أدوار وهميه

الحلقة التامنة🥀

ادوار وهمية "حقيقية تم إلغاء الخيال🖤"
عواطف: قتلك نبيك تمشي معاي يا سعاد غدوه
سعاد: وين ع خير؟!
عواطف: بنمشي نشوف بنت علي لي ولدي بدر
مروة: شافتلهم بصدمه وفقدت شعورها لما طاحت منها سفرة القهوة تااامة من بين يديها تناترت القهوة في كل مكان وكل الماعين يلي كان مسكتهم تكسروا وتناثر المرش في أماكن متفرقة ع الارض
نخلعت عواطف وسعاد من صوت التكسير ووقفو الاثنين وهما يشوفوا لي مروة مش فاهمين خيرها!
سعاد: بِسْم الله خيرك يا بنت شن جاك !
مروة: حطت يدها ع رأسها ... حاسه روحي دايخه
عواطف: بِسْم الله عليك تعالى قعمزي..... ووقفت جنبها سندتها هيا وسعاد لين وصلت الصالون
نورهان: خشت للدار مخلوعه هيا ولمياء
لمياء: شن صااار
عواطف: سلفتك داخت بري نورهان سلم بنتي جيبي اميه وحطي فيها شوية سكر امشي
نورهان: به حاضر هي .... ومشت
لمياء: جابت المكنسة قعدت تكنس وتلم في المرش
مروة: يديها يرجفوا وعقلها مش مستوعب.... يديرها بدر ويخطب!
نورهان: تفضلي مروة
مروة: شربت من الكأس وهيا حابسه دموعها بالسيف ما تبيش تبكي قدامهم
لمياء: مروة ولدك يعيط
مروة: بصوت تاعب... اي جعان خلي انوض
عواطف: ارتاحي وردي بالك ترضعي ولدك وانتي هكي
مروة: هزت برأسها بمعنى تمام وطلعت
عواطف: قربت ع سعاد وهيا مبتسمة .... زعما مش الثالث في الطريق😂
سعاد: اللطف ياربي حتى الأخير مش فاطماته ريحيني
عواطف: تضحك ع رد فعل سعاد
🥀🥀🥀🥀🥀
فاطمة: نحلف ما نخليكش تتهنى معها يا أنور
حسسني إني مرتك ع الأقل
انور: مريضة انتي بعدي
فاطمة: مسكت في يديه وأنور دفها
جي بيطلع بس استغرب فاطمه ما حكتش ولا لحقاته
تلفت عشان يشوف رأسها جاي ع حاشية الدرجة وغارقة في دمها
قعد واقف فترة مصدوم من هول المنظر يلي قدّامه !!
يشوف لي الدم يلي يجري شاق طريق ع الارض من راس فاطمه
كل تفكيره ان فاطمة ماتت وهو السبب!!
كان جسمه في حاله جمود و ذهول!
صوت عياط بنت فاطمة بصوت عالي هو يلي فيقه وخلاه ينتبه ع المصيبة يلي قدّامه وان هادي حقيقة ما يحلمش
بلع ريقه وقرب بسرعه عليها وجسمه كله يرجف
حط يده ع رقبتها وتنفس براحة لما لقي نبض❤️
قامها  و طلعها  من الشقة وسط بكي بنتها والدم يلي يقطر ورآه
حطها في السيارة رجع لي الشقة حوايجه كلهم دم ومش عارف كيف يتصرف !
يدير باله ع بنت فاطمة ولا يسعف فاطمة؟؟
قرب من البنت يلي كان وجها احمممممر من كثر العياط ع طول رقبتها
مسكها لي اول مره وحس ان قلبه بيطيح.... ركب لي عائشة بدون ما يحس كأن في الدنيا كلها ما فيش ملجأ غيرها
طق الباب فتحتله وكانت مصدومه في منظره
وقبل ما تنطق اي شيء سبقها هو!
