#بلدي_الظالم (2)🔥
وصال :- في المطبخ ، ووه تعبت شن هذااا ...
سلوان :- ضحكت ... خلاص وانتِ ديما كسوله ، قعمزي تو ندير اني ....
وصال :- جت حضنتهاا ... ياسرك ديما انتِ تديري ..
سلوان :- اممم وبعدين اسحني عليا ...
وصال :- كيف حنقعدو ونعيشو هني يعني مافهمتش راه ...
قاطعهم صوت ..
... :- حتعيشو هني بالقوانين الخاصه بالقصر ، اوقات الشغل واوقات النوم والزي الخاص كله لازم تلتزمو بيهم ... طبعا اني ناهد سيدة القصر
وصال :- تفصل فيها وبتموت من الضحك ....
سلوان :- ابتسمت ... اني سلوان البنت الكبيره وهادي وصال اختي الصغيره وان شاء الله حنكونو قد ثقتكم ...
ناهد :- تجاهلتها ... لحد الان الاكل متأخر وولادي وبوهم بيطلعو فيسع ... وطلعت ...
وصال :- حي حي مصحهااا ، بنقتلهااا ....
سلوان :- يلا تعالي نكملو شغلنا ونمشو ...
......
دقايـق وطلعو وصال وسلوان الفطور ....
اسيل ( بنت ناهد ) :- كانت تشبحلهم من فوق للوطة مش عاجبينها بكل ...
اسماعيل :- العم .. شوف الصفقة حتربحنا ملاييين وحني مش خاسرين شي ، بضاعه وتخش وهما يتصرفو فيها ....
الاندلسي :- الاب ... خلي نزيد نفكر ....
ايهاب (ولد الاندلسي ) :- نازل من الدروج وشاد فونه ويضحك ...
الاندلسي :- ايهاااب 😡 ...
ايهاب :- ضم الفون في جيبه وقدم ... صبااح الخير ...
الاندلسي :- المره الجايه ماتكونش على السفره في الموعد ، عندي معاك تصرف تاني ...
ايهاب :- تمام ، قعمز وطاحت عينه على سلوان ... عض شاااربه 🔥 ...
سلوان :- انتبهتله بس عطول مشت كملت بقية شغلها ...
ناهد :- كالعاده كل ما حد يتكلم مع ايهاب تضايق ...
... ( قـروب روايـات كـارمـن ✨ ) ...
——————————————-
مليكه كانت مرتاحه اغلب الوقت لانه بناتها مهتمات بالوضع ....
فرص :- انتِ غبيه كيف مقعمزه هني لتوه وماتحركتيش ...
شادن :- واقفـه بكل ثقة على المرايه ... كانت تدير في شوية ميك اب ... تتكلـم ببرود ... وشـن المشكلة ؟ تو نتحـرك ...
فرص :- كل ماتستعجلي كل ما مكانتك حتتغير اسرع ...
شادن :- اكيدد .. اي احكيلي كم ولد عندهم واي واحد طرف اكثر وفلوس ؟؟ ...
فرص :- خدت نفس ... طبعا كلهم فلوس بس الاحلى ايهاب الولد الكبير ... شاب طايش وكل يوم الجرائد معبيه بفضايحه ، بس متاكده حيطيح فيك ...
شادن :- كويس بكل ، لازم نطيحه بأي طريقهه ...
فرص :- شوفي ... بدت تشرحلها عن الخطه والتفاصيل المهمه ...
لعنـد ماقاطعتهم نعيمه ...
نعيمه :- فرص ياريت تجي انتِ وحفيداتك وامهم ، عندي كلمتين ضروريات معاكم ...
فرص :- توترت وخافت تكون سمعتها ، ااا تمام دقايق هي ...
نعيمه :- طلعت ...
فرص :- تنهدت .. اووف شن تبي توه هادي
أنت تقرأ
بلدي الظالم 🔥 (مكتمله)
Acciónبلدي الظالم عنوان لروايتي الجديده ... هالمره مش قصص حب وناس كويسه زي اي روايه ، هالمره حنوضح اسرار العائلات والمعاناة الي هما يعيشو فيها ، ناس فقيره تقرر ترحل من مدينتها القديمه🔥 ... المدينة الجديده حتكون عادله معاهم ولا ظالمه 💔!! فكرة الرواية مقت...
