أدوار وهميه

الحلقة السابعه💜

أدوار وهمية "حقيقية تم إلغاء الخيال🖤"
ريم: أذكرت ليلة دخولي مع ناصر.... ناصر أنجبر انه يقعد معاي
واكيد حتى خوه توا مجبور يقعد
لعند امتى بنقعد هكي؟! مافيش حد فرحان انه قاعد معاي
طق طق طق
ريم: ردت ببرود.... ادخل والتفتت لي الدولاب دور شنو تلبس بعد ما تغير
رواد: خش الغرفه وسكر الباب ولوح تليفونه ع السرير ورمي نفسه ع الكنبة ..شنو مفروض نقول توا  ؟!
مبروك مثلا!
ريم: ابتسمت بهزوه وتلفتت .... جف حلقها وتلاشت الابتسامه يلي ع وجها  لما شافاته ..... عيونه طوله سماره❤️ ...
أبداً ما توقعتش شكله يكون هكي ولا فكرت اصلاً ؟!
رواد: قام حواجبه ونزلهم كأنها تحيه من بعيد مع ابتسامه مش مفهوم شن غرضها
ريم: اءء اء ع عادي
عادي قول اي شيء مش مهم
رواد: قام حاجبه لانه ما فهمش حتى كلمه منها
ريم: بلعت ريقها... اءء نقصد ان مش مهم عادي
رواد: ناض قعمز ع الكنبة بتعب ... ع فكرة توقعت شكلك سيّء جداً بس طلعتي به فيك الهون
ريم: قامت حاجبها وشافتله بنظرة تعجب
رواد: طلعتي.. يعني مش زي ما يحكوا عليك
ريم: عطاته بالضهر وقامت شعرها
رواد: ولع دخانه ... شن نظامك انتي
ريم: تنحي في الرموش... اندرويد
رواد: ودمك خفيف زياده ... حلو حلو
ريم: كأن واخد راحتك
رواد: شاف يمين يسار... وعلاش ما ناخدش راحتي ؟ منو معانا!؟
ريم: لفت شعرها وقعدة واقفة تشوف لي رواد في المرايا
أبداً ما كانش متحشم أو مرتبك
رواد: حط باكو الدخان.... شن بنديروا الليلة!
ريم: تلفتت و واضح ع وجها علامات الصدمه!!
رواد: شن تشوفيلي هكي تحركي بدلي حوايجك وتعالى نتم موضوعي معاك ونرقد
ريم: قعدة ساكتة تشوفله بصدمة لسانها متجمد
رواد: ضحك ضحكة بايخة... نبصر ما عنديش نيا فيك اليوم نحس في روحي اخي
نايض الصبح ومش راقد كويس
ريم: حطت يدها ع عيونها كأنها تبي ترتب الأفكار يلي تلخبطت عليها
رواد: غيري ونضمي امورك وجيبلي حاجه نأكلها جعان لنم
ريم: خدت بيجامتها وخشت للحمام بدون ما ترد عليه ولا كلمة
رواد: فتح تليفونه ولقي مسج
مبروك يا عريس ... كيف اول يوم زواج؟؟
رواد: ناقصك اناااااا؟!..وسكر التليفون ولوحه
سند رأسه ع الكنبه ويفكر شنو حيصير بعد ما ضاعت احلامه كلها 
تفركس كل شيء كان مخططله الأيام الوردية يلي بانيها جي فجأة الزواج هذا ودمره
خدي نفس عميق وهو يحاول يقنع نفسه ان مزال في أمل
اما ريم اول مره تحس بي شعور زي هكي !!
وين اختفى البرود ؟! وين مشت اللا مبالاة ؟!
كلام رواد وبروده يلي أحرف منها سببتلها احساس بالضيق 
بس هادي اول 5 دقايق بينهم كيف يصير بعدين؟!
🥀🥀🥀🥀
كأنه مشهد من أحد الأفلام الأجنبية ❤️
كان ليل وهدوء ما فيش شيء غير صوت الموجه وحضن دافئ محتويها وريحة البحر ونسمته يلي تضرب ع الوجه
بس كان حقيقي❤️
مش خيال ولا فيلم كانت بجد مروة عايشة في الأجواء هادي في حضن بدر
قدامها البحر وجنبها بدر شابكين يديهم في يدين بعض
كأنهم مراهقين وعصافير حب
ناسيين كل شيء وراهم !