انور: بصوت خايف.... ديري بالك عليها لين نجي ما تسألنيش ع ولا شيء توا
عائشة: خدت منه البنت وهيا مش فاهمة ولاشيء
  في لحظة لقت روحها ماسكه ليبي عمره ما سكرش الشهر يبكي وأنور نازل بسرعه البرق وحوايجه كلهم دم
🥀🥀🥀🥀🥀🥀🥀
ريماس: كملت كلامها رغم بكاها يلي يمنع فيها مره مره وهيا تذكر في تفاصيل الاعتداء عليها
وليد ما دارش اي ردت فعل غير انه يشوف للأرض ويسمع بس
ريماس: هذا يلي صار... اني ملياش ذنب في يلي صار
ما قدرتش نحكي لي عيلتي بابا صحته ع قده لو عرف يومها احتمال ينجلط ويموت  وخوتي معاش يقدروا يقابلوا الناس
مسحت دموعها وكملت كلامها...
أنا مش طالبه منك لا تستر عليا ولا اي شيء
بس حبيت نوضحلك سبب رفضي باش خلاص تبطل تتقدملي وانا نرفض حتى عشان شكلك قدام الناس.... وان شاء الله تكون راجل وما تحكيش لي حد
وليد: خدي نفس وهو يشوف للأرض
كانت نقرة حواجبه وهو يشوف للأرض بتموت ريماس من الخوف
ساد الصمت لي لحظة ... ما فيش غر صوت شهوات العبره من فم ريماس
ريماس: وقفت وهيا ادخل في شعرها وتساوي في الوشاح
عطاته بالظهر وبتطلع من الغرفه بس وقفها صوت وليد وهو يقول...
وليد: يناسبك العرس شهر 2؟
ريماس: وقفت وهيا مش فاهمة الجملة يلي قالها !!
تلفتت تشوفله ...نعم؟
وليد: أنا مستعجل ونبي نعرس حتى في الشتاء ما يهمنيش بس نسأل فيك مرات حابه العرس في الصيف
ريماس: عيونها حمر وملامح وجها واضح تحاول تستوعب ....عرس منو؟
وليد: عرسنا.... لو حابه تصلي استخاره قبل مش مشكلة نستناك اني صليتها قبل ما نجي وحاس روحي متريح
ريماس: رمشت عيونها بسرعه وهيا تحاول تستوعب ..... انت فهمت يلي حكيته قبل شويه؟
وليد: ما حكيتي شيء وما سمعت شيء ولا صار شيء
في حاجات اهم لازم نحكوا فيها توا
ريماس: تشوفله ومصدومة
وليد: واضح من نظراتك يعني تبي تفكري
خودي وقتك
ريماس: هزت رأسها بصدمه وطلعت كأنها تحاول تساير عقلها عشان تفهم بشويه
🥀🥀🥀🥀🥀🥀
رواد: واقف في الدرج المتحرك و يفصل في كل بنت قدّامه أو تفوت من جنبه كانت نضراته وحركاته تقتل
اي بنت تنجذب لي حركات ونظرات زي هكي
بس كان في شخص يراقب من تحت الخيمار وهو بيهبل
ريم: بعد ما نروح البسه العفن هذا 4 دقائق بس وحس بالشعور يلي نحس بيه توا
رواد: يمضغ في المستكة ولاهي في التليفون متعه.... ضمي فمك خير ما نروح بيك
ريم: حطت سنونها ع بعض بغللل... وربي لما تشوف وررررربي
رواد: طلع من الدرج المتحرك وريم ورآه بس عثرت في الدرجة يلي قدامها لانها ما تشوفش كويس زركت قبل  ما طيح وانتبهولها الناس تلقاها رواد مسكها
رواد: حتى خطوات زي الناس مش قادرة تمشي؟؟
ريم: من اللثام يلي ملبسهولي الله لا تربحك
رواد: قرب عليها يساويلها في فتحات الخيمار متع العيون .... سمعوا كلام البنات يلي وراهم لان كان واضح
البنت: شوووفي شووفي يساويلها في الخيمار  اللقطة تجنن😌❤️
صاحبتها: خدت  رشفة من  العصير .... والله ما في حاجة تجنن الا هو🤤❤️
ريم: تساوي في شنطتها ....سهل خداع الناس بالمظاهر
رواد: خبطها ع رأسها بخفه ...فوتي واسكتي  قدامي
ريم: مشت قدّامه بس سمعاته لما قال
رواد: العناد في اللبس والعار يلي درتيه مع المرحوم كل بنربيك عليه
وقفت ريم وتلفتت ... كنت عايش معانا ؟!
