أدوار وهميه

الحلقة الاولى "المقدمة"

ريم : راسي صدااع بيتفجر🤕🔥 حاسة دوشة المنضومة قاعده في دماغي صدري مغموم من ال7كيلو يلي لابستهم والكتلة الحجرية يلي فوق راسي وفوقها الطرحه من غير الألف لون يلي كان على وجهي!! كانت أكتر مزينه سيئة موجوده في البلاد بس كانت الوحيدة يلي تطلع للحوش بحكم خوتي ما يبوش المزينات والكلام الفارغ هذا ندور في شقة الفندق بعد ما نحيت الكعب متعي عشان رجلي تاريخ شويه وتأخذ وضعها الطبيعي وقفت قدام المرايا ونتفرج ع روحي .. بديت نحكي داخلي وفِي عيني نضرة هزوه
لو كانت بنت غيري راهو توا ميته خووف وترعش مع بعضها لان بعد دقائق رح يكشفوا انهم إنخدعوا
وحيكشفوا إني لعبت عليهم أو بمعنى أصح أهلي هما يلي خططوا لكل شيء بدون موافقتي حتى!!
على عكس يلي حاسه بيه توا !.. بروووود ما خاطري في شيء ولا حاسه بي أي حاجه ولا حتى هامتني أي حاجه!
متت أو عشت عاملني عريس الغفلة كويس أو عاملني بإستحقار مش هامني شيء لان في الدنيا البائسة هادي مافيش شيء يفرح فيها.
سمعت باب الجناح أنفتح❤️ وسمعت خطوات سريعة تتقدم لي الدار كأن الخطوات هادي فرحانة ومش مصدقه أمتى توصل للغرفة
انفتح باب الدار وسمعت صوته وهوا يحكي بي لهفة فرح!
ناصر: أهلاً بي عروستي الغالية❤️
ريم: تلفتت وأنا على وجهي علامات الجمود وواضح من ملامحي اني كنت متوقعة ردة فعله أول ما يشوفني!
ناصر: تلاشت ابتسامته وقعد دقايق يشوفلها بدون ما يرمش ومركز في تفاصيل وجها كأنه يبي يكذب عيونه ! بعد قريب ربع ساعه من الصمت وعيون ناصر يلي بيطلعوا نطقت ريم
ريم: سبرايز صح!؟
ناصر: اءء و واضح اني دخلت للغرفة الغلط!
ريم: لوحت الباقة يلي كانت ماسكتها على السرير وملامح وجها قاعدات زي ما هما ما تغير فيهم شيء... لا هذا الجناح متعك يا دكتور ناصر!
ولي سوء حظك أنا عروستك اليوم
ناصر: ناقر حواجبه ويشوفلها بتمعن .. معقوله البنت يلي خطبها تغيرت هكي؟؟ مستحيل هو حافظ ملامحها كويس!! يلي خطبها بيضه ويلّي قدّامه نحيطه مائلة لي السمار الخفيف يلي خطبها شعرها بني فاتح وقصير ويلّي قدّامه شعرها أسود زي الليل وواضح إن طويل يلي خطبها طويله زي عارضات الأزياء ويلّي قدّامه قصيره❤️ يلي خطبها عيونها خضر ويلّي قدّامه عيونها ع الاسود 🔥
ريم: خلي نريح رأسك من الأسئلة يلي في بالك وقريب تجيبلك جلطه دماغية !
أنت خطبت وأعجبت بي ريماس أختي وأهلي غيرو العروسه من كيفهم لأني الكبيرة وغلط تتزوج الصغيرة قبل الكبيرة
ناصر: صاح فيها بي حاله هستيريه ....شن تقووووووولي انتي مستحيل الشيء هذا
ريم: ببرود تام ... هذا يلي صار أسفه بالنيابه عليهم!!
ناصر: معاش قدروا رجليه يحملوه أكثر من هكي طاح ع الصالون يلي كان وراه ورأسه بين يديه يحاول يستوعب يلي صار في الليلة يلي استناها بي فارغ الصبر!!
أما ريم عطاته بالضهر وهيا تنحي في الطرحه وباقي إكسسوارها وتتكلم بكل برود وثبات!!
ريم: خطبة شهرين بس وبعدين عرس!..
عائلتي وعائلتك متحفضه يعني مافيش مكالمات ولا حتى مناسبات في الشهرين هادم عشان تجي للحوش وهكي الخطة تمشي تمام ... ما قدرتش ندير موقف ونرفض قدام عيلة تامة!.. أسفه بالنيابة عليهم مره تانية!
رجعت عطاته بالضهر عشان تحول ماسكات التسريحه لكن فجأة معاش حست بي شيء غير بي دم نازل مني يقطر على الفيلو الأبيض
ريماس: مقعمزه في السياره جانب بابا روحت مع بابا لأني اخر وحده طلعت من الصاله وخلصت باقي مبلغ القاعه بحكم ماما كانت مش فاضيه و روحت قبلي مع خوي نتفرج على المطر يلي كانت قويه لدرجه رهيبة ونفكر....... يا ترى شن صار مع ريم؟؟ ما بعدها كانت لقطه حقيره من عيلتي ما نقدرش ننكر الشيء هذا يلي يضحك في الموضوع إن حتى حناي الله يرحمها تزوجت بنفس ألطريقه ما فهمتش وين الغلط لو تزوجت البنت الصغيرة قبل الكبيرة ؟؟
مش ميته ع الزواج لكن حرام أختي نضلمت وحتى العريس انضلم!...
انتبهت ان في سيارة تلاحق فينا من لما طلعنا من القاعه وتغيرلنا في ضيء كم مره لين وقفنا!
وقفنا وفتح الروشن....
الشاب: أوراقك يا حاج
فؤاد: لمح السلاح يلي ع خصر الولد ومحبش يناقشه ..... فتح درج السياره وبدئ يدور في الأوراق وفِي الوقت هذا كان الشاب يخنب في نضرات من تحت لي تحت لي ريماس! كان فاهم كويس هو وصحابه ان البنت كانت في عرس يعني بي كامل زينتها
أخيراً فؤاد لقي أوراق السياره ومدهم لي الشاب
الشاب: بدّي يشوف للأوراق ... ماعندكش طارقه تفضل أنزل من السياره
فؤاد: عدل نضراته... تمام نرجعلكم توا معاي بنتي نوصلها ونجيكم
الشاب: 5 دقائق أنزلي لي السياره التانيه بنشوف الفندي أعطي رقم بطاقتك ووقع وبرا
فؤاد: بطاقتي عندك!!
الشاب: إياااه علينا عاد كان خايف ع البنت درس يمينك وسكر عليها السياره بي المفتاح
فؤاد: خاف يعاند يديروا فيه شيء هو وبنته وفِي نفس الوقت خاف ينزل ويخلي بنته!.. ما قداش حتى يتصل بي حد من أولاده واضح ان في شيء مش طبيعي
وافق فؤاد... وسكر الباب بي المفتاح
ريماس: قلبها طاح وعلى طول اتصلت بي خوها حكتله و وصفتله وين واقفين بالزبط !!
لحظات وسمعت الباب انفتح!! ودخلت ريحه مقرفه لي السياره!

