جروح القلب 💔

١٢

بعد شهر ونص وفي العيله كل الايام شبه بعضها في اللي بيروح الشركه وكمان الجامعه و روتين حياتهم طبيعي وما عدا غياب فرح عنهم
في القصر والكل متجمع علي سفره الغدا
ممدوح : معاذ فرح هتوصل امتي
معاذ :المفروض كمان ساعه ...طيارتها توصل وانا بعت عربيتها علي المطار علشان هي مش عايزه حد يجيبها
ممدوح: تمام....وكمل اكله
محمد : مش شايف يا ممدوح انك بتتدخل في امور فرح بزياده
ممدوح ببرود: والله بنتي ولازم اطمن عليها ...مش كفايه زمان ..
محمد : طب ما تدخلش تاني في امور ليها
معاذ : والله يا عمي ...فرح اختي وابويا ابوها واللي مش عاجبه يشرب من البحر او اقولكوا البيسين موجود
حسن بحده : معاااااذ ...احترم نفسك
معاذ : والله انا محترم نفسي ...بس عمي محمد معرفش بيدخل في اللي ملوش فيه ليه
محمد بغضب: ممدوح قول لابنك يحترم نفسه و يتلم احسن والله اربيه ليك
حسن بحده: بس خلاص في آيه هو كل يوم كدا زعيق وخناق زي مبقتش عيشه دي ....قطع كلامهم الدادة: في واحد برا يا حسن بيه عايز يقابل حضرتك
حسن :مين ده
الداده: معرفش يا فندم
حسن : دخليه ....وبعد ثواني دخل عليهم راجل كبير في السن بس اللي عرفته سوسن والخوف ظهر عليها كان (فريد )
فريد : السلام عليكم
الكل : وعليكم السلام ...حسن: انت طلبت تشوف العيله خير
فريد : انا جاي الوقتي علشان ابرأ زمتي وكمان ابرأ واحده اتظلمت هنا ...واتمني انكم تسامحوني
حسن بغموض:اتكلم يا بني انت في حمايه حسن المنشاوي
فريد : استاذ محمد انا جاي ليك مخصوص انت ومراتك المدام جني
محمد : انا ليه
فريد : من ١٥سنه انت جالك صور فيها مراتك مع واحد صح
محمد بغضب: وانت ايه علاقتك بالموضوع ده
فريد : انا بكون اللي في الصور ...كان محمد قايم يهجم عليه بس قاطعه....انا جاي النهارده علشان اقولك ان مراتك مخنتكش وكمان هي عمرها ما قبلتني ...بسببي وبسبب الناس اللي حرضوني خلوا بيت يتخرب بسببي
محمد بصدمه: يعني انا مراتي مخنتنيش..ازاي والصور انا وديتها لمصور وقال انها حقيقه
فريد :انا هقول ليك كل حاجه .....انا كنت بحب واحده زمان وكنت مستعد اعمل ليها اي حاجه وكان بينا علاقه ....وفي يوم واحنا مع بعض طلبت اننا نصور علاقتنا علشان تحتفظ بيها انا استغربت ازاي تصور علاقه في السرير علشان تكون ذكري انا رفضت وصممت اعرف ليه هي عايزه تعمل كدا ......قالتلي ان في واحد ضحك عليها زمان ووهمها بالحب قبلي وهو اتجوز وبيحب مراته بس مراته بتخونه وكانت عايزه صور لينا مع بعض بس تشيل صورتها وتحط صورت مراتك وعرضت عليا مبلغ كبير اوووي اشتري منه فيلا ونتجوز انا وفقت ....وفي يوم كنت رايح ليها شغلها وسمعتها بتتفق مع واحد علي دمار البيت ده لانها عايزه تتجوزه وكمان تاخد كل اللي وراه واللي قدامه وهو كان متجوز بنت عمه وماتت وعنده ولد واتجوز اللي بيحبها وكانت ناويه بعد ما تتجوزه تقتل الولاد والحادثه تبان قضاء وقدر فجاه دخلت عليهم وعرفوا اني سمعت كل حاجه وانا من طمعي وجشعي شاركتهم في اللعبه الوسخه دي بس والله كل ده كان غضب عني كنت شاب ومحتاج فلوس اكون حياتي والله ..انا بطلب منكم انكم تسامحوني لان ايامي خلاص بقت معدوده في الدنيا
