بلدي الظالم 🔥 (مكتمله)

الحلقـة (10)

#بلدي_الظالم(10)🔥

عادل :- طلعت منها وخاطري مكسور وناوي عالانتقام بس هي سبقتني في خطوة اقوى ...

راكان :- يتكلم معاه وبتركيز ... شن ؟؟

عادل :- اليوم الي بعده على طول الحوش متاعي كان محاوط من كل جيهة وشدتني جيهة امنيه تخدم تحت عمك ...

             (            في الماضـي           )

عادل :- كان مقعمز ومضرووب والدم متاعه في كل مكااان ... يتكلم متقطع ، مالياااش علاقه وماكنتش نعرف انها متزوجه ...

الاندلسي:- انتت عااارف شن خطوورة تقررب شييي ليااا 😡 ... حننهيك ... وقعد يضرب فيهه ... لين طلع المسدس متاعه وكان بيضربه ...

ناهد :- كانت خاشه وتجري ... بدت تهدي في راجلهاا ...
عادل :- حنفضحكك وننتقم منك وعد منييي ...
ناهد :- ( خافت يفضحها ويعرف انه هي الخاينه ) ، بدت تجبد من الاندلسي فالسلاح وهو يقاااوم ، لعند ما نطلقت رصاصهه بالخطااا ...
الاندلسي:- حدف السلاح وشاااد راسه  ... شش شنن دررت انييي 😨 ! قتلتههه قتلتههه ...
ناهد :- خااافت وتهدي فيه اشش مش انته قتلته هذا خطا صار مرات ماماتشش ... )

....

           (    فـي الحـاضـر    )  

راكان :- وبعدين ؟
عادل :- قعدت تهدي فيه وقنعاته تهرب هيا وياه لعند ما جيت انت وخديتني ... ومن هذاكا اليوم لليوم قعدو في حيره هل اني متت ولا هربت ...
كبر سند فالسنين هادي وكبر معاه الانتقام والي زاده انه مش عارف وين جثة خوه ....
راكان :- شن الي يثبت انه الي صاير كله من راس ناهد ...
عادل :- راكان انت حفظتني عندك واني حندير كل جهدي بيش نساعدك وماتطيحش فالغلط ، اني ضام النسخ كلها من رسائل وصور بالتاريخ الي كانت وراهم ناهد .. وانتو حرين لو بتصدقو او تكدبوو
راكان :- قعد يربط فالاحداث والي صاير كله ...

قد مايحاول يكدب روحه او الي قاله عادل مش حيقدر لانه فعلا ناهد كانت مصدر الشر والطمع في كل هذا ، اما عن الادله والشهود كل شي كان موجود...

—————————

... ( قـروب روايـات كـارمـن ✨ ) ...

عُمر :- كان مقعمز في نفس المستودع بس في جيهه مظلمه وفي صور على الحيط كان عليهم ضـي ... شاد طرف دخاان ويتكلم مع روحه ..

عُمر :- ياربي عيونها وفمها جمالها وغرورها كله خداني ، بسببك مش قادر نشوف اي شي تاني الا انتِ ، بسببك بدي عندي شي نعيش عشانه ...

عُمر :- اه لو تعرفي قداش مره متت فاللحظه الي كان هو فيها معاك ، قداش متت لما ضحك معاك وكسبك وكسرك 💔 ... حنقتلهه عشانك بس لين يجيه الدوور ...

الكلام يقول فيه وهم مهلووش وقدامه صور لأسيـل وصور تانيه للي كان مخطط ينهيهم من ضمنهم راكان وسند ومداير اكس على ايهاب ...
والله اعلم من باقي الضحايا ...