"في مكان ثااااني بعيد"
فاطمة مقعمزه لابسه البودري وسط السهريه والدربوكه .. تمروح وتبتسم والحنه طالعه عليها تجنن❤️❤️
كانت سارحه ومش مع المعازيم أبداً تفكر !
فتحت تليفونها مافيش أي مكالمة أو مسج غير مسجات المباركه والتهاني من صاحبتها بدت تحكي داخلها
فاطمه: ياربي هذا وين اختفي؟؟ من امس تليفونه مسكر ومعاش كلمني شنو صاير؟؟ اففف راسي بيتفجر
مفروض نثقل عليه اني خلاص الحفظه بكرا أكيد حتى هو لاهي في الحوش..أنهت فاطمه كلامها بي الجملة هادي وهيا أطمن في روحها وكملت هياجه وضحك مع الزمزامات وبنات العيله لين كملت السهريه وروحوا المعازيم قعدوا العمات والخالات وبناتهم بس❤️

جت الساعة 1 في الليل و نفس اي عرس ليبي العيله ملتمة ع سفره ويهدرزو ويضحكو ويلّي ترقد في صغارها ويلّي تاعبه مقدرش يقاوم ويلّي مقعمزه بروحها في التركينه تحكي ع التليفون!
قاطع صوت الضحك العالي والهدرزه عثمان( أب العروسه) كان وجها أصفررر وواضح ع ملامحه إن في شيء!
عثمان: فاطممممه فااااطمه
ناضت وحده من بنات العيله مبتسمه.... فطوووومه تعالي يبيك بوك
يحليلي بيودعك اخر يوم ليك هنايا🙊❤️
فاطمه: ناضت من بين البنات بي لبستها البودريه تمروح على روحها وطلعت ... نعم بابا
عثمان: تعالي ورأي ... وعطاها بالضهر
فاطمه: بدت إبتسامتها تختفي... قلبها نغزها حست ان فيه شيء خشت لغرفة نومها يلي كانت مقلوبه فوقي لوطي من حوست العرس !... لقت أمها وخالتها واقفين يستنوا فيها وامها طووووول نزلت عيونها
عثمان: سكر الباب ويجمع في قوته انتي عارفه ان كل شيء في الدنيا قضاء وقدر من عندي ربي ولا لا؟
فاطمه: تبدلت ملامحها لي خوف... شن في بوي؟
عثمان: في النهاية كل شيء قسمه ونصيب! ويلّي دار حاجه على طول الزمان بيلقاها
فاطمه: طاحت منها المروحة البودريه وخبطت على وجها ...شنوووووو صاير
أم فاطمه خانتها دموعها ونزلت 💔
عثمان: حط الورقه على السرير وتكلم وهو يحاول يقوي نفسه!... راجلي سافر اليوم من الساعة 7 الصبح وخلالك الورقه هادي
فاطمة: ضحكت بهستيريا ....سافر؟! هه كيف مستحيل غدوه دخولنا وإصلاح طيارتنا الاثنين الجاي
عثمان: سكت
فاطمه: قربت على الورقه فتحتها وتفاجأة إنها ورقه طلاقها💔💔💔
ورقه طلاقها بعد خطوبه وفاتحه دامت 4سنين وخلاها اليوم بحنتها 💔
طاحت فاطمه ع الارض تندب وتعيط ع طول حسها كلهم فاهمين إن عشان خطيبها تخلى عليها
محدش كان عنده علم بالمصيبة يلي دارها فيها قبل ما يسافر💔
....يتبع
"بليييييز تفاعلوا😔💔"