جروح القلب 💔

6

                       -بسم الله الرحمن الرحيم-
طلع النور وبدايه يوم جديد واحداث جديده ومواقف وصدمات

في قصر المنشاوي صحت كل العيله ونزلوا وواتجمعوا
احمد لورد: ورد هي الطياره هتوصل الساعه كام
ورد :المفروض عشره ونص والوقتي الساعه تسعه ونص لسه قدامنا ساعه
اسر :طب يلا افطري بسرعه علشان نتحرك
ورد : حاضر
سوسن : انا مش عارفه يا عمي انتي ليه مصمم تجيب الخاينه دي في القصر هنا
احمد بعصبيه : اولا يا مرات ابويا امي مش خاينه ..ثانيا :امي مش هتقعد في ملكك ولا هتاخد حاجه ليكي دي جايه لولادها ..ثالثا:قسمن بالله انا وامي وأختي جايين لو سمعت انك كلمتيهم وحش لحسابك معايا انا عامل بس علشان فرق السن مع انو مش باين يعني عليكي .بس انا بحزرك ....بعد ازنكم انا هستني في العربيه
بعد ما خرج احمد حسن اتكلم: أظن كلكم سمعتوا احمد قال ايه جني جايه تقعد في ملك ولادها زي ما كل واحد من ولادكم قاعد في ملكه أظن الكلام واضح
سوسن بخبث: طالما الكل واحد قاعد في ملكه بقي ليه مطلعين فرح من الحسبه مش المفروض زي اختها ولا ايه ولا إنتوا مش بتعتبروها من العيله ..إذا كان كدا الموضوع يختلف
احمد :بناتي وابني ليهم فلوسي وكل ما أملك يا سوسن ....حطي الكلام ده في مخك كويس ....انا هطلع لاحمد لأني عايزه
وخرج احمد وحسن : اللي هيزعل فريده ولا حتي هيقولها كلمه حسابه معايا انا فاهممممممين
مراد :اطمن يا جدي فريده معزتها من معزه ورد عندنا وأي حد هيجرحها بالكلام انا اللي هقف قصاده .....وبص لسوسن بكلامه الأخير
حسن : وانت يا اسر البت جايه خلاص اتلحلح شويه يا بني خليني افرح بيك مع اختك وأخوك ...وانت يا مراد حد. فرحك يا بني متتاخرش اكتر من كدا
مراد بص لجده : لسه شويه يا جدي
بسمه : يابني عايزه افرح بيك وانت خاطب من زمان
مراد: ماما سبيني علي راحتي .. بسمه لسه هتتكلم جوزها شاور ليها انها تسكت خلاص
اسر : انا هروح لاحمد يلا يا ورد
ورد : يلا بينا
وخرج اسر و ورد لاحمد في الأثناء دي كان محمد يكلم ابنه
محمد : متتاخرش يا احمد وانت بتجيبهم تجيبهم وتيجي علي هنا فاهم .
احمد: حاضر يا بابا ...بابا
محمد : نعم يا بني
احمد : فرح ايه هيكون نظامها
محمد بشرود : مش عارف يا احمد ....مش عارف
احمد : ايه رايك نجيب فرح وتشوف ماما وفريده يمكن تسامحنا لو جبنا ليها اللي كانت بتتمناه...انا قلبي بيتكسر مليون قطعه وانا شايفها بتقول اخويا لواحد تاني مش ليا ...وكمل ببكاء: نفسي اخدها في حضني يا بابا ...نفسي احسن اني اخوها يجد تكون مسئوله مني ومنك ...كان نفسي لما فريده ترجع نكون احنا التلاته سوا ومع بعض ...اكونً بير أسرارهم ...اكونً انا اللي بحميهم من الدنيا ....كان نفسي فرح تفتخر بيا اني اخوها زي ما بتفتخر بمعاذ واخواته ..نفسي في حاجات كتيره اوووي
محمد بكي علي بكاء ابنه وكلامه وشده في حضنه :أوعدك يا بني الضحكه هتدخل تاني بس لازم نصبر شويه
احمد بحزن : لامتي يا بابا ...لامتي انا تعبت وانت تعبت ..انت فكرك انا مش حاسس بيك يا بابا اما بنتك المفضلة عندك بتنده بواحد تاني بكلمه (بابا) انت من جواك نفسك تبكي بس مش بتقدر
محمد بهروب : روح هات اختك وتعالي يا بني
كان خرج اسر و ورد وركبوا وراحوا المطار يستقبلوا الغايب
محمد اطلق زفير عميق ودخل لابوه وأخوه مستنين تجمع العيلة
مراد يستاذن من ابوه وأمه وجده انو يروح الشركه ساعه ويرجع
في الوقت ده كان معاذ بيحاول يلهي فرح علشان يمشوا ويكونوا في استقبال خالتهم وبنت خالتهم
علي الفطار
معاذ : فرح انتي هتروحي الشركه تشوفي التصاميم وتعدليها وكمان هتنزلي الورشه تشوفي الشغل عامل ازاي النهارده يوم انك تمسكي الشركه وانا واخواتك هنخرج نجيب حاجات لينا علشان الجهاز بتاعنا حاجات شبابي
فرح : تمام ...وكدا دما اخلص هطلع علي الاستديوا علشان اشوف الأغاني والألحان وكدا
معاذ : تمام يا قلبي نخلص اللي ورانا وبليل كله ليكي اختاري نروح فين وهنروح
