديج، بعدين اذا على الأطفال اولاد سلوان انور وازهر موجودين
-يعني انت ابد ما ناوي تسوي سهام مرتك
-لا ما اريدها اني من غير شي ما اطيقها من المشاكل الي جانت تسويها مو عاد هسه هم أكبر مني وهم مره اخوي
-بس تره هيه تغيرت ،واصلا حرام ادكول مره اخوك هيه هسه مرتك والها حقوق عندك
-شنو سهام حاجيه وياج شي شنو السالفة فهميني
-لا ما محاجيتني ،بس حتى تعرف ترى هيه هم الها حقوق عندك
-واني ما مقصر انطيها مصرف اشتريلهم واسوي الي اكدر عليه
-راكان لا تغشم روحك تعرف كلش زين شنو اقصد
-ما اكدر اكثر من هيج ما أكدر ،تجز روحي منها اشوف سلوان كبال عيني يعني هيه كوه
ام سلوان : لعد إذا ما تريد سهام ازوجك .......يتبع
لا تنسون التصويت على البارت
رانيا سلام