مروة: أدور في عيونها يمين يسار ... خايفه يشوفني حد
بدر: ما تخافيش وانا معاك ❤️
بعدين الجهة هادي لي صاحبي مافيش حد يقدر يتكلم
مروة: ابتسمت وبساته ع خده... أنا صقعت ونبي نروح ياسر قعدت هلبا برا
بدر: غير عيونه اتجاه البحر... مستعجلة تبي تروحي لي راجلك ؟
مروة: بعدت عليها وهيا تشوفله بنظرات عتاب.... نروح لي راجلي؟
بدر ما تستفزنيش انت عارفني  مش متقبله حد غيرك
بدر: ومدام مش متقبله حد غيري علاش مطلبتيش الطلاق ؟؟
نبي نفهم
مروة: نزلت عيونها للأرض... ما نقدرش
بدر عندي صغار وانت ولد خالة راجلي حتى لو أطلقت مش حنكونوا لبعض
بدر: والحل!
مروة: مسكت يده.. ما نعرفش
ما نعرف شيء بس نبيك تقعد معاي توا بس
بدر: مد يده ليها وحضنها ❤️
مروة: هي نروحوا
بدر: هز راْسه بمعنى اي بس واضح من ملامحه انه مضايق
🥀🥀🥀
فاطمه: واقفة ع روشن المطبخ وتتفرج ع الزفه
كأنه أنور اول مره يتزوج
فرحان بيطير بي حب عمره
و للامانة حتى أمه وخواته فرحانين ع اقل بعد التعب هذا خدي يلي يحبها قلبه
كانت فاطمه بتموت من غيضها وهيا تفكر كيف الناس بيشوفولها بشفقة بعد ما راجلها خدي عليها ضره!
سكرت الروشن وحطت يديها ع وذانه ما تبيش تسمع صوت الزغاريط
انطلقت بسرعه لي باب الحوش فتحاته وقَعَدت واقفه
لين سمعت طقات الكعب ع الدروج... طلعت ووقفت تستنى فيهم
أنور ماسك عائشة من يدها ويحكي معها بالشويك
لين اختفت الابتسامه لما شافها قدّامه ووقف
عائشة: نزلت الفيلو يلي كانت ماسكاته بيدها وقامت الكاب يلي مغطي ع عيونها وتجب عينها في عين فاطمه
فاطمة: مبروك
يشوف لي عائشة يلي قتلاته بنظراتها... يبارك فيك
هيا عيوش
عائشة: مشت معاه ووقفت لما سمعتها
فاطمة: تتهني بيه... شكراٍ لأنك خليتيني نحس بطعم السعادة وبي حنيته عليا طول ال8 شهور هاذم
عائشة: تلفتلها بصدمة بعد ما شافت لي أنور
فاطمة: تُمسح في دموعها المزيفات يلي كانوا ع طرف عيونها ... ليلتكم سعيده
وشافت لي عائشة ان شاء الله تكون ليتك حلوه زي ليلتي وسكَّرت الباب قبل ما يرد عليها لا أنور ولا عائشة
عائشة: شافت لي أنور بنظرات غيظ ومسكت الفيلو وركبت بروحها   وهيا متنرفزه
أنور: قعد واقف بروحه قدام الشقه: يا عيني هذا من اول يوم هكي  بينهم
🥀🥀🥀🥀
نورهان: طلعت كل اكياس القمامة "اكرمكم الله" متع العزومه
وهيا راجعه داخل شافت مجد واقف من بعيد
ترددت انها تمشيله لكن لقت رجليها بروحهم واخدينها ليه  
عندها100 سؤال تبيله اجابه
نورهان: مساء الخير❤️
مجد: شافلها ورجع عطاها بالظهر... خشي داخل الدنيا ليل
نورهان: سكتت شويه وهيا تشوف للأرض .... عندي سؤال نفكر فيه من امس
ريم رجعت لي شقة ناصر مع رواد
يعني انت توا وين بتسكن بتقعد في الشارع
مجد: تلفت ....انتي مال اهلك؟! وشنو عيلة كتيبكم بودري أنتم البنات عادي جداً يطلعوا برا بعد الساعه 12 ولا كيف
نورهان: نصدمت من أسلوبه المنحط و الوقح
هيا عمرها ما حكت معه بس منظره الخارجي يوحي انه شاب خلوق و محترم
عكس يلي تشوف فيه قدامها تماماً
مجد: ندوي معاك؟!
