صدفة

4

مر اسبوعين ومافي شي يذكر من الجامعة للبيت ومن البيت للجامعة
ونحنا في الجامعة كنا بنتونس سوا فجأة بدون سابق انذار جا ماهر وقال لي ممكن اتكلم معاك لحظة بس
انا : 😳😳😳 وما تتكلم هنا ديل ما غريبين
علا : امشي امشي وتعالي 😉
ملاك : اي امشي 😂😂😂😂
انا :😒 بي صوت واطي اصبري لي ياعلا⁦
انا : تمام ارح
ماهر : ارح هناك
مشينا تحت شجرة كبيرة كدا ما كان في زول جمبها
قال لي
ماهر : والله انا من شفتك عجبتيني وما قادر انساك وداير اكون ليك حبيب وسند واخ وكل حاجة انتي بتتمنيها بس انتي وافقي وانا بحقق ليك اي حاجة دايراها
انا : اسمعني انا كلام الحب والحاجات دي ما بتخش في راسي لانو انا عارفة الحاصل شنو والأولاد كلهم زي بعض الواحد يقول ليك بحبك ولمن يمل منك يخليك عشان كدا انا ما دايرة اخت نفسي في حاجات زي دي. وبعدين البضمن لي شنو انو انت بالجد بتحبني يمكن تكون زيهم
ماهر : انا ما بنكر انو اغلب الشباب كذابين وبغشو البنات بس دي الأغلبية وما كل الناس زي بعض في الكويس وفي الكعب بس نحنا نحاول ندرس الناس ونختار الكويس. وانا ما بحاول ادافع عن نفسي واقول ليك انا كويس ولا كعب انتي براكي اديني فرصة وشوفي انا شنو بعدين احكمي. ولو لقيتيني كعب في نظر ممكن تخليني والله ما يمنعك
انا : غايتو انا وريتك فهمي وراي وما عندي كلام تاني اقولو ليك والله يسعدك في حياتك وان شاء الله تلقى احسن مني لانو انا ما بضمن ليك اني احبك أو حاجة تانية
ماهر : طيب حاولي لو مرة واحدة انتي ما خسرانة شي ولو عايزة ممكن نكون اصحاب بس ما اكتر انا ما عايز اخسرك والله . على العموم انا ما حاضغط عليك ودا رقمي ( ..........09) لو احتجتي حاجة انا موجود
انا : سلام
ماهر : خلي بالك من نفسك
علا : اها الشمار شنو
انا : قال هو بحبني وانا رفضت
علا : لي ياخ دا زول برفضوو
ملاك : طيب رفضتي لي
انا : ما واثقة
ملاك : من منو من نفسك ولا منو هو
انا: الاتنين
ملاك : طيب حاولي ادي فرصة
علا : اي ولو عمل ليك حاجة أو زعلك نطلع لي عيونو من محلها
ملاك : اي نحنا معاك في اي شي بتقولي تمام
انا : تمام. ارح البيت لانو قالو الدكتور ما جاي
ملاك علا : ارح
وصلنا البيت وكان ادونا إجازة أسبوعين وبعديهم حننزل امتحان
طلعت الموضوع من بالي نهائي وحاولت ما اشتت نفسي من القراية لانو مستقبلي أهم واصلا انا ما عندي اهتمام بالحب دا ولا غيرو
وكنت بضغط نفسي شديد في القراية عشان ما اخت الموضوع في بالي يوم ورا يوم وانا يجتهد في القراية وحاولت اتناسى الموضوع مع اني بعترف ما قدرت انساه لحد ما الاسبوعين مرو وجينا لامتحانات
علا : اها حاهزيت
انا وملاك : إن شاء الله
علا : يا رب تمر على خير وما نشيل ولا مادة
ملاك : امين
مرت الامتحانات والحمد لله كانت حلوة شديد 😍
في يوم بليل كنت داخلة الفيس لقيت لي منشور كان فيهو
(صحيح انني احببت فتاة في الماضي وكانت حب عمري وحياتي وقلت انني لن احب سواها هي فقط وغيرها لا. لاكنها جعلتني اكرهها أكره ذالك اليوم الذي جعلني التقي بك ليتني لم ارك ولم المحك حتى لقد عضضت يدي ندما لانني احببت فتاة مثلك مادية تحب فقط المال ولا شئ سواه. ولاكن احمد الله انني وجدت فتاة افضل منك. لا بل هي ملاك في هيئة بشر جعلتني انسالك في لحظة برغم من أنها لم تخبرني ما نظرتها تجاهي لاكنني سأنتظر وانتظر وانتظر إلى أن تأتي الي وتخبرني بحبها لي )
المرة دي ما علقت فيهو لانو حسيتو موجه لي ما عارفة لي قلت امشي اشوف دي صفحة منو. كان عامل اخفاء ليها كلها طلعت وخليتو
دخلت الواتس واتونست مع البنات حبا و طلعت ختيت التلفون في الشاحن ونمت
في الصباح. دخلت الحمام استحميت واتهجزت للجامعة سلمت على امي وابوي وطلعت من غير شاي ما كان عندي مزاج ليهو كنت بفكر في نفسي يا ربي اقبل بي ولا لا أثناء ما انا بفكر علا اتصلت لي وقالت لي انو ماهر عمل حادث جمب الجامعة وودو المستشفى
يتبع ......