أدوار وهميه

الحلقة التالتة🖤

أدوار وهمية "حقيقية ممزوجة بالخيال"

شافت ريم بخوف لي أختها..... ركب السياره؟؟؟
ريماس: هزت رأسها ونزلوا دموعها
ريم: شن دار؟؟ شن داروا فيك ريماس؟؟
بدت تخض في ريماس من كتافها وتعطي عليها
شن داااروا فيييييك .
ريماس: خدت نفس و مسحت دموعها... ما خليتاش
هو حاول بس ما قدرنيش لان مكانش في وعيه
ريم: شبحتلها بنضرات إنها مش مصدقه
ريماس: بعلت ريقها .... خذي سلسلة الذهب متعي
قطعها من رقبتي عرفت ان غرضه الخنبه
نحيتله خراصاتي عشان خلاص يكتفي وقَعَدت ندف فيه إن طلع وسكَّرت ع روحي الباب من جديد
ريم: وكيف ما تحكيش لي بوي كلام زي هاذا !!!!
كيف سكتي؟؟
ريماس: ع اساس حتى لو حكيت بيديروا شيء؟؟؟
بعدين مستحيل حد يصدقني وانتي عارفه عيلتنا بيصير فيها طبيب شرعي وعار زايد ونحنا مش ناقصين يكفي الدوشه يلي صارت اليوم
ريم: رفعت شعرها بتوتر .. العار يلي دراته عزوزتي الغالية
ريماس: اي وعندها الحق... مهما كان غلط يضحكوا ع عيلة تامة
ريم: مدخلي في حد أني
ريماس: كيف يتعامل معاك راجلك! وتهنيتي ولا لا؟؟
ريم: طلقتها ضحكة ... تبصري أنتي؟؟
هو مش قادر حتى يشوف لي وجهي مسكين تبي يدير معاي الجو؟؟
ريماس: و عاجبك الزواج ألمعفن هذا أنتي؟؟
ريم: شافت لُي روحها ع المرايا ... ع الأقل حلمي تحقق بديت إنقي في حواجبي ع راحتي😂😂
ريماس: متفهك رييييم متفهك فكري في حياتك؟؟
لو روحتي اليوم مطلقه شنو بيحكو عليك الناس ؟
إنتي مستوعبه؟؟
ريم:  مركزه ع وجها في المرايا..... ملياش دخل الحمد الله ضميري مستريح  مش أني يلي درت الجو هذا كله من أمك وبوك وتفكير خالاتك !! خلاص خليني في حالي
ربيعة: فتحت الباب ... شنو إنتي وياها معطلين ولا كيف؟؟
ريماس: كنّا نهدرزوا شويه يا ماما
ربيعه: هيا أطلعي بسرعه باش تمكيجك خالتك عفيفة ونلبسوك العربي
ريم: شافت بهزوه... خالتي عفيفه؟؟
من جدك أمي ؟؟تبيني نطلع مرعوبة أكثر من يوم الحفلة؟؟
وبعدين لمن لابسه العربي حتى المحضر لغوه والخيمة نحوها من أمس في الليل
ربيعه: وشن عندنا علاقه فيهم نحنا تحركي أطلعي
ريم: طلعت من الدار وتعابير وجها كأنه طفله مغصوبة ع شيء ما تحباش
أما ريماس قعدت في مكانها وتشوف للفراغ....! عقلها هاااااايم في دنيا تانيه

فاطمة: من لما رجعت للحوش قررت تخلي كرامتها ع جانب وقررت تستر روحها حتى لو كان ع حساب كرامتها💔
من أول ما وصلت بدت تتصل بي أنور وتبعت في مسجات  طووووويله كلها عبارة عن ترجي ان يسترها ويتزوجها حتى أسبوع بس و ينسب الولد يلي حملت بيه من خوه عشان يكون ولده قدام الناس
مهدتش ولا ارتحلها بال وإتصالاتها تخطت الحدود لدرجه أنور حطها في الحضر!!!
كان أنور ملخبط وكأن زيارة فاطمة قلبت الدنيا عنده💔
من جهة خطيبته يلي يموت فيها وما يقدرش يعيش تانيه من غيرها ومن جهة الغلطة يلي دارها خوه في فاطمه ولو ما تصرفش وخداها رح يتسبب في موتها
حاول أنور يوصل لي خوه عشان يقول أرجع لي ليبيا راهو فاطمه حامل منك أرجع وصلح الغلطة يلي صارت لكن ما قدرش يوصل لي طرف خيط يوصله فيه أبداً💔