نورهان: فاقت من سرحانها .. سيباته بدون ما ترد عليه
ورجعت للحوش تجري خاطرها مكسور💔
مجد: يقلد فيها بتقزز... وين بتسكن بتقعد في الشارع ... عليك هم البنات في كل شيء حاشرين خشمهم
🥀🥀🥀🥀
ريم: طلعت من الحمام بملابسها المعتادة ❤️
شرط قصير مع تب اكبر من مقاسها بحكم كان الجو مصقع....
رواد: هكي تلبسوا انتم يوم الدخول
ريم: بدون ما تقيم عيونها فيه... اي
واتجهت للسرير
رواد: هي هي وين راقده و العشي ؟؟
ريم: صحتين مش جعانه
رواد: ما نعزمش فيك النهارات نقصد من بيديره
ريم: عندك يدين؟؟ شن وضيفتهم؟؟
رواد: بري البسي روب الدخول وتعالى توا نقولك شن وضيفتهم
ريم: بنضرات غضب... وقح؟!
ورقدت ع السرير وغطت وجها
رواد: تنهد بعمق.... عليك ليلة وخلاص
🥀🥀🥀🥀
عائشة: نحت الطرحه بعنف وحذفتها ع الارض
ما تقنعنيييييش يا انوووور
حلفتلي انك ملمستهاش أبداً شنو قاعده تنبح هاااااا؟!
أنور: ينحي في القرواطه وهوا مضايق... انتي مفروض تكوني فاهمة خبث البنات اكثر مني
كل يلي تبيه تخرب ليلتنا هادي بس
عائشة: ولاني فاهمة نفهم في خبث البنات علاش تبي تخربها الليله
أنور: مش فاهم قصدك
عائشة: نحت التاج ولوحاته.... لان الانسه عاااجبها وما تبيش وحده تشاركها فيك
أنور: وشن دخلي اني ؟!
عائشة: لو ما كنتش مبادلها الشعور مش رح تتجرأ وتحس بشيء زي هذا
أنور: خدي نفس عميق بضيق ...عيوشه فكيني من النكد يلي أطلعي فيه بالسيف هوا مش وقته في ليلة زي هادي ورأس أمك خلاص عاد
عائشة: حاطه يدها في نصها وقايمه حاجبها.... احلفلي انك ما لمستهاش
أنور: اووووف عائشة
عائشة: انوووووور
أنور: يردد في الحلفه بالشويه .... والله يا عيوشة ما قربتها ولا مسيتها باهي
عائشة: مسكت طرف الطرحة وضحكة مع حركة بي كتافها ... اي هكي تمام
أنور: يصفق بيديه ... يحليلي أنا من الدلع
عائشة: ضحكت وعطاته بالظهر تفك في التسريحه
🥀🥀🥀🥀
مروة: تُمسح في مكياجها وهيا مبتسمه تذكر في اللحضات الحلوة يلي عاشتها مع بدر
تذكر في نفسه وحضنه الدافئ المكان الوحيد يلي حسسها بي الأمان وشعوره حلو مستحيل يتكرر مع حد ثاني حتى لو كان راجلها
قاطع شعورها وذكرتها الحلوه صوت من ورآها
أيمن: علاش مسحتيه المكياج
مروة: تلاشت الضحكة من ع وجها
أيمن: قرب منها وحضنها من الخلف... الصغار راقدين❤️
مروة: بنبرة ضيق.. أيمن اني تاعبه هلبا اليوم ودفاته بهدوء
أيمن: شم يدها.... شنو الريحة الرجاليه يلي ع جسمك هادي؟!
