جروح القلب 💔

19

الغائبون ضربه موجعه لا تكف عن النزيف...

اصعب انواع المقاومة عندما لديك رغبة في البكاء ولكنك تبتسم لتحمي كبريائك...

ففي هذا الزمن اذا جرحت ، وعذبت يحبونك ،واذا حبيت ، وتعذبت ينسوك...

ان تشتاق للذكريات اصعب من ان تشتاق بلاشخاص..

عندما كنت انتظر الاشخاص التي كنت ان انتظرها علي مدار سنوات طوال ....                                  وعندما اتوا ونظرت اليهم  تذكرت في كل مره قلبي تألم وحزن ، تذكرت العذاب الذي كنت اتلقاه ، لو اتذكر لهم اي شيئ يشفع قلبي لهم ...                      بل بالعكس قلبي تألم وهناك حريق قام بداخله عندما رأيتهم ...                                                                كنت انادي عليهم كل يوم وكل لحظه تمر عليّ في هذه الحياه ...                                                            ولكن الان لا اريدهم في حياتي ...لا اريدهم .                                        لاااااا اريدهههههههههههم......
.................................................................................
بعد مرور فتره من الوقت والكل مجتمع حولين فريده و ورد وحازم
حسن بدا بالكلام : فريده انتو ازاي اتخطفوا .. وازاي فرح وصلت ليكم
فريده : مش عارفه يا جدو احنا كنا رايحين نركب العربيه فجأه حصل خناقه كبيره اوووي في المول ومحسناش بنفسنا غير واحنا في المكان اللي كنا فيه واحنا مخطوفين ..
مراد : طب وفرح وصلت ليكم ازاي
ورد : منعرفش فجاه دخل علينا حد وقال اننا هنستني في المكان اللي كنا فيه يومين لغايه لما بابا وعمو محمد يدفعوا لينا .. وبعد وقت لقينا راجلين وست تحسهم رجال اعمال وبعدين دخلت فرح .. جريت علينا تطمنا وتشوفنا لو عملوا فينا حاجه .. وقالت ليهم يفكونا واحنا جرينا عليها واستخبينا وراها وحازم اول ما شافها جري في حضنها وبعدين ..ولقينا الحارس بتاع فرح داخل وفي ايده شنطه كبيره اوووي شنطه سفر وفرح سألته علي اوراق وهو طلع الاوراق وهي مصيت ورمتها علي الرجلين والست دي وبعدين فرح اخدتنا ومشينا بس قبل ما مشينا طلعت سلاح وضربت نار علي واحد من الرجاله اللي كانوا خطفينا ...بس ده كل اللي حصل
مراد بصدمه : ضربت نااار!!!
معاذ بصدمه هو الاخر : ازاي وفرح مش معاها سلاح ولا مرخصه سلاح ولا حتي بتعرف تستخدمه..
فريده : مش عارفين بس هما كانوا مرعوبين منها فجاه لون عنيها اتغير للغامق وضربت نار
محمد اخد فريده في حضنه : المهم دلوقتي انكم بخير
فوزي اخد ورد في حضنه هو الاخر : الحمدلله .. الحمدلله.. وباس جبين ورد
انا حازم قاعد في حضن اخوه احمد وبيترعش
احمد : انت بردان يا حازم مالك بتترعش ليه كدا
حازم : مش عارف .. بس بردان اووووي
احمد : طب تعالي نطلع اوضتك علشان تدفي وتنام
حازم بزعر : لاااااا.. مش هطلع ..مش هطلع غير لما فرح تيجي
احمد بحنيه : انا هطلع معاك وانام كمان معاك لو خايف
حازم بيعد راسه بمعني لا: انا عايز فرح
جني قامت اخدته من حضن احمد : مالك يا حازم انت دائما بتيجي تنام معايا وفي حضن ماما .. تعالي وانا انام معاك وكمان فريده واحمد يناموا معانا ايه رايك ...
حازم : لا انا هستني فرح .. انا عايز فرح
مراد: سبيه يا ماما جني هو خايف وعلشان فرح الي انقذته فهو عايزها جمبه بيحس معاها بالامان .. وده طبيعي من اللي شافه النهارده
حازم ل محمود : محمود ..
محمود : نعم يا زومه
حازم : هات فونك لما اكلم فرح والنبي
محمود : حاضر ... وطلع فونه ورم علي فرح
فرح في الوقت ده كانت بتلف بالعربيه ومش عارفه تروح فين بعد مشوارها اللي راحته وكانت سرحانه فاقت علي صوت فونها لقت محمود
فرح : ايوا يا محمود
حازم : انا مش محمود .. انا حازم
فرح بتعجب : حازم !! بتكلمني من فون محمود ليه يا حازم
حازم : انتي هتيجي امتي؟؟
فرح : شويه يا حازم .. بتسال ليه في حاجه
حازم : انا عايز انام وخايف .. تعالي نامي جمبي
فرح بابتسامه لانها مرت للخوف ده اكتر من مره : حاضر يا حازم .. عشر دقايق بالضبط واكون قدامك .. تمام
حازم بابتسامه: تمام مستنيكي... وقفل الخط وادي الفون لمحمود
وفرح ساقت للقصر علشان حازم لانها بتحس مع حازم انو ابنها مش اخوها صحيح العلاقه كانت شبه منعدمه بس النهارده لما جري في حضنها والايام اللي كانت بتتكلم فيها معاه ومع فريده .. عرفت اممم ملهمش.ذنب انها تقاطعهم وقررت تدي فرصه لاخواتها ماعدا شخص واحد (احمد )
في القصر وحازم منتظر فرح
ممدوح لمنه الي خلاص بقت من عيله الراوي : ازيك يا منه يا حبيبتي
منه بابتسامه:الحمدلله يا اونكل
ممدوح : ها اخبار المذاكره معاكي ايه .. مش هقبل اقلل من طب انا بقولك اهو .. وبعدين ايه اونكل دي مش قولت ليكي اسم بابا
منه : ان شاء الله اكون عند حسن ظنك يا .. ممدوح بصلها بتحذير...يا بابا
ممدوح : احلي بابا بسمعها منك انتي وفروح غير كدا لا
محمود بمزاح : جري ايه يا ولدي .. انت عندك علي فكره تلت شباب اهو وكل واحد اد الحيطه
ممدوح : بس كلمه بابا من البنات احسن من الشحوطه اللي زيكم
الفت بضحك : هو في زي البنات .. كنت اتمني اني اخلف بنوته بس ربنا كرمني ب فرح ومنه
منه : شكرا يا ماما
الفت : طب يلا يا منه اطلعي علب اوضتك علشان دروسك يا قلبي يلا ..وانت يا استاذ محمود معندكش جامعه ولا ليه النظام علي اوضتك
محمود : انا هستني فرح .. عايزها في موضوع كدا
ممدوح : موضوع ايه ..
محمود : موضوع كدا يا بابا اخد راي فرح وبعدين اقول لحضرتك
ممدوح : تمام
محمود باستغراب : طب هي راحت فين دي ؟؟.محدش يعرف
الفت : قالت انها رايحه مشوار وبس
محمود : ياتري فين .. ولف للبنات : فرح مقلتش قدامكم هي رايحه فين
فريده : لا مقلتش
ورد : ممكن تروح راحت عند اللي كانت بتكلمه
الكل بصلها باستغراب
مراد : مين ده يا ورد
ورد : مش عارفه بس سمعت اسمه
محمود بريبه : اسمه ايه
ورد : تامر
محمود بصدمه : تااااامر ... ولسه هيتصل بفرح لقاها داخله من باي القصر ...اول ما حازم شافها جري عليها وهي اخدته في حضنها
فرح بابتسامه : ايه يا استاذ حازم .. جايني علي ملي وشي ليه
حازم : عايز انام وخايف انام في الاوضه لوحدي
فرح : طب ما مامتك معاك وكمان باباك واخواتك .. ليه انا بقي
حازم : علشان حاسس بالامان وكمان لو حد يحاول يعمل فيا حاجه تحميني
فرح : طيب يلا بينا .. لاني هموت وانام والله . ولسه طالعه السلم هي حازم .. محمود وقفها : كنتي بتعملي ايه عند تامر يا فرح
فرح لفت ليه : وانت عرفت منين اني كنت عنده
محمود : ردي علي السؤال
فرح ببرود : مافيش حاجه مهمه كان عندي صداع وخليت يكتب ليا علي مسكن
محمود : فرح
فرح : خير
محمود : انا هعرف يا فرح
فرح : تمام كدا كدا تامر هيقولك .. بس وياك تكلمني في الموضوع تمام .. تصبح علي خير وطلعت هي وحازم
تحت في القصر
معاذ : هي تروح لتامر ايه ... وايه حكايه الصداع اللي ماسكها ده
طارق : مش عارف بقالها كتير صداع بيجي ليها
مراد بخوف وقلق: طب حد يتصل بتامر ويساله علي حالتها
محمود : مافيش داعي فرح عملت كل التحاليل والاشاعات ومافيش حاجه كل الحكايه انها بتضغط علي نفسها بزياده وده غلط
معاذ : مش مطمن
مراد : ولا انا حاسس ان فيها حاجه
احمد . انا بردك حاسس بكدا
اسر : ربنا يستر
الكل : ياااارب
حسن : المهم الوقتي احنا اطمنا علي البنات .. معاذ انت وخطيبته فرح الاسبوع الجاي وخطوبه الشباب علي بنات عمهم معدش ينفع تاخير علشان لو في خطر يبقي كلنا جوا القصر ونقدر نحمي الكل
ممدوح : وانا بردك من راي عمي يا معاذ
معاذ بهدوء : اشوف أيه الاول هي العروسه .. وطارق يشوف سما
حسن: تمام
محمود قام وقف: انا خارج شويه وجاي ..ولف لمنه : يلا يا منه اطلعي نامي
منه حاضر... تصبحوا علي خير .. وطلعت منه ومحمود راح يعرف فرح وصل لايه ..