محمد بصدمه من اللي اتقال والكل مصدوم : يعني انتو بسببكم بعدتوني عن حب حياتي وكمان ايه بسبب الي عملتوه وكنت بموت وبضرب بنتي كل يوم واعذبها ....بغضب : انتو ايه ...مش بشر ...وليه الوقتي جاي تقول علي اللي حصل انت بسببك انا كنت بتعذب وبموووت كل ثانيه علي بعد حبيبتي ...لييييييه
فريد بندم : انا عرفت ان عندي الايدز وده ملوش علاج وحبيت لما اقابل ربنا اكون صافي ويمكن احاول ارجع البيت اللي اتهد بسببي وبسببهم
مراد : مين الراجل والست دولت
فريد بيبص لسوسن :الراجل اسمه رأفت ...اما الواحده اللي عملت كدا فا كلكم عرفينها وهي موجوده الوقتي وسطنا
حسن : مين
فريد : ايه يا سوسن مش بتتكلمي ليه
سوسن برعب وبتوتر بتحاول تداريه: هو انت تعرفني
فريد بسخريه : يعني ٣سنين مع بعض في سرير واحد وشقه احده وانساكي ..اخص عليكي يا سوسو...بس بقرف ليها وبعدين بص لمحمد : السبب في خراب البيت ده هي سوسن مراتك
الكل بس لسوسن محمد بغضب وهجم عليها ونزل فيها ضرب : انتي ايه شيطانه ...خربتي بيتي يا شيخه منك لله وكمان كنتي بتموتي بنتي قدامي...انتي اييييييييه ...جنسك ايه دا انتي حرام فيكي الضرب بس حلال ليكي القتل ...😡😡😡😡😡
فوزي بيبعد محمد من علي سوسن: اهدي يا محمد هتموت في ايدك
محمد بغضب : تموت ولا تروح في داهيه حتي اكون استريحت منها ومن منظرها المقرف ده
فريد : انا كدا قوت ال عندي اتمني تسامحوني ...انا لازم امشي
جني وقفته : استني يا استاذ فريد
فريد : انتي مين
جني : انا جني
فريد بص في الارض ومرفعش عيونه :انا عارف ان بسببي اتظلمتي كتير بس والله كل حاجه تمت غصب عني
جني بابتسامه : وانا مسمحاك ...انت يوميها بينت ليا ثقه الزوج في زوجته ومع الاسف زوجي مكنش واثق فيا ...انت معملتش حاجه غلط كل اللي عملته انك مشيت ورا ناس مافيش في قلوبهم الرحمه ...ربنا يشفيك يا استاذ فريد
فريد بدموع : بكلامك ده صدقيني بندم اكتر اني اتسببت في بعدك عن بيتك وعن جوزك ...وسابها ومشي
وسوسن ايه علي الارض غرقانه في دمها والكل مش عارف يعمل ايه
محمد نده للحرس ياخدوا سوسن ويرموها برا القصر بس قبل كل ده طلقها وخلص من شرها ....
محمد بص اجني ودموعه نازله وهي قعدت بعد ما خلصت مع فريد قعد قدامها وركع بدموع: انا اسف ...والله اسف ...اسف اني موثقتش فيكي اسف علي قله عقلي واني صدقت الصور دي اسف اني مش صدقتك رغم انك قولتي انك متعرفهوش مش عارف اقولك ايه بس كل اللي بطلبه تسامحيني وحيات ولادنا سامحيني يا جني ..انا محبتش ادك ..والله لما رميت عليكي يمين الطلاق رجعتك تاني علي زمتي علشان متكونيش لغيري حتي لو بعيده عني ...سامحيني يا جني ....لو طلبتي اني اموت نفسي والله ما هتردد ابدا بس نرجع تاني ...😭😭😭😭.