مروة: بلعت ريقها بخوف بعد أذكرت انها ريحة بدر علقت فيها... اءء اء امبكري لمياء شاريتها لي كريم عجبتني هلبا بختلي منها البارده هادي
أيمن: شافلها بنظرة حنية ... مستاحشك❤️
مروة:  خدت نفس...اسفه أيمن جديات تاعبه اليوم صغارك بهدلوني وعطاته بالضهر تنحي في خراصتها
أيمن: تنهد بقيلة حيلة ورجع لي سريره
براءة مشاعره وتفكيره ما سمحتلاش ابدااااا انه يفكر ولو تفكير ان مرته تخون فيه وكانت في حضن غيره
🥀🥀🥀🥀
ريم: ناضت من السرير تعبت وهيا تتقلب بدون ما ترقد
طلعت من الدار بعد ما حست بالجوع والضيء هارب
فاتت من جنب دار الضيوف بس رجعت بهدوء وهيا تراقب في رواد
كان حاط اللاب توب قدّامه ويحكي مع حد فيديو
قدمت ريم شويه عشان تشوف بنت شقراء وجنبها ولد صغير عمره حوالي3سنين وكان رواد منسجم يحكي  بي لغة مش مفهومه وكان واضح انها لغة مش انجليزية كانت قريبك للألماني هكي
زادت ريم اتكت ع الباب عشان تتفرج ع رواد يضحك ويحكي لين الباب فضحها ودار صوت
رواد بسرعه الباب سكر اللاب توب وتلفت ...شنو خيرك؟!
ريم: رجعت قصتها للخلف انت يلي خيرك مخلوع ؟
رواد: سكت وهو يشوفلها ....انتي تفهمي ألماني؟!
ريم: اي وفهمت كل شيء حكيته
رواد: وقف وملامح وجها تغيرت ...خوف ورهبة
شن فهمتي؟!
ريم: ما ليكش دخل وحتشوف كيف نفضحك
رواد: مسكها من يدها بقوة بدون ما يحس.... شنوووو فهممممممتي
ريم: شافت في عيونه نضرة الجدية والرهبة ... اااه يدي نبصر عليك من وين بنفهم الألماني اني بعد يدك
بعدددد يدك وجعتنيييي مراد
رواد: رجعت ملامحه لي وضعها الطبيعي وقارن حواجبه... اسمي رواد
وطلق يدها بقوه
ريم: أدلك في يدها بوجع ...زي بعضه نفس الأسلوب
رواد: عطاها بالظهر وحط اللابتوب في الشحن
ريم: علاش خفت؟!
في منو تكلم؟!
رواد: ع حسب علمي كنت ع حالك لما كنت متزوجة ناصر ما فيش حد يدخل في الثاني
وتوا مدخله فيا من اول يوم ؟!
ريم: قرنت حواجبها... انت من حكالك؟!
رواد: وقف وفتح سوريته... مادخلكش
بعدي من عليا وإلهي في عمرك وفِي المكتبة يلي معبيه بيها الدار وانتي قريب تقري حتى كتابات التربية الوطنية
خليك في خيالك يكون احسنلك
ريم: انت من وين عرفت ان نحب نقرا
رواد: نحى سوريته ويفك في ساعته... مش حاجة صعبه اهم شيء بعدي ع الوهم يلي تقري فيه خليك في الواقع
ريم: بملامح مشوشة انت من وين عرفت
رواد: قام حواجبه وكتافه ونزلهم
ريم: انتبهت انه واقف قدامها عريان من فوق وينحي في سرواله بيغير حوايجه
تفركست مع بعضها سكرت عيونها وعطاته بالظهر بتطلع من الدار
رواد: وين!!
ريم: تحكي وهيا طالعه... لما الشخص بيغير حوايجه ع الأقل يتكلم مش هكي... وطلعت من الدار
رواد: بصوت عالي سمعاته ... انتي الخاسرة فوتي عليك مشاهد ما تتعوضش وضحك وطلع لسانه!
