في جانب ماهر
ماهر : الو السلام عليكم
.......: وعليكم السلام والرحمة
ماهر : معاك ماهر يا عمي حسام
( ابوي )حسام : اتفضل يا ماهر خير ان شاء الله
ماهر : خير خير يا عمي. انا داير اطلب يد بتك على سنة الله ورسوله
حسام : بتي انا
ماهر : أي بتك فدوة
حسام : ايواااا
طيب انت لقيتا وين
ماهر : كانت معانا في الجامعة وانا هسي اتخرجت وشغال الحمد لله وجيت اطلب يديها منك معليش انا. الاتصالت ليك. لانو ابوي متوفي الله يرحمو. وانا والي نفسي وداير اخد من زمن محدد نجي نخطب فيهو
حسام : خير يا ولدي. لاكين انا ما بوافق ساي اسال البت رايا شنو بعد داك نشوف
ماهر : تمام يا عمي. اسالا وحددو يوم لو وافقت طبعا وامي واعمامي بجوكم أن شاء الله
حسام : إن شاء الله يلا سلام
ماهر : سلام
وقفل الخط
..........
في بيتنا
ابوي : يا فدوة
انا : نعم يا ابوي
ابوي : في واحد اتصل لي اسمو ماهر بتعرفي
انا : أي بعرفو يا ابوي مالو أن شاء الله خير
ابوي :خير قال داير يطلب يدك انتي رايك شنو
انا : راي من رايك يا ابوي
ابوي : لا انا داير رأيك انتي
انا : موافقة
ابوي : خلاص على بركة الله. نادي لي امك
انا : حاضر
مشيت المطبخ ناديت امي وانا مشيت. على غرفتي
ابوي : يا ندى في زول طلب يد فدوة لي الزواج
امي : اجي كيف الكلام دا متين حصل وانت بتعرفو. ولا داير تدي بتنا ساي كدا
ابوي : يا ندى هو لو كعب ما كان اتصل لي وقال جاي بالباب. وبعدين ظاهر انو البت دايرة ووافقت علي بدون تردد. عليك الله ما تخربي ليها فرحتا
امي : سمح سكت
ابوي : أي وافقي عشان بتنا كويس. مازن وين
امي : بجي بعد شوية
ابوي : تمام. جهزي الحاجات لانو حا قول ليهم يجو الجمعة
امي : كويس
مازن : سلام عليكم
امي وابوي : وعليكم السلام
مازن: جمعة في الحرم أن شاء الله
امي وابوي : امين
ابوي : تعال اقعد.داير اتكلم معاك
مازن : حاضر
ابوي : في. واحد طلب يد اختك فدوة
مازن : وانتو رايكم شنو
ابوي : نحنا وافقنا لاكين دايرين نشوف رايك شنو
مازن : انتو وافقتو انا منو عشان ارفض مبروك ليها
ابوي : الله يبارك فيك. وعقبالك كمان
مازن : إن شاء الله. يلا انا استأذن ماشي اغير
ابوي : تمام
.............
وانا في الغرفة. في زول دقا الباب. مشيت افتحو لقيتو دا مازن
انا : اهلين مازن كيف تمام
مازن : تمام الحمد لله
انا : اتفضل جوا
مازن : طيب. انا زاتي داير اتكلم معاكي
انا : طيب
مازن : هسي ابوي كلمني قال في واحد طلبك اسمو منووو
انا : ماهر
مازن : أي. صاح انا ما بتكلم معاك كتير. لاكين والله انا بحبكم كلكم انتي وسهى
انا : أي عارفة. وانا برضو بحبك كتير
مازن : انتي هسي موافقة ومتاكدة انك حتكوني مرتاحة معاه
انا :اي
مازن : طيب ربنا يتمم ليكم على خير
انا : تسلم حبيبي 😍
مازن : يلا انا استأذن
انا : سلام
مرو الايام ويوم الجمعة جا وامي جهزت اي شي و ماهر جو وامو واعمامو معاهو كانو مخططين انو تكون قولة خير بس وتعارف لاكين قلبوها خطوبة تمت الخطوبة وحددو العرس بعد شهرين
في نهاية اليوم ماهر اتصل لي
ماهر : الو
انا : الو
ماهر : كيف امسيتي
انا : تمام الحمد لله وانت
ماهر : تمام ما دام انتي تمام
ماهر : اها احساسك شنو ونحنا حنتزوج بعد.شهرين😍
انا :شعور ما بتوصف مبسوطة شديد 😍❤️😍
ماهر : وانا برضو مبسوط شديد اكتر ما انتي متخيلة أن شاء الله نكون مبسوطين دايما كدا
انا : إن شاء الله يارب يلا تصبح على خير
ماهر : وانتي من اهل الخير
............
