صدفة

5

قلتي شنو متين 😱😭وين واسم المستشفى شنو 😱😭
علا : استهدي بالله يابت. قولي بسم الله الولد أن شاء الله ما فيهو شي تعالي جمب البوابة ونمشي سوا
انا : لالا يا علا ما بقدر امشي لحد الجامعة قولي لي اسم المستشفى الله يرضى عليك
علا : طيب خلاص اهدي انتي اول. اسم المستشفى (.............)
انا : تيت تيت تيت فصل الخط
ركبت المواصلات وجريت على المستشفى الحمد لله ما كانت بعيدة شديد ووصلت بدري كنت ما شايفة قدامي من الدموع دخلت المستشفى وسالت. منو قالو لي في الطابق التالت ميت المصعد والمصعد اتاخر وانا واقفة على اعصابي جريت بي السلم لحد ما وصلت وانا بتنهد. وبسال من غرفتو كان في غرفة قداما في ناس كتار كنت متحيرة امشي كيف في النهاية اتشجعت ومشيت قلت ليهم دي غرفة ماهر جاتني مرة مع انها كبيرة لاكين ما ظاهر عليها مهتمية بي نفسها شديد قالت لي انتي منو قلت ليها انا اسمي فدوة
المرة : بالله انتي فدوة القادينا بيها غايتو ولدي ما عرف يختار نهائي وصحي جاية هنا لي شنو جاية تشوفي يعني ولا تتاملي انا خاتة لي بت اخوي ولدي الوحيد وما بفرط بي عشان كدا مافي ليك مجال تمام يلا ادينا عرض اكتافك
انا : طيب خليني اشوفو دقيقتين بس وبمشي طوالي 😭😭
ام ماهر : يا بت الناس انتي ما بتفهمي عربي قلت ليك غوري من هنا وما دايرة اشوفك معارضة بي جاي تاني
انا : طيب اسفة على الازعاج
ام ماهر : اي اي امشي خلاص. واصلا هو حيتخرج الليلة
انا : 😭😭😭😭لي انا بحصل لي كدا كنت ما شغالة بي حاجة اسمها حب ولمن امنت بيهو تجيني امو وترفض طيب هي مش دايرة كدا انا زاتي ما بقرب منو تاني نهائي ولو هو حاول بقولا لي بالواضح اني ما دايرا حتى لو دا على حساب حبي ليهو ما دايرة مشاكل انا وما. ناقصة
مشيت على الجامعة لقيت فوت المحاضرة الأولى وكان للمحاضرة التانية دقيقتين. دخلت. لقيت علا وملاك ما اتكلمت ولا سلمت على اي واحدة فيهم وحاولت بقدر الإمكان اني اركز في المحاضرة لحد ما انت طلعت برا القاعة علا جات سالتني
علا : معليش ما قدرت امشي المستشفى اها لقيتي كيف
انا : ما تساليني خلينا نقفل السيرة دي يلا مع السلامه
ملاك : كيف يعني مالك الحاصل شنو
انا : قلت ليكم ما تسالوني ياخ. انتو ما بتفهمو. انا ما دايرة اتكلم في الموضوع دا
علا : مالا قال
ملاك : ما عارفة. خليها تهدأ ونسالا بعدين
ملاك : طيب ما تزعلي معليش امشي البيت وبعدين نتفاهم
انا : لا هسي لا بعدين ما دايرة اتفاهم في شي.
ملاك علا : طيب مع السلامه
انا : 😞👋🙍
مرو تلاتة اسابيع وانا نسيت الموضوع نهائيا او ممكن نقول اتناسيت وما حاولت اني اسال عن ماهر حصل ليهو شنو بقى كويس أو لا اصلا ما كان عندي شجاعة اسال وكنت خاتة فكرة اني لو سالت بتعلق بيهو وانا ما دايرة كدا اطلاقا . النتيجة طلعت وكانت حلوة شديد خلتني انسى زعلي كلو انا جبت (3.5) ملاك (3.8) وعلا (3.4)
كنا فرحانين شديد قررنا نطلع مشوار بمناسبة النجاح قلت ليهم نمشي مطعم ظابط كدا ونمشي نشتري ميكاب وحاجات تانية. اتفقنا وقلنا نطلع يوم الجمعة ويومنا دا كان الأربع اتنونسنا فيهو لحد المغرب ورجعنا البيت كان يوم. ظابط. شديد

في جانب آخر .............

ماهر : اااااااااخ بس لي كدا لي لي هي ما بتبادلني نفس الشعور لي ما بتحبني. لي انا بحصل لي كدا لمن رفضت فكرة الحب مرة تانية. جاتني وحبيتا لي هي برضو ما حبتني
عمر : صراحة ا ا ا ا ا ا
ماهر : مالك اتكلم
عمر : يا ماهر البت دي جات المستشفى وخالتو نجلاء طردتا وقالت ليها هي خاتة ليك بت خالك المتخلفة ديك. وهي زعلت ومشت ومن اليوم داك ما جات
ماهر : لي ما كلمتني لي ياخ لي
عمر : خالتو نجلاء قالت ما اكلمك عشان كدا سكت
ماهر : تمام مافي مشكلة
عمر : اها والحل شنو
ماهر : ما عارف لاكين بتصرف
عمر : تمام يا مان وبعتزر ليك مرة تانية. والله الموضوع ما كان بارادتي
ماهر : ولا يهمك

في جانب فدوة .......

في البيت كنت قاعدة في غرفتي فجأة شردت واتذكرت انو ماهر اداني رقمو وبدون ما احس جبت الرقم واتصلت سمعت اول جرس قفلت الخط و قلت في نفسي. يا فدوة انتي بتعملي في شنو مش قلتي حتنسي طيب متصلة لي وقفلت التلفون مرة واحدة. ونمت على كدا

في جانب ماهر .....

كان طالع من الحمام وسمع صوت التلفون وجا عليو
ماهر : دا شنو دا دا منو الجبار دا الممسكل لي دا زي ما بقولو مسكول ما ولع نور 😂😂
لاكين ما عارف انا حاسي انو الزول المتصل دا بعرفو حق المعرفة كدي اجرب اتصل ( تيييييت تييييت تييييت. هذا الرقم مغلق حاليا الرجاء معاودة الاتصال لاحقا ) غريبة
طيب أنا أمشي انوم احسن لي بكرا القومة بدري واليوم حيكون طويل
يتبع .....؟