ريم: خاشه للمطبخ ... وقحححححححح
🥀🥀🥀🥀🥀
أنور: ماسك عائشة من خصرها ويرقص هو ياها ع أنغام هاديه في الغرفه
سند راْسه ع رأسها وهو يحكي بهدوء ... تذكري هبالك قبل خطوبتنا بسنتين
تبيني نرقص معاك هكي قدام الناس في القاعه
عائشة: اي ومن حقي نرقص أنا وراجلي وسط الناس
مسكت جاكيته بطرف صوابعها وتحكي بدلع ... وع فكرة مشت بي خاطري رقصة اليوم
قريب متت لما رفضت حتى تخش اطلعني
أنور: نتحشم الزح وجهي يولي ألوان ألوان كيف بنخش وسط الف بنت
عائشة: يا عمري اني حبيبي يلي مش متع بنات
أنور: أبداً والله حتى أسألي ولاد الجهة
عائشة: ضحكت وسندت رأسها ع كتفه 
طق طق طق
عائشة: قامت رأسها .... من جاينه في وقت زي هذا
أنور: ما نعرفش لكن يلي جاي توا فرخ حرام ... وطلع وهو متكنطي
طق طق طق طق
أنور: طالع من الممر وهو ماسك أعصابه ... جاااي جاااي
وفتح الباب
فاطمة: أزعجتكم صح
اسفه هلبا
أنور: اي الحق... تفضلي
فاطمة: باب الدار تسكر مني.. والقفل مكسور وبنتي في وسط الدار داخل تبكي من بكري نحاول مع الباب ما باش يفتح
أنور: فاطمة أنا زابطه القصص يلي ديري فيها ويكفي الكلام يلي قلتيه لي عائشة كله كدب في كدب
فاطمة: اسفه أنور حقك عليا باللهي عليك افتحلي الباب بس ما نبي منك شيء بنتي داخل
أنور: سكت وهو يشوف لي نظرات الترجي في عيونها طلعت من ورآه عائشة بي مكياجها وحنتها وروبها
يلي زايدها  جمال
عائشة: أنور
شن صاير
أنور: بصوت متكنطي... توا نجي
ونزل
فاطمة: شافت بنظره مستفزه لي عائشة ونزلت ورآه
تجري
🥀🥀🥀
رواد: لابس سروال توتة وكناتيرا... مقعمز ع كرسي طاولة الاكل وريم تحوس في المطبخ
رواد: يشرب في رُدبول يشبحلها ...شن طيبي
ريم: إندومي
رواد: هذا ما تعرفي ؟!
ريم: حطت الكاشيك... شو يا مراد
رواد: اسمي رواد
ريم: أياً يكن... لازم تفهم نظامي كويس وانا نفهم نظامك من اول يوم تمام
روا: يمسح ع لحيته... اممممم به عرض حلووو لعند توا
ريم: من زواجي الاول هادي ماكلتي ... دجاج مجمد إندومي بطاط مجمده وآتية وكنتاكي واتي
رواد: احم همبرجر واتي
ريم: رفعت حاجبها بمعنى كيف عرفت
رواد: مش هوا من ضمن القائمة
ريم: هزت رأسها يمين يسار تطرد في الأفكار العبيطة من رأسها ... اي
قهوتي وكتب الروايات يلي عندي اهم من كل شيء ما تنفخليش راسي وتيلي حوايجي وتيلي غداي من لما كنت بنت اني مش متع القصص هادي
رواد: بان فمه...حلو نظام اجانب يعني
ريم: حاجة زي هكي... وعطاته بالظهر تقلب في الطنجرة
رواد: ولدك؟
ريم: حناطه ميته فيه اكتر مني
رواد: يقولوا قلب الام ما يتحملش فراق صغاره انتي عندك عادي ؟
لهدرجة انتي أم تافه؟؟
ريم: تلفتت... اعتقد شيء هذا يخصني
رواد: ويخصني حتى اني مدامه ولد خوي 
ريم: خدت نفس ورجعت تقلب في الطنجرة
رواد: ع العموم مدامك حكيتي روتين حياتك البايخ هذا اسمعي روتين حياتي اني
ريم: صبت الاندومي في طبق وقعمزت مقابله ع الطاوله
رواد: خدمتي تليفوني اللابتوب اي شيء يتعلق بيا ما ليكش الحق أبداً تمسيه أو تجي جهة
ريم: تلف بالشوكة ... ليش ؟!