في الصباح صحيت لقيت عشرومية مكالمة من علا رجعت ليها سرخت لي في اضاني
علا. : يا بت انتي عرسك بعد شهرين وانتي نايمة
انا : انتي قلتي شهرين. يعني فترة طويلة شديد خليني انوم ياخ
علا : تنومي شنو قومي يلا
انا : طيب طيب
علا : أي انا زاتي جاياك مسافة الطريق بس
انا : كويس انا زاتي اقوم انضف
علا : تمام يلا سلام
انا : سلام
مشيت اتسوكت وصليت الصبح ونضفت البيت
علا : صباحووو
انا : صباح النور حبيبتي
علا : شوقات ياخ
انا : تحدي والله
علا: يلا انتهينا من السلام انتي امشي اجهزي عشان ماشين السوق
انا : متين الصباح أصبح
علا: يا بت الزمن ضيق وعندنا تجهيزات كتيرة. واصلا كلمت خالتو ندى وقال امشو. يلا امشي سريع اجهزي
انا : حاضر
علا : أي امشي مسافة تجي اشوف لي حاجة اكلا
انا : اصلا همك في بطنك بس
علا : اي اي اقطعي وشك
مشينا السوق. ماخلينا شي خمينا حاجات كتيرة ميكاب اكسسوارات وحاجات تانية رجعنا قريب للمغرب ما كنت حاسة بي رجليني من التعب
والايام مرت سريع كلها تجهيزات وسوق وشغل كتير
قبل خمس ايام من العرس ماهر اتصل لي .
ماهر : فدوو 😍
انا : مساء الخير حبيبي 💖
ماهر : انا جمب الباب تعالي منتظرك
انا : كيف يعني جمب الباب انت مجنون
ماهر : أي مجنون بي حبك 😉
انا : ما بقدر اجي
ماهر : لي ياخ عليك الله تعالي
انا : لالا
ماهر : تعالي ياخ. اطلعي براحة بس وما تخلي زول ينتبه ليك
انا : طيب بحاول
ماهر : تمام. ويلا سريع منتظرك
انا : طيب ثواني اشوفم صاحين ولا. لا
ماهر : كويس
انا :يلا اقفل
ماهر: كويس كويس استعجلي يلا سلام
قفلت التلفون ولفحت لي عباية وطلعت لي
ماهر : يا هلا بالغلا
انا: اهلين حبيبي
ماهر : انتي عارفة انا طلعتك برا لي
انا : لا لي
ماهر : داير اخطفك
انا : سجمي داير تخطفني انا. اخر الزمن الدايرة اتزوجو. حيخطفني😱 😂😂
ماهر : بطلي هبل وارح
انا : وين. هي ها. انا ما ماشة مكان
ماهر : ولا كلمة ارح من سكات
انا: وين لاكين
ماهر: قلنا هس
يتبع ........
أنت تقرأ
صدفة
Randomقصتي عن فتاة تلتقى بشاب عن طريق الصدفة فهل القدر قادر على أن يجمع بين هذين القلبين ام لا؟!
