وجدت الحب ولكن

البارت الأخير ..الجزء الاول

وجدت الحب ولكن
البارت الأخير الجزء الاول
الكاتبه رانيا سلام

قراءه ممتعه

متى يستشفي منك الفؤاد المعذب
و سهم المنايا من وصالك أقرب
فبعد و وجد و اشتياق و رجفة
فلا أنت تدنيني و لا أنا أقرب
كعصفورة في يد طفل يزمها
تذوق حياض الموت والطفل يلعب
فلا الطفل ذو عقل يرق لما بها
و لا الطير ذو ريش يطير فيذهب
و لي ألف وجه قد عرفت طريقه
و لكن بلا قلب إلى أين أذهب

-ما استعدل يله وخر ايدك مني وهاي الغرفه تطلع منها وتنسى عندك مره بيها زين
-وخرت ايدي منها وگلت بين نفسي هاي هيه طلعت من عدها مو مني جاي اطلع من الباب چان ادگلي
-والله الا أعيشك نفس ألالم الي عيشتني أياه وأكثر
-الي يسمعچ يگول ميته عليه
-ما راح تحس بيه لأنك ما حاس نفس الاحساس من تعيشه راح تعرف شكد احبك وهسه اطلع وطريق هاي الغرفه تنساه

طلعت منها وسديت الباب ومن وقتها وأني گلبي يلچمني بس ما اهتميتلها لأن گلت ما تكدر تسوي شي
رحت لغرفتي غيرت ملابسي وتمددت شويه على الچربايه علمود انام دخلت عليه وفاء وبيدها اوراق وقلم
-هاي شنو راح تنام
-راسي يوجعني وباچر وراي معده الصبح لازم اروح للشورجه المحل ناقصه هواي اغراض
-ميخالف اضغط على روحك شويه وانطيني ساعه
-شتردين
اجت كعدت و حطت الاوراق و والقلم على الچربايه وترفع بحواجبها وتنزلها وتبتسم
خير شكو احچي
-نتعلم الحروف
-يا حروف بهل الليل
-يا حرووووف، غير عربي مو اتفقنا
-تعالي حاچيني اشو انتي تحچين وتقررين وبعدين ادكولين اتفقنا
-ههههههه ،لا عن الشقه راكان والله انت هسه ما عايش
-شنو الي گبالج شبح
-لا راكان عن الشقه والله احچي وياك بهذا الوطن الي ما يعرف يقره ويكتب مو عايش
لازم تعرف تقره وتكتب حتى تكدر تتواصل وي الناس
-بأستهزاء وانتي الي تعلميني مو
گامت من مكانه تخصرت
ولي لا ما نعكبش ولا ما نعگبش هههههه
-ههه انگلبتي مصري تعالي كعدي ،سحبتها من أيدها وكعدتها وفاء بعد هذا العمر ما الي خلك الدراسه وما راح استفاد منها خليني هيج عاجبچ يا بنت الناس عاجبچ ما عاجبچ هذا الموجود
-والله عاجبني وعلى راسي مو قصدي انتقص منك بالعكس اني اريدك تفتح عيونك وتعرف كل شي بعدين انت ما تريد تقره رسالتي
خلينا نبدي فتره إذا ما عجبك نتركهن وكأنه ماكو شي اصلا
-حاط أيدي على خدي وافكر ،اكول اني لجبتها لروحي ويني وين القرايه
-لا تفكر ولا هم يحزنون خلينا نبلش
-بلشي يله
-انت تعرف الحروف
-يمكن اذكرهن
-انت ابد ما داخل مدرسه
-لا دخلت بس ثالث ابتدائي وبطلت ونسيت كل شي
-يله عادي راح ابدي بالحروف والربط مالهم بما أن انت عندك أولويات شويه

بدت تكتب الاحرف من الالف للياء وگامت تربطهن بكلمات حب ومشاعر بحيث اني احب اتعلمهم هيه تحچيهن واني اگللها عيدي -راكان عفيه ركز هاي ثالث مره اعيدهن باچر اريدك تكتب مثلهن
-اخر مره أريد اسمع منج
-الالف مثل كلمه أحبك
الباء مثل كلمه بلابل
تاء مثل كلمه تاج
ثاء مثل كلمه ثلج
جيم مثل كلمه جمال
حاء مثل كلمه حب
والخاء مثل كلمه خليل (صديق) الخ.......
يله نكمل
-اي نكمل بس على طريقتي هل مره
-راكااااان