رواد: يمرر في أصابعه ع عضلات بطنه ... والله أموري
روتين حياتي ع قولتك
ما ليكش دخل في  شيء امتى تنوض أمتى  نأكل امتى نطلع وصاحبي مجد رح يكون مقيم في المربوعه عندي
ريم: تاكل... ما عنديش مشكلة انت وصاحبك العبيط المهم خليني في غرفتي ع راحتي وبس
رواد: خدي منها الكاشيك بعد ما قريب يوصل فمها وكلاه... مسامحك ع الشتايم مدامني حتى اني بنشتمك
ريم: خدت منه الشوكة بعنف... بارد
رواد: وقف يولع في دخانه
ريم: سارحه في الاكل وتحكي... نفكر في تصرفاتك أو الكارثة يلي مدايرها محدش يعلم بيها خلاتك ترجع لي ليبيا بالسيف
رواد: وقف بدون حركة فترة بعدها تلفتلها... ع فكرة الوهم يلي تقري فيه مأثر عليك هلبا
ريم: يقولوا ان البنت يلي تقرا في الروايات ما يفوت عليها شيء
رواد: ماسكة الطاسه.... يلي يفوت عليها كله تبدأ تتخايل فيه من العفن  يلي تقرأه ... وطلع وسيبها
ريم: ابتسمت ع جنب.. ممكن؟!
🥀🥀🥀🥀
أنور: يمسح في العرق يلي في جبهته مسك مقبض الباب ولقاه مكسور وواضح في حد تعمد كسره
فاطمة: قدرت تفتح؟!.... شكرا هلبا انور❤️😊
انور: حدف المقبض ع طول يده... الحركات الرخيصة هادي يا فاطمه ما تفوتش عليا ساامعه
فاطمه: اي حركات
انور: تنرفز... شيء...وجاي بيطلع
فاطمه: مسكاته من يده... انور خليك
انور: انفجر وطلع من طوره... بعقللللك الننننننم انتي ؟!
بطلي الحركات التافه الزفت اكبري وإلهي في بنتك
معاش تحاولي تخربي الليلة هادي
افهمي خلاااص يلي نحبهااا خديتهااا ما تقدريش ديري شيء
فاطمة: سحبت يديها وعيونها دموع بس ملامحها قعدت عاديه ... اسفه
ورجعت للغرفه مسكت بنتها
انور: خدي نفس عميق ورجع لي شقة
كان متلهف لي عائشة يختصر في الدرجات بخطوات كبيرة لين وصل خش لي الشقة وهو ينادي فيها لين وصل غرفه النوم
بس خاب امله لما لقاها راقده وأخذها النوم.... وقف شوية يتأمل فيها ويشوفلها بعدين غطاها وقعمز
حس بتأنيب الضمير اتجاه فاطمه
ما كانش لازم يهزبها بالطريقه هادي مهما كانت وقحه بس البنات حساسات وغلط يجرحها هكي
دلك راْسه بوجع واتجه لي السرير رقد وهو حاضن عائشة
🥀🥀🥀
ثاني يوم الساعه12 الظهر🏞🏞
لمياء: ههههههه عطيك السلامه يا مروة متت
مروة: تصب في القهوة حاله وربي توا تبيلك شهر مصدقه روحها عروسه ما تنزلش
لمياء: تقص في الخبزه ... شنو بديري هي خليها
أنا ما فهمتش اليوم شنو جيبها أم بدر الشله  هادي 
مروة: ومالك ومالها انتي شنو مضيقه عليك
لمياء: صراحه هو مضيق عليا مدرهلي كبدي حسيته الشهور الاخيرة يدور في سبله عشان يجي يتغذى ويتعشى هنايا
ما عندناش حتى صبايا  كنهاذا نقولك يتحكك عليهم
مروة: ضحكت
لمياء: ولا يجي عشان نورهان
مروة: انفعلت .. لا طبعاً
هبلتي انتي؟! نقصد ان كنّا نعرفوا ان  نورهان عاقله
ومش متع الدوه هادي
نورهان: سمعت اسمي
مروة: صباح الخيرات 
لمياء: شهقت ... نهاري خيره عيونك هكي منفوخات شكلك امس باكيه لين مرارتك فايضه
مروة: تحشمي لمياء
نورهان: اي أمس دخول رواد أذكرت ناصر "الله يرحمه"