فرح : احلي اخ في الدنيا انت والله
طارق بتذمر: يعني هو احلي اخ وانا ايه يا فرح
فرح بابتسامه : وانت اجمل اخ تمام كدا ...بس في حاجه انا هاخد محمود معايا الشغل
معاذ : لا محمود هيروح معانا
محمود بتوتر: ايوا انا عايز اشتري كام حاجه كدا خصوصيه
فرح : تمام مافيش مشكله ..بس ابقي افتكروني بحاجه
معاذ : بس كدا عيونا لإحلي فراشه
ممدوح : فروح حبيبتي لو محتاجه حاجه قولي
فرح : لا يا بابا الحمدلله عندي كل حاجه وكمان لو عايزه اونلاين ويكونوا عندي متشغلش بالك انت بس يا دوحه وخليك في الفت ...وغمزت ليه
ممدوح : احلي الفت في الدنيا
فرح صفرت ومحمود معاها ..وضحك طارق ومعاذ علي خجل امهم
وانقسموا العيلة وكل واحد راح ما كان مهو رايح في الوقت ده في طياره نزلت علي الأراضي المصرية ونزل كل الركاب ما عدا تلاته اخر ناس نزلوا ست جميله اوووي اللي تشبه فرح اللي حد كبير اوي
وبنت جميله معاها ومعاهم ولد اللي يشوفه بقول مشاكس بمعني الكلمه خلصوا إجراءات السفر وخرجوا في الوقت ده كان احمد وأسر و ورد منتظرينهم
اسر:ورد انت متاكده انك عارفه شكل فريده
ورد :ايوا طبعا متاكده
اسر بنفاذ صبر: يابنتي الطياره نزلت من نص ساعه ومحدش ظهر
احمد : اهدي يا اسر الغايب حجته معاه
فجاه ورد صرخت وشاورت عليهم : فريده اهي ....وندهت عليها ..... فرررررررريده ...فييييري ..
فريده سمعت حد بينده عليها وبيشاور ليها بصت لقيتها ورد
صرخت بسعاده: .....ورد....وجريوا علي بعض وفضلوا حاضنين بعض
ورد :وحشاني اوووي يا فيري
فريده : وانتي اكتر....بس ايه الحلاوه دي انتي احلا من النت مليون مره
ورد بخجل : انتي اللي احلي ...اومال فين ماما جني والولا حازم
جني بابتسامه: ماما جني اهي يا رورو
ورد جريت عليها وحضنتها: حمدلله علي سلامتك يا ماما
جني : الله يسلمك يا قلبي ..ايه العسل ده كله
ورد : ميرسي ياماما...قطع كلامهم حازم :يعني يا ابله ورد سلمتي عليهم وانا يعني واقع من القايمه ولا ايه
ورد : لا ازاي دا انت الكل في الكل يا زومه
حازم بيعدل لياقه القميص بغرور: طبعا يا بنتي ...دا مجنن بنات لندن
ورد : طبعا ...انت هتقولي ....تعالوا بقي لان اسر اخويا واحمد هنا
جني بصدمه بدموع  :...ااحمد هنا....
ورد :ايوا ...وشاورت علي اتنين :دولت اللي علي الشمال ده اسر واليمين ده احمد اخوكي يا فيري
فريده جريت علي اخوها وبدموع الفرح :احمد ....اااحمد انت وحشتني اووي ...
احمد اخدها في حضنه : وانتي اكتر يا روح اخوكي ..مش هتبعدي عن حضني تاني فاهمه ولا عاد في سفر ولا اي حاجه وهتفضلي كدا لزقه فيا
فريده متكلمتش وفضلت حضناه واللي كان هيولع البوتجاز اللي جمبه (اسوره قلب مامي)
اسر بغيره : مش كفايه احضان بقي
فريده ببرائه: اسر ازيك
اسر بحب : الحمدلله ...كبرتي يا فريده
فريده : اكيد دا عدي سنين
جت عليهم جني وبصت لاحمد وفجاه بدون إنذار احمد اترمي في حضنها وبكي :وحشتيني اوووي يا امي ...وحشني حضنك
جني حضنته : وانت اكتر يا قلبي يا ابني الكبير اول فرحتي في الدنيا
احمد :متبعديش عننا تاني انا محتاج لأمي معايا
جني :لا خلاص انا هنا ومش هسافر متبكيش بقي مافيش راجل بيعيط
احمد مسح دموعه ومسح دموع أمه وبص لحازم وبعدين بص لامه
:ده حازم يا احمد اخوك
احمد بصدمه: اخويا ازاي يعني
حازم بمرح : زي الناس ولا تحب اطلع ليك البطاقه ..ما قالت اخوك .انا الصغنن اللي في العيله
اسر بضحك : لا شكلنا هنتفاهم..انا اسر ابن عم العيال دي
حازم : وانا حازم اخو الإندال دولت
اسر : بتقول ليه كدا يا شبح
حازم بغيظ ؛ اول ما شافوا بعض هاتك يا احضان وبوس ..حتي محدش عبرني بوسه في الهوا حتي
اسر: ولايهمك ..تعالي في حضن عمك يا صغنن
حازم رفع حاجب: ايه صغنن دي ...انا راجل
جني بصداع: بااااس خلاص خلونا نطلع من المطار
احمد ضمن أمه وأخته ومشي بيهم وأسر حط ايده علي قفا حازم : امشي ياض قدامي.... وفضلوا يضحكوا وركبوا عربياتهم و راحوا علي القصر