رواد: نفخ دخانه... خودي شن تبي بسرعه لان عندي خدمه بنطلع
ريم: اوكي عارفه خواتك ما تنبلش فوله في فمهم
بس يلي مش فاهمته امتى لحقو يعاودولك كل شيء هكي
رواد: لوح دخانه وعفس عليه....مسكها من يدها وجبدها وهيا ورآه ..... واضح انك ما تفهميش بالكلام
🥀🥀🥀🥀🥀🥀
فاطمة: فتحت عيونها و اول شخص شافاته هيا اسماء بنت عمها مخزن اسرارها
نطقت بصوت تااااعب... سومه؟
اسماء: قامت عيونها من التليفون وقربت عليها بلهفه.... الحمدلله ع السلامه
كيف صار الموقف
فاطمة: حطت يدها ع رأسها ....استني خلي ناخذ نفس وين أني
اسماء: وين تشوفي في روحك يعني بطلي استغباء وحركات المسلسلات يا فاطمه
شن صار باش دار هكي يا فاطمة
فاطمه: اااااه ولا شيء استفزيت بالكلام
اسماء: حطت يدها ع قلبها... وووه قلبي بيوقف
نحساب سمع شيء
فاطمه: ريحيني من دوتك هادي... بنتي وين
اسماء: ما نعرفش ممكن انور مخليها لي امه
فاطمه: الحمدلله يلي صار الموقف هذا خليها يحس بالذنب ع الأقل يقعد معاي شويه وتقعد هديكا الكلبه بروحها
اسماء: بِسْم الله شن شفتي منها البنت قعدين حتى ما تلاقيتوش
فاطمه: صحصحت وقعمزت ع السرير.... اسماء لازم نحافظ ع انور بأي طريقه
خداها خطيبته ونبي نخطفه منها لازم بأي طرييييقة
اسماء: فاطمة يا سرك...  انسترتي وله
خلاص خلي الولد يعيش حياته
فاطمة: اسماء؟؟؟؟؟؟؟
اسماء: اوكي خلاص.... فهميني شن تبي ديري بالضبط
فاطمه: حطت رأسها ع المخده وتشوف لي السقف .... مزال مش عارفه كيف نخش قلبه بس اكيد رح نقدر
اسماء: الله يستر بس
🥀🥀🥀🥀🥀🥀
ربيعة: شن صار؟
ريماس: في شنو؟!
ربيعة: شنو في شنو؟ في الولد مش طلعتيله
ما تقوليليش بترفضي زي كل مره
ريماس: سرحت وهيا تتذكر في كلام وليد
وليد: ما حكيتي شيء وما سمعت شيء ولا صار شيء
في حاجات اهم نحكو فيها توا يلي هيا العرس و موعده
ربيعة: الوووووو؟
ريماس: نخلعت.... ها أمي؟
ربيعة: شن صار
ريماس: اني مبدئيا عاجبني بس نبي نزيد نصلي استخارة
ربيعه: تنهدت بارتياح ... اخيراً
ريماس: أنا قلت بنصلي استخارة مش موافقة!
ربيعة: موافقة من وجهك بلا جو متع البنات
ريماس: ابتسمت وهيا ساكتة.... كان داخلها هلبا حاجات
ما تبيش تبني احلام ويطلع يضحك عليها
منو يرضى بي بنت مسها غير حتى لو كان اعتداء وغصب عليها
موضوع زي هذا يبي تفكييير وصعب يتخذ قرار في دقائق
🥀🥀🥀🥀🥀🥀
ريم: تشوف لي البيتزا يلي قدامها من تحت الخيمار .... توا أنا كيف بناكل؟!