مروة: "الله يرحمه "هي لمياء طلعي معاي حلوات
لمياء: به اسبقيني
نورهان: تنهدت بوجع
🥀🥀🥀🥀
رواد: يبخ في عطره ويرتب في نفسه
بصوت عاااالي... شن صار بتمشي للمول ولا مصارلكش
ريم: من الصاله... اي الصبر
رواد: هيا وانتي مكسرتلي راسي من الصبح عندي ما ندير
ريم: خشت للغرفه... اوكي واتيه
رواد: يتفحص فيها من فوق لعند تحت
كانت لابسه جينز ازرق وجاكيت جينز مرسوم عليها شفايف حمررر و سبيدرو احمر واكسسوار ع الذهبي
رواد: هكي طالعه
ريم: اي ليش
رواد: قام صبعه....توا تمشي البسي عبايه وخيمار
ريم: ضحكت ... والله
علاش ماشيه لي حفله ولا بنوقف ع الطريق 
رواد: عجبك باهي ما عجبكش اقعدي ما فيش طلوع اما تطلعي معاي هكي لاااا
ريم: لازم نطلللع لازم عندي هلبا حاجات نبي نشريهم
رواد: يلي  عندي قلته
ريم: خبطت برجلها.. تي لا عاد
رواد: كللللمه.... معاك 3 دقايق وبنطلع
ريم: لوحت شنطتها وخشت تغير
رواد: شاف لي نفسه في المرايا .... صقر الله يبارك تحكم
🥀🥀🥀
ريماس: مقعمزه مع راجل غريب وقلبها يدق الف مره في الثانية
هو نفسه يلي خطبها 5مرات وكل مره ترفض فيه بس ما فقدش  الأمل وجاها للمره السادسة ومن حضه وافقت تقابله
وهادي النضره الشرعيه  اخيراً
جف حلقها وتجمد لسانها وهو يتفحص فيها وواضح انه ذااااايب
مكبد عليها ليه فتره وهيا مش حاسه بيه اخيراً قدرت ريماس تحكي
ريماس: طلبت نشوفك بروحنا لان في شيء لازم نحكيه
وليد: ادللي❤️
ريماس: في شيء لازم تعرف وهوا يلي يقنعك سبب رفضي
رفضي ليك ولأي حد يتقدملي وأكيد رح تتفهم الوضع وتبعد
بس ياريت تطلع راجل وما تحكيش لي حد
تغيرت ملامح وليد لي خوف... في شخص في حياتك!؟
ريماس: هزت رأسها ونزلوا دموعها بمعنى لا
وليد: امالا شنو
ريماس: مسحت دموعها واستجمعت قوتها وبدت تحكي
🥀🥀🥀
انور نزل الصبح بكري عشان يركب الفطور لي عائشة
وهو نازل سمع صوت فاطمه تحكي امس نسيت هاتفك هنايا
انور: صباح الخير
فاطمه: صباح النور تعالى خودي أنا مش فاضيه
انور: خش الشقه وين حاطيته
فاطمه: ماسكة ترضع في بنتها... ع المكتبه
انور: خش بياخده
فاطمه: حطت بنتها ع الصالون ... تهنت؟
انور: يشوف لي شحن فونه.... هو انتي خليتي فيها هنئ امس  ؟؟
وجي بيطلع مسكاته
فاطمه: حس بيا
انور: قلب عيونه بملل... ما تتعبيش؟!
فاطمه: عاملنا زي بعض
انور: ما نقدرش
ما نقدرش بسبب العار يلي درتيه والفرحة يلي حرمتيني منها والعذاب يلي خليتيني نتعذبه ما نقدرش
فاطمه: نحلف ما نخلكيش تتهنى معاها يا انور
حسسني اني مرتك
انور: مريضه انتي بعدي
فاطمه: مسكت فيه وأنور دفها
جي بيطلع بس استغرب فاطمه ما حكتش ولا لحقاته
تلفت عشان يشوف رأسها جاي ع الحاشية متع الدروج وغارق في دمها
🥀🥀🥀
خشت مروه ماسكة سفرة القهوة وتشوف من الروشن لي بدر يلي يبعتلها في بوسات من بعيد
جت في وذنها كلمه
عواطف: قتلك نبيك تمشي معاي غدوه يا سعاد
سعاد: وين ع خير
عواطف: بنمشي نشوف بنت علي لي ولدي بدر
مروة: شافتلهم بصدمه وقفت شعورها لما طاحت منها سفره القهوة تااامة من بين يديها ...يتبع 🖤