أدوار وهميه

الحلقة السادسة🖤

{ادوار وهمية}
"حقيقة تم إلغاء الخيال😅"
الدكتور: الف مبروك ولد لكن الام مش رح تطلع الأيام هادي تاعبه
سعاد: بعيون معبيا دموع.... الحمد الله يااااربي الحمد الله نبي نشوف حفيدي لازم نبي نشوفه اول وحده
الدكتور: اهدي يا حاجة يبي ع الأقل 3ساعات في الحضانة باش نتأكدوا ان بخير
سعاد: حاطه يدها ع قلبها .... اااااه يا ولدي الغالي اااااه
متت بحسرتك يا وليدي ياريت شفت حتى ولدك
الله لا تسامحهم ولا تربحهم حسبي الله ونعم الوكيل
بشير: خلاص عاد ما تقعديش تندبي قدام الناس حتى في وقت الفرح لازم من العياط
سعاد: لأنك مش حاس بالنار يلي فياااااا
أنا بس أمه يلي مستحيل ننساه
رواد: مافيش داعي تقلبيها نكد خصوصاً ان المراءة تاعبة
أنا طالع بنولع سبسي لو احتجتوا شيء كلموني
سعاد: هزت رأسها بمعنى تمام وهيا تُمسح في دموعها
بشير: قعمز جنبها وهو يشوف لحجرة المصحة البيضة.. نصره تقعدي منكده ع الصغار هكي!
8شهور ليك كل يوم عراك ونديب
ولدك بيسافر
سعاد: شافتله بصدمه... ولدي؟؟؟ من فيهم!!
بشير: خدي نفس رواد
سمعته يحكي هو وصاحبه بيرجعوا لُي ألمانيا
الجو هنايا ما مشاش معاه بدأت لما جي لقي النكد والعزوات يلي فاتحتيهم هنايا
سعاد: جت بتنوض وبتمشي لي رواد لكن بشير مسكها من يدها..ارزني
مهما ترجيتي وبكيتي ولدك مش رح يقعد بالأسلوب هذا
سعاد: شنو تقصد نتفرج عليه وهو يضيع مره تانية
بشير: لا اكيد لكن مش بالطريقه هادي
سعاد: تكلمت بإستهزاء.... وشنو الطريقة يلي بتحافظ بيها ع صغارك ياسي بشير!!
قاعد تهرب فيا نسيت انك انت السبب في هجرة رواد ولا نذكرك!
بشير: تغيرت ملامحه... هني عمرك بدون دون فارغه
ولدك مش رح يقعد ان يربطه شيء هنايا
سعاد: بنظرات استغراب... شنو بيربط هنايا؟؟
بشير: بنزوجه
سعاد: سكتت شويه وع وجها التوتر.... ما تقوليش انك...
بشير: اي بالزبط.... ريم
سعاد: تكلمت بي انفعال كبير..... على جثتي الله ما تخشلي حوش من جديد وكان نبدأ
بشير: ولد بيقعد جنبك وحفيدك يتربى عندك
ما تغلطيش وتوقفي في وجه الزواج هذا
كله في صالحنا
سعاد: وليدي مات بحسرته
بشير: الله غالب ..... مات خلاص ومعاش في شيء يرجعه
لكن نبيك ما توقفيش في طريق رواد وتخليه يهرب من جديد
سعاد: تُمسح في دموعها.... كان وافق عليها السوداء هادي
بشير: خدي نفس عميق وهوا يحرك في راْسه يمين يسار ويردد.... مستحيل تتغيري

نورهان: واقفه تشوف في بوها وامها من بعيد...
واضح ان بوها يفتح لي امها في موضوع مهم وامها زي العاده مسكره رأسها
غيرت اتجاه عيونها لي الروشن ... قلبها رجف
رجفت اي قلب يشوف الشخص يلي يحبه
شافت صاحب خوها الغامض رواد
شاب مش مفهوم أبداً!
8شهور كاملات ما سمعتش صوته أبداً غير ان ينادي على رواد بس!
ما تعرفش اي معلومة عليه غير ان اسمه مجد ومش متجوز ولا خاطب
8 شهور تطلع وتخش قدّامه عينه ما قامهاش فيها أبداً وهذا الشيء يلي زاد حببها فيه!
شخصيته شكله رزانته❤️
كانت ميتة فيه بطريقة مش طبيعية
بس هو كالعادة مش عاطيها وجه نهاائي!
مجد: واقف جنب رواد يحكي وفجأة قعد يضحك من قلبه وقام راْسه فوق عشان تتلاقى عيونه في غيون نورهان
نورهان: من الارتباك متعها ما عرفتش شن ترد عليه دارتلا باي من بعيد
مجد: اختفت الضحكة من ع وجها ونزل راْسه تحت
اما نورهان تمنت الارض تنشق وتبلعها 💔🤦🏻‍♀️