صدفة

2

وصلنا ونزلنا اخر محطة شكرناهو ومشينا ⁦☺️⁩ ودعت علا وملاك ومشيت على البيت كنت تعبانة تعب ما بتوصف سلمت على امي ومشيت صليت العصر ونمت بي ملابسي ديك صحيت زي الساعة 5 كدا بي ريحة الاكل مشيت دخلت الحمام استحميت وطلعت لي ناس امي الوقت داك كان ابوي ومازن وسهى قاعدين في الصالون بحضرو في التلفزيون دخلت عليهم
انا :جمعة في الحرم أن شاء الله
ابوي ومازن وسهى :امين
مشيت دخلت المطبخ ساعدت امي في الغدا 🍗وجهزنا الصينية وطلعناها برا في الصالون قعدنا ابوي قال لي اها كيف الجامعة معاك قلت ليهو تمام ما بطالة ⁦👍قال لي الحمد لله. اكلنا ورفعنا الصينية واتونسنا كداااا المغرب أذن مشينا صلينا ودخلتا غرفتنا قلت اقرا شوية جهزت حجاتي وظبط اموري بديت اقرا كدا طق جاتني صورتو في خيالي
قلت يا ربي دا شنو دا انا مالي قال بفكر فيهو كدا 😳حتى اسمو منو زاتو ما عارفة هزيت راسي وقلت يا فدوة هوي ها دي ما شغلة ليك اقري قرايتك احسن ليك وقعدت نص ساعة وانا ماسكة الكتاب وبرضو ما قادرة اقرا في النهاية زهجت وقفلت الكتاب شلت التلفون دخلت الواتس لقيت ملاك وعلا بتكلمو عن سيد العربية
علا :تتذكري يا ملاك سيد العربية الجبيل واي انا من حلاتو😍 واي انا من وجنتو😍 ولونو وكلو😍 ياخ انا انبرشت عديل علا تعلن انبراشها الان جيبو لي اب وجنة دا عليكم الله انا ما قادرة اتحمل لو ما لقيتوو هو جيبو لي اخو المهم من سلالتم بس
ملاك :😂😂😂😂😂😂غايتو يا علا ما بسالك نهائي انتي خليك لي الزي دا بس
(طبعا من الكلام عرفتو انو علا مجنونة وبتاعت كراشات وكدا 😂😂😂😂
وملاك دي الزولة الرايقة ما بتاعت كلام زي دا زولة الله بس 😍😍😍)
نرجع لي موضوعنا
انا :هوي ها مالكم هاجين كدا التقول ما زول خلقو الله عان ديل بالله
علا :اثبتي لي انوو ما عجبك 😉 متأكدة كل التاكيد عجبك وكنتي بتفكري فيهو قبيل.😂صاح ولا ما صاح 😏
ملاك :😂😂😂😂😂😂 ما نصيحة نهائي انتي
انا :منو دي انا دي بري نهائي ما فكرت فيهو عان دي كمان وافكر فيهو لي قال مالي ومال دا
ملاك :هوي تصبحو على خير انا ماشة انوم بكرا القومة بدري مع عدم المواصلات دا
انا :تصبحي على خير حبيبة 😍
ملاك :تصبحو على خير 😘
صحيت الصباح زي الساعة 5كدا مسافة اجهز 6جات طلعت وركبت المواصلات ومشيت الجامعة ضربت لي ملاك
انا :يا علا انتي وين
ملاك :قربت نص ساعة وبصل
انا :وفلانة ديك وين لسة ما مرقت من البيت صاح
ملاك :بمناسبة فلانة الليلة عملتا كيف ما عارفة قال طلعت بدري قال وهسي قربت تصل زاتو
انا :ما لا قال عيانة ولا شنو 😂😂😂😂
ملاك :بكون ما بعيد 😂😂😂😂⁦
انا :خليها تجي ونعرف الشمار
ملاك : اي. يلا سلام👋 لي بعدين
انا :سلام 👋
مشيت انتظرتهم في القاعة لغايت ما وصلو
علا :صباحو
ملاك : صباح النور والسرور⁦❤️⁩
انا صباح النور 😍
انا : شوقات ياخ. 😍😍 وبالمناسبة يا علا الليلة حاصل ليك شنو قال جاية بدري ما من عوايدك
علا :تقولي شنو بس الليلة الحاجة قومتني من النوم بي الشبشب قالت الا اخلي عادتي دي استسلمت للأمر الواقع وقمت من النومة السمحة والسرير والباطنية اخ بس
انا :😂😂😂😂😂😂😂يحليلك. لاكين خاتو سعاد دي الليلة ابدعت معاك
ملاك :😂😂😂😂😂فعلا
انا :المحاضرة باقي ليها دقيقتين ارح صمتو التلفون
ملاك علا :تمام
والمحاضرة الزعاطة بدت كانت عن مبادئ حاسوب تمت تلاتة ساعات وانتهت بحمد الله
انا :يلا هوي الطقة الطقة
علا :اي والله انا ميتة من الجوع
ملاك :ارح
ونحنا ماشين على الكفيتريا فجأة علا وقفت وقالت لينا داك مش سيد العربية واي العسل بقرا معانا هنا واي واي ما مصدقة نهائي خلاص انا حاربط معاه
انا :غايتو 😒
ملاك :😂😂😂😂😂
انا :هي ارح ناكل ياخ شوفتو ما بتشبعنا ونحنا ماشين على حرب مدتا اررربعة ساعات. ارح ارح
علا :اي صحي ارح
مشينا الكفتيريا وفطرنا واتونسنا شوية بعد داك مشينا االحرب اقصد المحاضرة 😂 غايتو طلعت ما بطالة وما حسينا بي الزمن لانو الدكتور كان ظريف
انتهت المحاضرة ومشينا على البيت وصلت البيت وسلمت على ناس امي واتونسنا حبة والزمن مرة واليوم انتهى صليت العشا وما كان عندي مزاج للقراية قلت كدي اشوف الفيس دخلت وبقيت افتش فجأة لقيت لي بوست اثرني شوية معى اني في حاجات كتيرة ما بتأثر فيني ما عارفة اتاثرت لي فيهوو(انتي نبضي ووجداني وحبي 😍انتي اجمل زهجرة في الكون ⁦❤️⁩احبكي بجنون كحب عنتر لعبلة وقيس لليلة وكل العاشقين في الكون 😍ولاكن ماذا داهاك يا مقلة عيني الا تحسين بي الا تشعرين بحبي لكي كم من مرة حاولت أن اعترف لكي بحبي ووجداني لاكن ترددت لانك لا تتركين لي الفرصة لكي اتحدث معكي 😔ألاني فقير ولا املك ما تملكين من مال😓 تفعلين بي كل ذالك تستهينين بحبي نحوك يا لكي من فتاة متكبرة ومتعالية ولاكن برغم ذالك احبك⁦❤️⁩ وساظل احبك لحين موتي 😔وسيظل حبك مدفون في قلبي مدا الحياة ⁦❤️⁩)
ختيت في بالي انو صاحب البوست دا بكون حزين شديد لانو لو ما الموضوع ماثر فيهو شديد ما كان نشرو. علقت ليهو قلت ليهو لو هي من نصيبك اكيد يوم من الايام حتجي ليك وانت ما تياس حاول عبر ليها
يتبع .........