انا : خلينا نكون صريحين مع بعض مش اتفقنا نكون سوا ونحل مشاكلانا سوا. لي انت ما داير تعمل كدا معناها انت ما بتثق فيني وما داير توريني مشاكلك شنو. بالطريقة دي نحنا ما حنقدر نكمل مع بعض لانو اي واحد فينا حيكون عندو سر وما داير يوري لي التاني
ماهر : لمن كنت في اولى جامعة كنت بحب لي واحدة اسمها ميذاب. كانت بالنسبة لي اي شي كنت بحبها اكتر من نفسي مع اني في الفترة ديك كنت على قدر حالي ما كان عندنا قروش لاكين الوضع بتاعنا ما اثر معاي وكنت بحاول قدر الإمكان اوفر ليها العايزاهو. حتى لو ادينتا من الناس المهم هي تكون مبسوطة علاقتنا بدت مع بداية السنة واستمرت قريب نهايتا كدا في يوم عمر جا قال لي شاف ميذاب مع ولد في البداية ابيت اصدقو لمن اديتو بنية في وشو لانو هو بعتبرني زي اخو ما زعل وقال لي تعال في( ......) هناك في مطعم حتلقاها هناك وانا بوديك مشيت معاهو وانا ما كنت مستوعب اي شي. واستبعدت الفكرة دي عديل من رأسي وكنت على ماشي اعصابي وصلنا المطعم دخلتا جوا لقيتا قاعدة مشيكة مع ولد ظاهر عليهو عندو قروش. ما قدرت اتمالك نفسي ومشيت ليها وسألتها لي عملت فيني كدا لي خانتني مع اني ما قصرت منها من اي شي اتخيلي بس ردت علي شنو. قالت لي اول شي شوف نفسك في المراية بعد.داك تعال حب. لا عندك قروش وملابسك كلها مشرطة وحالتك بالبلاء ودايرني احبك كمان تتخيلي قالت لي كدا بكل برود انا في اللحظة ديك ما عرفت اعمل شنو وكرهت اليوم الحبيت فيهو وحاولت انساها مع اني في البداية ما قدرت لاكين دغط نفسي ونسيتا. اكيد حتساليني طيب العربية والقروش العندك ليها هسي دي جبتها من وين. يلا انا من قالت لي كلاما داك قلت أثبت ليها انو انا برضو بقدر اجيب قروش زي زي الولد حقها دا واكتر ووعدت نفسي اني اجيب قروش ما بتتوصف. واجي بي كل فخر اجدع فيها القروش الخلتا تخوني دي. كنت انا بحب الحاسوب شديد يعني تصميم مواقع وهكر وكدا دا كلو انا كنت بعرف لي ودخلت كورسات في سنة تلاتة ثانوي المهم. بقيت اعمل مواقع. وببيعا. طبعا لو عملت موقع واحد وبقى كويس ممكن يجيب ليك ثروة. انا تلاتة سنة بي حالهم شغال ليل نهار في المواقع دي عملت اكتر من مية موقع والقروش حقتا صلحت بيها حالنا وجيت ليها كانت خطبت الولد داك صراحة ما اكذب عليك انا كنت زعلان في اللحظة ديك لاكين بي سبب الكلام القالتو لي كتلت اي حاجة جواي تجاها. شفتي الوعد القلتو لي نفسي اني ارمي القروش في وشها نفذتو ولا قلت ولا كلمة ومشيت خليتا تبكي بي دمعتا اصلا انا بحب مجال الحاسوب كتير وكنت داير اقراهو لاكين ابوي الله يرحمو كان دايرني ابقى دكتور عشان كدا حققت لي امنيتو بس دا الحصل
انا : 😢😢😢😢😢😢😢😢😢😢 دا كلو كنت داسي في قلبك البت دي حيوانة ما اي شي بتم بي القروش وهي في النهاية الخسرانة لانو خلتك. انت مافي زيك اتنين وهسي خاليا خلينا ننسى الماضي ونعيش حاضرنا
ماهر : حاضر شكرا ليك لانك سمعتيني
انا : معقولة ما بيناتنا الشكر ولو حسيت نفسك مضايق تعال احكي لي طوالي
ماهر : ربنا يخليكي لي يا احلا فدوة
انا : طيب نمشي لي الشباب لانو قلقانين عليك
ماهر : ارح
انا : سلام
ماهر : معليش يا جماعه خربت ليكم القعدة
علي : ولا يهمك. هسي كيف
ماهر : احسن الحمد لله
عمر : متاكد
ماهر : أي ما تشيل هم انا كويس 🙂🙂🙂🙂
عمر : طيب
علا : الوقت اتاخر خلونا نمشي ننوم. تمام .
كلنا : أي والله
الشباب: تصبحو على خير
نحنا : وانتو من اهل الخير
مشينا غرفنا نحنا التلاتة في غرفة والشباب في غرفة
........
في جانب الشباب
عمر : ماهر
ماهر : أي
عمر : متاكد انت كويس
ماهر : أي ما تخاف انا كويس .
عمر : حكيت ليها ؟
ماهر : أي وحسيت انو حمل زح من كتفي
عمر : الحمد لله
علي : في شنو يا شباب
عمر : دي قصة ماهر القديمة ديك
علي : وهسي كيف يا ماهر
ماهر : عال العال
علي : أي خليك كدا ما تتأثر بي الماضي وعيش الحاضر
علي : طيب تصبحو على خير
ماهر وعمر : وانت من اهل الخير
عمر في نفسو :(إن شاء الله الموضوع دا ما باثر فيهو تاني زي زمان )
ماهر : يا عمر ما تفكر خلاص نوم والله انا كويس وما بفكر في زمان
عمر : حاضر تصبح على خير
ماهر : وانت من اهل الخير
يتبع .......
أنت تقرأ
صدفة
Randomقصتي عن فتاة تلتقى بشاب عن طريق الصدفة فهل القدر قادر على أن يجمع بين هذين القلبين ام لا؟!
