وجدت الحب ولكن

البارت الأخير والجزء الاخير

وجدت الحب ولكن
البارت الأخير
الكاتبه رانيا سلام

قراءه ممتعه

سئلت ذات مره ماهو الحب
فقلت الخساره ،ولكن اي خساره
خسارتي كبيره وألمي عظيم

نعم قالتها ......قالتها لي القلب لا يهوى سوى مره واحده
وانا لم ولن اهوى سواها

شربت رشفه چاي وحطت استكان الچاي على الميز بأبتسامه خبيثه ملعونه
-روح أعقد عليها محكمه

باوعت عليها بأستغراب بعدين باوعت لأمي ، والله اخاف أحد يشوفها ويوصل لعمها
ام سلوان:يا عمها تلكاه حتى نساها توكل على الله وروح أعقد محكمه حتى تشوفون حياتكم هو ما تبقى هيچ طول العمر وها حسبو حسابكم اريد طفل منچ ولا من أيه غيرك وعلى هاي النسوان الي عندك تلكي مسوي عشيره بس شسويلك ما ضاب نسوانك
-هسه مو وكته هذا الحچي الي يجي من الله انعم الله ،درت على وفاء ،خلي اشوف بلكي على اسبوع الجاي نروح نسوي تحاليل دم ونروح ليش اني أكدر عليچن ،كل يوم طالعاتلي بسالفه جديده ...........

كل يوم يمر واني اتماهل اسبوع يمر ويجي اسبوع واني ما اريدها تخطي خطوه خارج البيت أخاف عليها من الهوى محافظ عليها مثل الطفل بس هيه. حست عليه
-راكان إذا ما تريد تعقد محكمه اني ما اجبرك كلش كافي من سترت عليه وحميتني وتزوجتني والله شاهد ما قصرت وياي ولا وي بنتي إذا تشوفني طلبت شي أكثر من حقي ما اله داعي
-رادت تروح لزمت أيدها ،تعالي وللهىاريد ومن باچر بس والله خايف وگلبي ما مرتاح يوجعني ما اعرف ليش اني ما اريد اخسرچ
-لازم تخلي شي بالك البشر فاني كلنا راح نموت بس ما نعرف لا الوقت ولا الطريقه
الموت حق علي......
-حطيت أيدي على حلگها ،أس شجاب الموت على حلگج
-واقع حال ادري بيك تحبني وادري راح تبقى ذكرى حلوه بگلبك
-كافي ولج بعدك ازغيره الله يبعد الموت عنچ يومي قبل يومچ سدي هاي السابقه وبعد لا تعيديها انشاء الله بس اكمل كم شغله نروح ، أكلج أيه اشلونها تطلع من غرفتها لو رجعت
-لا تطلع وتضحك وتسولف وي خاله وكأنه ما بيها شي
-لا تنطخين بيها ما أريد مشاكل لو تروح تأذيج بكلمه
-لا شعندي وياها ،وهي هم ما توصل يومي
-هذا هو يله اغير ملابس واجي صبو الغدى جوعان
-اي صار هسه على ما تغير هدومك يكون الاكل جاهز
صاحتني وفاء على الأكل وأشوف أيه أدكوم وتكعد وتضحك وتسولف وكأنما الهدوء الي يسبق العاصفة
بعد ون وفاء عليه گلت خلي أسويها واخلص
يمه باجر راح اخذ وفاء نحلل دم حتى نباشر بعقد الزواج
-اي يمه أخذها
أيه:شنو يمه أخذها ،اقصد يعني غير تبلغنا بعدين يجوز اني اجي اساعدكم
-بشنو تساعديني وين رايحين احنا ما ادگليلي
بعدين انتييي ترحين ويانا
-ليش لا إذا تردون أجلوها لعكب باچر اجي وياكم بصوت ناصي راكان حتى اساعدك خاف يحتاجون منك شي ورقه أو ينطوك ورقه وما تعرف تقراها

- هههههههههه ضحكنا كلنا ،لا ما يحتاج باجر نروح نخلص ونرجع
-ليش تضحكون اكو شي يضحك
ام سلوان:لعد انتي ما تدرين ،گام يقره ويكتب هل وفاء هاي ما عافته لحد ما علمته
تباوع على وفاء
-اي حقه ......حقه إذا يموت عليچ وما يشوف غيرچ
-احبچن كلچن ،وكل وحده الها معزه خاصه بگلبي
ام سلوان:يمه هذا الحچي احچي للدبه ما تصدكك ،كلنا نعرف ميت عليها هسه ما نريد شي منك بس اعدل
-يمه انتي تضيفين بانزين على النار وادكولين اعدل
-ممم سكتنا يأبه يحبچن كلچن
-مبروك راكان ،بالعافيه عليچ وفاء سويتي الي ما سوينا والله يجازيچ خير
-هذا زوجي وشما اسويله قليل بحقه
-بما أن هيچ الحچي صار لعد شوكت تروح للمحكمه أضن لازم تبلغنا حتى نقوم بالواجب
-يعني إذا باچر طلعت النتيجه انشالله على على عكبه باچر نروح ،لا تعبون نفسكم بشي
-لا اشلون لازم نقوم بالواجب
هنا ما كدرت لأن كلش خايف منها والمشكلة ماعندي دليل عليها واكول اخاف اظلمها
أيه إذا ناويه على الشر ما اخليج والي خلقچ
إذا ناويه على أذيتي أذيج
-وشحچيت اني
-ما حچيتي شي بس جاي انبهج على شي لو صار ما ارحمچ
ام سلوان:استهدي بالرحمن ما گالت شي ،على كيفك وياها
-انشاالله خير