رواد: فمه معبي ... دخلي يدك من تحت الخيمار مش حاجه صعبه هيا
ريم: اتكت ع الكرسي ورفعت يدها.... مش جعانه اصلاً عادي
رواد: يمضغ انتي الخاسره
ريم: تشوف الاكياس يلي شرتهم .... هيا بنروح
رواد: بتروحي؟!
ع اساس موتيه غدي يعني
ريم: تسمسم بسررررعه به هيااا
رواد: خدي شرفه من العصير
فرحانة عاد مش طايقك صبر تبي تقري  الوهم يلي شريتيه
ريم: اسمهم كتابات
رواد:  شكراً ع المعلومة ..... و مسح  فمه 
نوضي وانتي وقفتيه في الرقبة
ريم: وقفت وشدت أكياسها .... به شد معاي حتى كيسه وحده ع الأقل
رواد: يساوي في شعره ....هما مشتريات مني؟
ريم: قلبت عيونها بملل... مشترياتي
رواد: ومدامهم ليك علاش بنشدهم ؟!
ريم: هيا مساعده يعني
رواد: خودي القرف يلي شاريتيه وتحركي قدامي
ريم: خدت أكياسها وهيا متكنطية ومشت قدّامه
رواد: لاهي في تليفونه ومشافهاش وهيا متبهدله
بي عبايتها الطويلة عليها وخيمارها يلي مش متعود عليه وما تشوفش في شيء بسببه لين جت طايحه قدام الناس و الاكياس طاحوا منها وتفركسوا
في يلي يشوفلها ويضحك ويلّي دار روحه ما شافش ويلّي قرب يبي يساعد ... كان موقف بايخ بكل معنى الكلمة
ريم:  كالعاده ما كانش هامها لو شافوها الناس أو لا؟!
لو ضحكوا أو لا؟!
حكوا عليها أو لا؟!
ناضت نفضت عبايتها ومشت بدون ما تقيم أكياسها
رواد: كاتم ضحكته.... هي هي حاجاتك
ريم: تلفتت وهيا قايمه حاجبها من تحت الخيمار.... هاذم الحاجات بفلوس من؟!
رواد: رد عليها وهو مش فاهم ... بي فلوسي؟!
ريم: خلاص.... معناها لو طلعت وخليتهم مش حيوجعوني ....وطلعت
رواد: سكر تليفونه وحطه في جيبه..... آه يا بنت الكلب
مسك الاكياس وطلع ورآها
اما ريم لما شافاته جاي من بعيد وماسك البضاعة ابتسمت من تحت الخيمار ابتسامة نصر😏💪🏻
🥀🥀🥀🥀🥀🥀
انور: قعمز ع السرير وتنهد بإرتياح مش قادر يصدق ان فاطمه كويسه
طلع من القصة هادي ع خير
عائشة: ما تبيش تغير حوايجك
انور: شافلها وهو واضح عليه انه مضايق... وين البنت؟!
عائشة: نزلت جبتلها شيشتها رضعتها ورقدت
انور: كيف عرفتي اديرها
عائشة: مش حاجة صعبه عندي صغار أخت ولا نسيت
انور: حرجانة؟
عائشة: شافلته بنظرة حاده ... شن كنت أدير عندها انور؟
انور: امس لما بنفتحلها الباب نسيت تليفوني
جيت طالع قتلي تعالى نسيته
عائشة: تشوفله وتهز في رجلها .... به .. به كمل؟!