جني بدموع : انت ظلمتني يا محمد ...انت الوحيد اللي حبيته رغم الي عملته فيا بس بردك بحبك ...لو انت كنت مكاني وانا مكانك عمري في حياتي ما كنت صدقت عليك حاجه علشان بحبك بس انت صدقت 😭...ممكن انسي الضرب وانسي اي حاجه ..بس مش هقدر انسي ان ليا بنت بتكرهني ومعتبراني ميته وكله بسببك ....انا مسمحاك يا محمد علشان خاطر ولادنا ....بس ليا عندك طلب
محمد : قولي وانا انفذ حتي لو موتي
جني : رجعلي فرح يا محمد .....خلي فرح تحبني ...متخلهاش تقول عليا ميته ....رجعها في حضني
محمد : وعد مني ليكي ان بنتنا هترجع في حضننا بس محتاجين شويه وقت وصبر
ممدوح : بالرغم اللي عملتوه في فرح بس الاول والاخر بنتكم انتوا واحنا هنساعدكم تقربوا منها ومن النهارده ....قطع كلامهم محمود وهو داخل وشايل فرح علي ضهره وبيضحكوا وصوتهم عالي
محمود : انزلي بقي يا بت انتي انا ضهري وجعني
فرح : مش نازله ويلا لف بيا شويه
محمود :يا فرح حرررام كدا انا اخوكي الصغير
فرح : اخويا الصغير بس بسم الله ما شاء الله اطول مني انت يا بني زرافه والله
محمود بغيظ: انا زرافه يا اوزعه يا فار
فرح : يع فار ...نونونو انا قطه كيوت وطيبه وعسل
محمود : لا انتي فار وكمان مش ابيض لا رمادي
فرح مسكته من شعره ونزلت فيه ضرب وهو نزلها وبدأت الحرب فرح عضته من ايده وماسكه شعره وهو ماسك شعرها ونازل عض وضرب وهي ضرب في بطنه منظرهم تحفه الصراحه ...
ولما خلصوا قعدوا علي الارض وفضلوا يضحكوا ......وبعدين لحظوا ان الكل بيتفرج عليهم بس وشهم غريب باين انهم معيطين
فرح جريت علي الفت وممدوح : ماما بابا مالكوا ف ايه عيونكم حمرا ليه
ممدوح : مافيش يا بنتي بس عيني وجعاني شكلها كدا دخل فيها ميكروب
فرح : انت مش بتعرف تكذب ....مش انا فرحتك في ايه قولي
الفت : مافيش حاجه يا قلبي المهم انتي اخبارك ايه انبسطي يا قلبي في السفريه دي
فرح : اه الحمدلله ....وخلصت شغل ....بس بردك مش مستريحه في ايه
معاذ بياخدها في حضنه: مافيش يا قلبي ...المهم بقي لازم نهتم بدراستنا شويه ...عايز امتياز
فرح : ان شاء الله ....
بسمه : اكيد جايه من السفر جعانه ...ثواني ونحط العشا
فرح : ملوش لزوم ...انا مش جعانه اصلا
محمود : لا جعانه ...معلش حطوا العشا علشان الابله تاكل وتاخد علاجها
معاذ : علاج ايه
فرح : مافيش علاج للبرد ...اصل تعبت وانا في الهند وكان عندي شويه برد والاستاذ من ساعتها قاعد بيديني في ادويه لغايه لمًا زهقت منه ياريتني ما اخدته معايا
محمود بغيظ: بقي كدا ...دا انتي يا شيخه كنتي ممرمطاني معاكي ...حرام عليكي ..وانا جعان وحشني الاكل المصري والنبي الكوني يا جدعان
طارق : خلاص كفايه فضايح يخربيتك ....
