في شقه كبيره وعلي زوق جميل اوووي يستيقظ بطلنا علي أشعه الشمس وبجانبه واحده لا تستر بشيئ (سوزي) قام دخل الحمام ولعد مده خرج وكان يرتدي ملابس العمل يلاقي سوزي استيقظت قامت وتلتف حولها ملايه
سوزي بدلع مقرف زيها:good morning baby
مراد: صباح النور يا سوزي انا رايح الشغل
سوزي بتحاول تبوسه :بدري كدا خليك معايا شويه ايه متبسطش امبارح
مراد بغضب :انا اتأخرت علي شغلي واعملي حسابك النهارده معزومه علي العشا في القصر جدي عايز كدا واقابلك بليل
سوزي بدلع مقرف: اوكي يا بيبي ...
مراد سابها ونزل ركب عربيته ومشي طلع الشركه وكل تفكيره في اللي هزت قلبه بس غصب عنه بيفكر فيها ومد ايده علي كاست العربيه لقي أغنيه ليها بتتعرض فضل يسمعها في نفسه : يااااه كبرتي يا فرح وبقي ليكي ناس معجبين بس تعرفي نفسي اخبيكي من عيونهم دي بس اللي حصل زمان هو اللي منعني عنك كفايه اني اكتر واحد كسرتك فيهم ...سامحيني يا قلبي ... ومسح دموعه اللي نازله ..ونزل من عربيه ومشي علي وجه الوجه القاسي والبرود كسي وجه وفي الشركه كل البنات بتتمني ليله معاه مع كتله الجمال ده بس ولا يهمه حد منهم..
دخل مكتبه وكان قمه في الروعه دخل وقعد علي مكتبه وبعد لحظات دخل اسر اخوه
اسر: صباح الخير يا دنجوان
مراد: اسر انا مش فايق ليك علي الصبح في ايه
اسر: مافيش حاجه بس كنت جاي اخد رايك في الصفقه المشروع الحكومي للمدن المشروع ده مهم اووي وينقلنا نقله تانيه يا مراد
مراد :عارف يا اسر اطمن انت المهم الوقتي احنا هندرس السوق كويس قبل اي حاجه وبعدين ونبدا نحط أسعارنا في أوراق المناقصه
اسر: تمام واحمد بيدرس بردك فيها المسائل القانونيه والقعود يعني بيظبطها
مراد : كويس اوووي ...المهم طمني عنك
اسر بحزن : انا كويس الحمدلله
مراد : مش باين عليك يا اخويا ياابن امي وابويا
اسر بضحك : ايه يا عم قلبتها أغاني ليه كدا
مراد : هترجع ي اسر ونفرح بيك قريب
اسر بحزن :حتي لو رجعت تفتكر هنكون لبعض يا مراد .. عمك هيتقبلها.. مش كفايه اللي حصل في توأمها
مراد : وتفتكر لما عمك يكتشف انه ظلمها هيكون موقفه ايه من فرح
اسر : معرفش ...بس اللي بأكده ليك ان فرح عمرها ما هتسامحنا ابدا
مراد: قفل علي الموضوع يا اسر ويلا ابدأ الشغل وعندنا اجتماع كمان ساعتين مع الوفد الأجنبي جهز نفسك وخلي احمد يجهز بالعقود
اسر بتذكر: اه صحيح احمد هيجي علي الاجتماع علطول عنده قضيه في المحكمة هيخلص ويجي قالي اقولك
مراد ليواجه الأوراق: تمام مافيش مشكله
اسر خرج من عند اخوه ومراد بدأ يشتغل وكل واحد في دماغه عماله تفكر في المستقبل....
في قصر عيلة المنشاوي نلاقي بنوته جميله اوووي بتجري علي سلم القصر ويتنزه علي جدها وشعرها بيطير وراها من جريها
ورد: جدووووووووو.... يا جدوووووو
حسن : في ايه يا ورد صوتك عالي ليه كدا يا بنتي ايه في حد مات ليكي
ورد بتنهج: عايزه اقولك علي خبر بمليوووون جنيه
فوزي : ايه الخبر ده يابت ورد ...انتي اصلا مش بيجي من وراكي غير المصايب
ورد بغضب طفولي : بقي كدا يا بابا انا بجيب المصايب ماشي شكرا
فوزي ضحك علي غضب بنته : بنوتي حبيبتي يا قلب بابا انتي ...تعرفي انك أميرتي
ورد بسعاده : ايوا انا أميرتك انت وبس
حسن بخبث: بالنسبه للأستاذ احمد ايه النظام
ورد بخجل : احم احم هو انا كنت جايه ليه ... هتفت بسعاده: صح فريده جايه القاهره قريب يا جدو
حسن باستغراب : فريده مين
ورد : يا جدو ركز معايا فريده ... فريده بنت اونكل محمد
حسن وفوزي في نفس الوقت: ....ااااااييييه .....
ورد بسعاده :مش انا كنت قايله ليكم اني بكلمها ..وقالتلي النهارده انها جايه كمان يومين مع طنط جني ..انا مبسوطه اوووي
حسن : اطلعي الوقتي علي اوضتك يا ورد
ورد : ليه يا جدو انت متبسطش بالخبر ده دا
حسن : اطلعي الوقتي يا ورد بعدين نتكلم
فوزي لورد: اسمعي كلام جدك يا ورد يلا علي فوق
ورد مستغربه من الي حصل ل جدها وأبوها واخدت بعضها وطلعت تكمل كلام مع فريده ...
حسن :هنعمل ايه يا فوزي
فوزي بشرود: مش عارف ...مش عارف يا بابا ...الماضي هيتفتح تاني يا بابا ومحمد يمكن ميسكتش
حسن بغضب: المرادي انا اللي هقف في وشه ...كفايه بنت مش هتكون التانيه
فوزي :متنساش يا بابا اننا مشتركين في اللي حصل لفرح ..وكمان بعد اللي حصلها ممدوح هو الي رباها هي بتيجي يدوبك بس زيارات علشان كلام الصحافة ...وفرح معدتش زي زمان لا دي بقت قويه رغم صغر سنها بس قويه ..وخايف تدمر كل اللي حوليها
حسن بشرود: ربنا يستر علي اللي جاي انا مش مطمن
فوزي بشرود هو الاخر :ولا انا كمان
أنت تقرأ
جروح القلب 💔
Romanceهي وحيده ليس لديها احد مع ان لديها عائلة من اغني عائلات البلد هي تعشقه مهما تمر من المصاعب في حياتها ولكن خطبته لغيرها كسرتها💔 هو يحبها ولكن قسي عليها ودمرها مع عائلتها وخطب غيرها ولكن ليس في القلب غيرها يتمناها ولا يتمني غيرها 💔
