صدفة

3

ختيت التلفون في الشاحن ورقدت في السرير فكرت بي المنشور دا لحد ما  نمت  😪 صحيت الصباح بدري اتسوكت واتوضيت صليت الصبح  ودخلت المطبخ عملت لي كباية شاي  ومعاها كيك😍 شربت الشاي وخليت جزو من الكيك في المطبخ لي ناس امي  ومشيت استحميت واتهجزت للجامعة   مشيت المواصلات كانت شوية زحمة لاكين جازفت وركبت ووصلت الجامعة كان باقي للمحاضرة زي ساعة كدا  قلت مسافة البنات يجو الف في الجامعة دي استكشف الفيها 😂 أثناء ما انا ماشة لمحت الولد سيد العربية كان قاعد براهو تحت شجرة  كنت مترددة امشي ليهو يقول البت خفيفة وكدا 😂😂😂 المهم كنت ماشة وهو اصلا كان في طريقي  لمن قربت منو وكنت دايرة اتخطاهو. ناداني
....:يا بت لو سمحتي ممكن دقيقة
انا : اتفضل
....: انا شفتك قبل كدا صاح ؟
انا طوالي عملت رايحة😂
انا: وين ما ظنيت
....:لالا انا متاكد شفتك في مكان ياربي وين وين. اااااااااا اتذكرت كان لقيتكم انتي وصحباتك في الموقف حق المواصلات ووصلتكم بحري اخر محطة
انا :اااااااااا هو دا انت بالله  اهلا بيك كيفك تمام
.....:تمام الحمد لله
.....:على العموم انا اسمي ماهر. وانا خريج طب
انا : اتشرفنا🤝 انا فدوة ⁦☺️⁩
انا : انا برضو طب لاكين برلومة 😂
ماهر :لي الشرف🤝 😁
ماهر :يلا سلام يا برلومتنا 👋
انا : سلام 👋
واصلت استكشافي وجيت على القاعة لقيت ملاك وعلا وصلو يادوب سلمت عليهم
انا :بنات عندي ليكم شمار حار
علا :اها قولي سريع
ملاك : علا بتاعة الشمارات. 😂 اها يا فدوو احكي
انا : بعد المحاضرة
علا : ياخ مالك ياخ انا كدا ما حانتبه للمحاضرة من شدة ما الشمار حيحرقني 😂
حضرنا المحاضرة وتمت ساعتين وانتهينا  بعد خلصنا مشينا على الكفيتريا اشترينا الفطور وقعدنا في البينشات نتونس
علا :يلا ارح قولي الشمار
ملاك : 😂😂😂😂
انا : تمام.  كما شفتو جبيل الصباح جيت بدري لقيت صاحب العربية داك  سلم على وقال هو بقرا خريج طب هنا واسمو ماهر
علا :كضابة والله . واي انا كنت وين الزمن داك. اسمو حلو وكلو😍 على بعضو حلو😍 فاتني والله  عشان تاني تجي متأخرة يا علا
ملاك :اها انتي قلتي لي شنو.
انا :ولا شي بس سلمت عليه وقلت ليه اسمي
ملاك : اهاااا. يعني تاني حنشوفو كتير
علا :يب بالظبط كدا
انا : ما وريتكم برضو امبارح بالليل لقيت لي منشور ليهو زي تلاتة سنة  كدا والله زعلني شديد وحنيت على سيدو😞😥
علا : وانتي والوداك تشوفي ليك منشور قديم زي دا شنو  😒هسي سيدو بكون نسى الحصل معاهو وانت تكتئبي لينا هنا بي سببو
انا : اسوي شنو عارفاني عندي حب استطلاع في اي شي😂 
علا : اي صاح 😂
انا : كدي انسينا  من دا خلونا نكمل الفطور ونمشي نجيب الشيتات من المكتبة
ملاك : اي صاح عشان ننجز من بدري بعدين ما يبقى لينا كتير وصعب
علا : اي
انا : خلصتو؟
علا ملاك : اي يلا ارح
في جانب آخر .........
ماهر : يا مان والله البت دي عجبتني عجب😍 الا اربط معاها  ياخ ماشاء الله لامة كل الصفات الحلوة هادية وحلوة وكلو
عمر : والله دي عجيبة دي ماهر بي زات نفسو تعجبو بت  لالا الموضوع دا خطير  انت جادي يا مان عاجباك بت طولت ما اتكلمت عن بت بالطريقة دي    انت الجنس اللطيف دا نهائي ما بتجيب سيرتو
ماهر : انت ما عارف انا حصل لي شنو زمان عشان كدا كنت مطلع فكرة الحب دي من رأسي
عمر : خلاص بدينا اقفل الموضوع دا ⁦😞
ماهر : تمام 😞
عمر : طيب ارح الماحضرة
ماهر : كويس
نرجع للبنات ....
ملاك : ارح المحاضرة بدت
انا علا : ارح
في المحاضرة ما كنت مركزة مع الدكتور نهائي الوقت كلو بفكر في سيد المنشور دا. ما عارفة لي ركزت معاه للدرجة دي. انتهت المحاضرة ومشينا المكتبة اشترينا الشيتات وبعد داك مشينا  على البيت سلمت على ناس البيت مشيت غيرت ملابسي ومشيت لي امي اتونست معاها حبا  انا لو مضايقة وجيت اتونس مع امي وشفت ضحكتا بحس انو همومي كلها انتهت. ارتحت حبا واتناسيت الموضوع والونسة جرت لمن اذان العشاء اذن ما حسينا بالزمن
امي : الليلة يا بتي اتونسنا ونسيت ما ختيت ليك غدا نحنا اكلنا قبلك وهسي زمن العشا جا
انا : مافي مشكلة اصلا ما جعانة ماشة انوم زاتي بكرا القومة بدري
امي : خلاص تصبحي على خير ولو جاتك جوعة بالليل امشي المطبخ
انا : تمام يلا سلام 👋
يتبع......