فوق عند فرح وحازم نايم فرح افتكرت اللي حصل في مكتب تامر
.................................Flash back...........................
فرح دخلت مكتب تامر وهو كان ماسك الاشعه وقاعد
فرح : في ايه يا تامر جبتني بسرعه ليه
تامر : فرح اللي هقوله الوقتي ..لازم تتماسكي
فرح : في ايه يابني خوفتني
تامر بيبلع ريقه: ف..ر..ح
فرح بنفاذ صبر: ما تتكلم يا بني ادم وترتني
تامر: انتي دخلتي في المرحله الاخيره من المرض ... قال الخبر وحط وشه في الارض
فرح بصدمه :ازاي.. انت قولت ليا قدامي من ست شهور لسنه ايه اللي حصل
تامر : الضغط اللي بتتعرضي ليه وكمان انتي كنتي في المرحله قبل الاخيره والورم بدإ ينتشر في الدماغ ... فرح ارجوكي لازم تدخلي العمليات باسرع وقت
فرح بالم :قدامي اد ايه وافضل عايشه يا تامر
تامر ساكت ودموعه نزلت لانه بيعتبر فرح مش مريضه دي اخته
فرح بغضب :قدااااامي اد ايه يا تامر
تامر بحزن : قدامك.........
......
نكمل الفصل الجاي