حسن بصحك عليهم وقال للشغالين يحطوا العشا وبدأوا في التوزيع علي السفره ولسه فرح هتقعد جني محمود ممدوح :فرح اقعدي جمب مراد واختك فريده
فرح بصدمه من كلام ابوها : ايه ...اقعد فين
ممدوح : من النهارده ده مكانك تقعدي جمب اختك
فرح مش قادره تنطق ممدوح : هتكسري كلامي يا فرح
فرح بسكوت راحت بعد في المكان اللي قال عليه ممدوح وبدأت تحط في طبقها من الاكل بس مأكلتش بتلعب في اكلها
طارق بيكسر الصمت اللي حل : بس ايه الجمال ده الي كان في المهرجان كنتي ملكه جمال يا قلب اخوكي
فرح بابتسامه : ربنا يخليك ليا ...بس الفضل كله لخطيبتك وخطيبه معاذ ..والفضل الاكبر ل معاذ بفساتينه الي لبستها كانت حلوه اوووي
معاذ : انتي تؤمري يا فراشتي وانا انفذ...وانا موجود ايه مش علشان اطلع فراشتي ملكه جمال 🙂
فرح : ربنا يخليك ليا ...محمود
محمود وبقه مليان اكل : عايزه ايه
فرح بقرف : طب اقفل بوقك وانت بتاكل الاول ....المهم هنخرج
محمود بفرح : اشطا نلبس ونخرج بس نرتاح شويه ..اشطا...
فرح :اشطتين
احمد : انتو رايحين فين او خارجين تسهروا نسهر سوا
فرح ببرود : لا انا ومحمود وبس
احمد بابتسامه رغم الالم اللي حاسس بيه :ايه يا فرح ما نخرج سوا وكمان فريده ايه جايه هي وحازم نفرجهم علي القاهره ايه رايك
فرح مردتش عليه بس محمود رد: لا معلش النهارده اخرجوا انتو اصل انا وفرح مش هتسهر دا احنا هنروح نشتري حاجه ونرجع علطول
مراد : حاجه ايه دي لو حاجه مهمه هاتوها من النت وتوصل لغايه القصر انتو ايه جايين من السفر
فرح : هو في ايه ايه الاهتمام ده من اول ما جيت وانا حاسه ان في حاجه متغيره ...ممكن اعرف في ايه
محمد بابتسامه : هيكون في ايه يا بنتي مافيش حاجه بس مراد خايف عليكي
فرح ببرود: اولا انا مش بنتك ...ثانيا محدش ايه دعوه حتي لو موت ملكوش دعوه بيا ....ورجعت مسكت الشركه وبدأت تاكل بعصبيه بس حست ان في حد ماسك ايديها التانيه تحت السفره بتبص لقت ايد حبيبها بصتله لقته بياكل وعادي بس بيضغط علي ايديها وبعدين شال ايده وشابكهم في بعض ...فرح كانت من جواها مبسوطه بس من برا كانت عايزه تموته
معاذ بهدوء وفرح بتشرب ميا: هتشتروا ايه يا فرح
فرح شرقت: كح..كح..كح..كح
مراد خاف عليها وبينولها ميا فرح بعد ما هديت ترد بتوتر: يعني هنشتري ايه اكيد هنروح المول نشتري لبس وملف شويه ..صح ياض
محمود بسرعه: صح ..صح
معاذ بيضيق عينه: كله هيتعرف ويبان ان شاءالله
فرح بتتهرب : انا هطلع انام اصلي ميته من التعب ..باي ..وطلعت تجري علي السلم ..ومحمود طلع وراها
طارق بعد ما طلعوا : معاذ دولت شكلهم ناويين علي مصيبه
معاذ : عارف جهز نفسك بليل
مراد : اوعي تكون هتروح وراهم
معاذ : لازم دولت لو اتجمعوا في مكان واحد يبقي مش مصيبه دي كارثه هتحصل
مراد : رجلنا علي رجلكوا
معاذ هز راسه وكملوا اكل
فوق عند المصبتين
فرح بخوف : هيكون شك فينا
محمود :وهو يعرف منين اننا هنروح
فرح :انا خايفه بلاها المشوار ده ...معاذ او عرف هنموت
محمود :شوفي هي موته والسلام ...خلينا نغامر
فرح بتبلع ريقها : ربنا يستر
——————-
نكمل الفصل الجاي
بليييز صوتوا وقولوا رايكم وفكروا في احداث الروايه دي وادوني افكار