بلدي الظالم 🔥 (مكتمله)

الحلقـة (1)

#بلدي_الظالم (1)🔥

————————————

... :- الشرطـه كلهـا كانت محاوطتني ، مافي حد حاول يساعدني بالعكس كلهم متشمتين ويستنو في اللحظه هادي ... مش منهم يمكن من الي درتهم فيهم ...

... :- هادي نتيجة افعالها ونيتها ، حسبي الله فيها خنبت مني فرحتي 💔 ...

... :- اني متحشمه من انها تمثلني بأي شكل ...

.... :- الاصوات كلها كانت تترد في وداني ، مافيش حد مصدقني ، كلهم متبرين مني ، مافهمتش كيف بندير في مصيبتي هادي 💔 ....

> جزء من الحلقات الجايه <

———————————-

بعيـد عن هذا ...
حنبـدو روايتنـاا ...

مليكه :- تتكلم بضيقه ...وين بنمشي بيهم الثلاثه 💔 ...
فرص :- شوفي انتِ مش حتمشي بجميل حد ، انتِ حتخدمي وتتعبي عشانهم ....
مليكه :- تشبحلها ... متاكده
فرص :- متاكده حيستقبلونا احسن استقبال ، بيت صغير نقعدو فيه ، وفي المقابل نخدموهم ..
مليكه :- وبالكي ماتعجبهمش خدمتنا ...
فرص :- تي حوش زي القصر من وين بيركزو ...
مليكه :- امم والبنات ! بالكي مايتأقلموش في المدينه ..
فرص :- تي بالعكس حيعجبهم الجو والناس والحضاره غادي مش زي هني تقول مقطوعين من شجرة ..

وبدت تقنع فيها وتحطلها في الافكار والخيارات قدامها ...

———————————-

لحد تاني يوم ، قررو يمشو للمدينه ....

مليكه :- هياااا شادن ، وصاااال  وقت اطلعووو ... سامحنا ياوليدي نتعبو فيك ...
احمد :- لا تعبكم راحه ، انتي زي امي ياخالتي ...

....

فرص :- شوفي يابنت قبل ماتجي امك ، اخر كلام نقوله ليك ، العبي زين واستغلي جمالك صح ...
شادن :- واقفه ومبتسمه ... اخيرا بنفتكو من الجحيم هذا ، حتشوفي بعيونك ...
فرص :- هادي حفيدتي الحلوه ، وهدوكا خليهم بنات امهم ...
وصال :- سمعت الكلام الاخير ... اوو جدتي الحلوه عاد اكيد تطزي في الايباري 😂 ...
فرص :- ريت ريت ... قليلة الادب
شادن :- بقلبت عيون ... خليها تقول الي تبيه تو بطنها توجعها ...
وصال :- فاتتها ... سلوااان ...

سلوان :- مقعمزه في المخزن ، وتشوف في حاجاتهم وتبكي ...
وصال :- شافتها ... حي خيرك ياروحي ...
سلوان :- مسحت دموعها ... ولاشي حبيبتي بس بنستاحش المكان ...
وصال :- يع 🙂 ، شن بتستاحشي الذل والهزايب .. شفتي كيف عاملونا عشان بابا زمان ...
سلوان :- مهما كان كل شي وليه ذكرياته ...
وصال :- عالمهم ، ماما حتقلب الدنيا لينا ساعه وماطلعناش ...
سلوان :- ابتسمت ... هي هي خلي ننوضو ...

........

فاصل شـوي ✨ ...

سلوان ، شادن ، وصال ...
الثلاث بنات خوات ... والثلاثه مختلفات بكل عن بعض
كل وحده ليها طبع خاص بيها ...
كانو عايشين في قريتهم الصغيره مع مليكه ( امهم ) وفرص ( جدتهم ) ...
بس من وفاة بوهم بدو يتعرضو لأهانات وكلام ووو ، كله عشان انه رفض يبيع حوشه والقريه بيش تشريها شركة ويهدموها ...