انور: استفزتني بالكلام و..... د دفيتها بدون قصد
عائشة: سكتت وطلعت من الغرفه للمطبخ
لحقها انور وهو يراقب فيها تغسل في شيشة البنت وساكتة
انور: بتقعدي ساكتة
عائشة: ما عندي ما نقول
انور: اسف☹️💔
عائشة: تلفتت... ع شنو
انور: ما نعرفش ما نعرفش حسين اني فسدت الصباحية متعنت أنا كنت نازل بنجيب الفطور ما نبيش نوضك.... ما نعرفش شن صار
عائشة: يلي صار انها خربت عليها دخولي وصباحيتي
هذا يلي صار
انور: خدي نفس وهو متضايق.
عائشة: شافلته بنظرة خوف.... مش مرتحتلها اني يا انور احلى لحظات حياتي يلي مفروض نعيشهم بي الحرف ضاعوا
انور: قدم عليها وبأسها من رأسها..... أسف
أسف صدقيني حنعوضك
عائشة: خدت نفس وشافت لي البيبي يلي راقد قدامها .... برا بدل حوايجك وتعالى تعشى
انور: بأسها مرة تانية وهو حاس بذنب كبييييير
🥀🥀🥀🥀🥀🥀
الساعه 9في الليل🌃
مروة: عيونها يلمعو
كانت لمعة حب ولمعة دموعها في نفس الوقت ..... مسكت بدر من جاكيته بي يديها الاثنين وصوتها المخنوق
تكلللم تكلممممم قولي صح يلي قلاته أمك
بدر: مسك يديها ونزلهم بس قعد ماسكهم
انتي عارفه ان عرس خويا باسم قريب
أمي الأيام هادي مفكره تحشيني معاه
مروة: عرس باسم ؟! عرس باسم مزال عليه أسبوعين بدر !!!!!
أسبوعين بس
بدر: حوشي واتي مروة
مروة: معش قدرت تتحمل ونزلوا دموعها. ..... حوش شنو بدر ركز
انت فاهم شن قاعد تقول ؟؟؟
بتتزوج انت؟!!
بدر: بلع ريقه ... أنا شن نقول
أنا شن نقووول مروه متزوجة وكل يوم جنبه
مروة: انهارت وضرباته كف..... انت عاااااارف من يوم حبيتك معاش خليته يمسني
بدر: مسكها من رقبتها وقرب عليها..... اليوم قريب نسكر سنه وإني نقولك اطلقي
مروة: دفاته.... ما نقدرش .... ما نقدرررررش لو كنت نقدر مش حنخليك تطلبه طلب زي هذا
بدر: قام راْسه وهو يتنهد ويشوف لي النجوم ما كانش في صوت غير صوت مروة وبكاها جنبه
بدر: شافلها..... مروة
مروة: حالة يدها ع عيونها وتبكي بحرررقه
بدر: خدي نفس اهدي باش نعرفوا نحكوا
مروة: استمرت في البكي بدون ما ترد عليه
بدر: قرب بيحضنها
مروة: دفاته من قبل ما يوصل فيها .... بتحبها؟؟!
بدر: تنهد بقلة حيلة ع الأسئلة يلي ما عنداش اجوابة عليها
مروة: مسحت عيونها... تعرف!
صوتها انقطع بس استجمعت قوتها.... صح!
مفروض تتزوج ما تقعدش هكي طول عمرك وانت ما ليكش مستقبل معاي
بدر: حضنه.... الكلام هذا ما نحبش نسمع مروة اسكتي
مروة: بادلاته الحضن بقوووووة..... مستحيل تحبها زيني صح❤️☹️
بدر: مستحيل❤️
مشهد زي هذا اي حد يشوفه رح يسخف عليهم
ويقول شن الظروف يلي منعتهم ما يكونوش مع بعض
بس المشهد هذا اكبر حرام لما تكون متزوجة وبي صغارها
على منو مفروض نلومو؟!
ع بدر يلي قرب منها وهو عارف انها متزوجة وبي صغارها !!
ولا ع مروه يلي سمحت لنفسها تخون راجلها مع ولد خالة!!؟
ولا ع أيمن يلي مقصر مع مرته مش في فلوس أو في حاجات ماديه؟؟
كان مقصر في المشاعر معها!!
