انا : الو يا علا ممكن تجوني بكرا انتي وملاك دايرة اتكلم معاكم
علا : اكيد بنجي لاكين صحي اتذكرت ملاك الليلة سافرت للعلاج
انا : علاج شنو انا ما لقيت زمن اتكلم مع ملاك تعالي بكرا واحكي لي مالا. تمام
علا : طيب
ماهر : مساء الخير
انا : وعليكم السلام. وينم الاولاد
ماهر : هديل
انا : تعالو يا حبايب ماما😍 ما اشتقتو لي اشتقت ليكم شديد والله تعالو لي 😘
ماهر : 😍😍😍😍😍😍 أن شاء الله دايما مبسوطين كدا
انا : يلا ارح جوا عندي ليكم شوكولاتة كتيرة وبعد اديكم الشوكولاتة طوالي ننوم حاضر
في اليوم التاني
انا : الليلة جاياني علا
ماهر : طيب ما محتاجة اذن
انا : تمام
ماهر : مع السلامه وخلي بالك من نفسك 😊
انا : سلام
بعد ساعتين
علا : فدووو
انا : علاااااااا شوقات ياخ
علا : كتير الشوق
انا : كيفك وكيف البيبي
علا : كويسين الحمد لله انتي كيف. ومي وفادي كيفم
انا : كويسين الحمد لله
انا : ارح نقعد جوا
علا : طيب
علا : اها نتكلم اول عن موضوعك ولا موضوع ملاك
انا : موضوعي لانو ما طويل وحق ملاك دا شكلو داير كلام كتير
علا: اها قولي
انا: انا قررت اسامح ماهر
علا : تسامحي هو انتي زعلانة منو يعني
انا : أي كيف ما ازعل منو هو ما بثق فيني وصدق كلام امو وابا يصدقني وبي سببو انا طلعت زعلانة وحصل الحصل تخيلي قال أنا ضربت امو
علا : 😱قولي اقسم
انا : والله جد
انا : لاكين دايرة اسامحو لانو هو حبي وحياتي وابو عيالي يعني ما بقدر استغنى عنو.
علا : وحتكلمي تقولي لي انك مسامحاهو
انا : لا ما بي السرعة دي بعزبو شوية 😂
علا : قوية لاكين 😂
انا : ودا كلامك
انا : اها احكي لي موضوع ملاك
علا : ما عارفة ابدا ليك من وين لانو الموضوع بالجد حار والله
انا : اها قولي مالا قلقتيني
علا: ملاك ما بتقدر تنجب 😔
انا : كيف يعني 😳واصلا هي ما طولت من هي متزوجة
علا: والله جد مشت المستشفى وعملت فحوصات وقالو ليها ما حتقدر تنجب الا تمشي برا وتتعالج 😔
انا : ما مصدقة نهائي والله ملاك حصل ليها دا كلو وانا ما قدرت اساندا 😥 يحليلا ياخ والله ما تستاهل أن شاء الله العلاج ينفع معاها
علا : إن شاء الله والله صحي كدا ما تستاهل لاكين دا حكم ربنا
انا : أي والله الحمد لله بس وهسي هي كيف
علا : كويسة قالت عندها مقابلة بعد يومين
انا : ايوااا الله يعينا بس
علا : امين
علا : الزمن فات ونحنا ما انتبهنا لي
انا : أي والله لاكين اقعدي اتغدي بعد داك ماهر يجي يوصلك
علا : لالا مافي داعي واصلا شبعانة وعمر برضو قال جايني
انا : طيب اقعدي لحدي ما يجي
علا : طيب
علا : قلتي لي دايرة تعزبي حبة😂😂
انا : أي والله وعارفة نفسي ما بيتحمل لاكين هو يستاهل عشان تاني ما يكررا
ماهر وعمر : السلام عليكم
انا وعلا : وعليكم السلام
عمر : فدوة كيفك الليلة أن شاء الله كويسة
انا : تمام الحمد لله وانت اخبارك شنو
عمر : عال العال والقلب شغال 😂😉
انا : احسن ليك والله 😂. يعني هسي جيت بدري كدا داير تشيلا مني
عمر : أي والله اعزرينا لاكين اشتقت ليها شديد ياخ 😍
علا: 🙈🙈🙈🙈
انا : خجلت البت 😂😂
انا : خلاص اقعدو اتغدو وامشو بعد داك
عمر : خليها يوم تاني
انا : كل مرة بتقول كدا لاكين مشيتا ليك
عمر : لالا ياخ معقولة شفتي في الاسبوع دا أن شاء الله نشوف لينا يوم نجي ليكم من الصباح. اها كدا كيف
انا : تمام في انتظاركم
عمر وعلا : يلا مع السلامه
انا وماهر : مع السلامه
ماهر : كيف امسيتي حبيبتي
انا : تمام
ماهر : مالك ردك بارد كدا لي هسي زعلانة يعني
انا : أي عندك اعتراض
ماهر : ما عندي لاكين زعلك دا ما بدوم وحتسامحيني وحتديني فرصة تانية وانا بحاول بي كل الطرق انو اخليك تسامحيني
انا : اخت ليك الغدا
ماهر : يعني ما دايرة تتكلمي تمام
انا : اخت ليك الغدا
ماهر : أي يا فدوة
يتبع ........
أنت تقرأ
صدفة
Randomقصتي عن فتاة تلتقى بشاب عن طريق الصدفة فهل القدر قادر على أن يجمع بين هذين القلبين ام لا؟!