مروة كانت صغيرة ومحتاجه حاجات زي هكي🤷🏻‍♀️
ما فيش حد قادر يبرر خيانة زي هادي ولا عارفين تلوموا ع اي واحد فيهم بالضبط
🥀🥀🥀🥀🥀🥀
#تسريع في الأحداث
بعد مرور أسبوعين
طق طق طق
عائشة: لمت شعرها وفتحت الباب .... خلت ملامحه عاديه... اهلًا
فاطمه: دفتها وخشت .... نحي من قدامي وين بنتي
عائشة: سكرت عيونها دقائق وهيا تترجى في ربي يساعدها تتحكم في أعصابها
فاطمة: تبوس في بنتها ... ياروحي
يا عمري تسحاب روحها بتاخدك مرت بوك الشريرة هادي
عائشة: بوك؟!
فاطمة: انخطف لونها: بوها ..اي!
عائشة: هه بس ليش الكذب
فاطمة: بي استفزاز... كل الناس هكي شايفة وطلعت
عائشة: مريضة ..... وسكَّرت الباب
🥀🥀🥀🥀🥀🥀
مروة: حمدت ربي ان بدر رفض يخش للخيمة
شفت عروسته وكانت اقل من العادي
رفضه ان يخش يدرجها كان دليل يثبت حبه ليا
اتصلت بي أمي اطمنت ع الصغار وبعت رسالة لي أيمن راجلي {اني بنروح مع حياة صاحبتي بنبات غادي البنات مجتمعين مدام الصغار في حوش أمي نبي ناخذ فترة نقاها }
ورد عليها أيمن بنفس الرد كل مره
[تمام لما بتروحي كلميني]
مروة: سكرت التليفون وهيا تفكر
🥀🥀🥀🥀🥀
ريماس: حفلتي ماكانتش زحمه لان ما عزمتش حد غير الاقارب بس
كان عرس بسيط جداً المهم نروحله
وصلت لي حوشه وكان حوش ارضي بعيد عن حوش أهله
حوش قنين وواسع بجناناته
خشيت داخل وقَعَدت واقفه في الصالة وقلبي يدق بنموت
🥀🥀🥀🥀🥀🥀
ريم: وقفت ع المرايا نشوف في روحي
علاش اني مش نفس البنات؟؟؟!
مش مدوره حد ولا معبره حد ولا نحب حد ولا نكره حد ولا نحب نهدرز مع حد
الماضي ليه تأثير؟؟؟
كيف الانسان يقدر يعيش بروحه هكي
رواد: يا عيني ع الشيء والضيء يلي يتفرج ع روحه يا عيني
ريم: تلفتت بفزع
🥀🥀🥀🥀🥀
بدر: خش لي حوشه بعد ما ودع صحابه
متوتر كيف بيبداً معها وهو محكاش معها قبل أبداً
خش لي الصاله لقاها مقعمزه
طالعه قنينة ومش خاطئة أبداً
ضحكتله وقتله مبروك بصوت مرتبك
كان بيرد عليها بس قاطعه صوت تليفونه وهو ينبه فيه بي رسأله جديدة من مروة
{ربع ساعه وتكون في الاستراحة نستنى فيك ضروري ما تخلينيش بروحي تعالى ضروري}
ارتبك بدر....
كيف قدرت تخش للاستراحة
اذكر ان عاطيها نسخه من المفتاح
بس ليش هيا غادي
كيف قدرت تطلع وتخلي راجلها
شن بيقول المسكينة يلي قدّامه تشوف للأرض بخجل تسحاب يتأمل فيها مش قادر يطلع ولا قادر يقاوم رغبته في مروة
بدر: ءءا انتي خشي لي غرفة النوم بدلي ونودي راحتك ما بين ما جيتك
قامت عروسته عيونها بصدمه بس بسرعه ما تلاشت وخشت بي فيلوها للممر ومن الممر لي غرفة النوم
بدر: قعد مركز معها لين سكرت  الباب و بسرعه البرق خدي مفاتيحه وطلع ....  يتبع🖤