جروح القلب 💔

13

جه وقت خروج فرح ومحمود وبيعملوا خطه علشان مش يتكشفوا لانهم عارفين لو معاذ عرف اللي بيخططوا ليه هيموتوا علي ايده
فرح : شوف الاول مطلع بعربيتي عادي ونروح المول ..وبعدين من الباب الوراني نخرج هيكون عربيتي التانيه موجوده
محمود : طب ليه اللفه الطويله دي
فرح : افرض كان معاذ حاطط حد يرقبنا يا ذكي
محمود : تصدقي مش بعيد يعملها ....ربنا يستر لو عرف اللي هنعمله النهارده دي فيها موتنا
فرح : اجمد ياض في ايه احنا مش بنخاف
محمود : يعني انتي الوقتي مش خايفه
فرح برعب : اقسم بالله مرعوبه ....بس مي انت اللي عايز تروح اعمل ايه بقي
محمود : اه عايز اروح بس في نفس الوقت خايف من ابو لهب وابو جهل دولت مش بيتفاهموا
فرح : انت بدل ما طمني بترعبني ليه حررام عليك
محمود : خليها بقي لظروفها...المهم هتلبسي ايه
فرح : هشوف لسه بس اكيد اسود وبنطلون
محمود : تمام....ربنا يستر ومنمتش في المستشفي
فرح : صحيح تامر كلمني وعايزني اروح ليه بكرا ...انا خايفه يا محمود
محمود: متخافيش انا معاكي يا حبيبتي ...المهم انتي تكوني قويه ...وارجوكي فكري انا مش عايز اخسرك
فرح : ان شاء الله ...قوم بقي اجهز لان نص ساعه وهنمشي
محمود : اشطا ...باي
فرح : باي ....وسرحت في الجاي في نفسها : ياتري اللي جاي هيكون ايه ...ياااارب خليك واقف جمبي لان خلاص تعبت ....
وقامت لبست ومحمود كان بيلبس وخلصوا ونزلوا لقوا الشباب لابس وكانهم خارجين .....
فرح كانت لابسه بنطلون اسود ضيق وفوقه بلوزه واصله لنص بطنها وكات وفوقها جاكت جينز مفتوح ...ومحمود لابس بنطلون جينز وفوقه قميص ابيض وكوتشي ابيض
معاذ بهدوء: ايه اللي انتي لابساه ده يا فرح
فرح :عادي يا معاذ لبس
معاذ : بس ده مش لبس انك تروحي بيه مول
فرح بتوتر : حبيت اعمل تغيير يا معاذ ...احنا اتاخرنا لازم نمشي
حازم : فرح ...طالما راحه المول انا كمان عايز  اروح ممكن اجي معاكي
فرح بصتله بصدمه ومحمود وفي نفس الوقت قالوا: لا
مراد بهدوء: ليه لاء ما كلنا نروح معاكوا المول اهو نشتري حاجات نقصانا
فرح ومحمود بصوا لبعضهم ورجعوا بصوا ليهم
فرح : قولت لا اللي عايز يروح يروح لوحده ...وكمان انا عايزه اكون مع اخويا حرررام ...يلا يا محمود اتاخرنا
فرح خرجت هي ومحمود وركبت العربيه ومشيوا ومعاذ وطارق ومراد واحمد واسر راحوا وراهم كل اتنين بعربيه
فرح بتبص من مرايه العربيه : مش قولت ليك
محمود بعدم فهم :ايه
فرح : بص من المرايه كدا
محمود بص لقي كل العيله وراهم : هتعملي ايه الوقتي
فرح : ولا اي حاجه ...زي ما مخططين ..استعنا علي الشقا بالله ...وقفوا قدام المول ونزلوا والشباب فضلوا مستنين في العربيات لغايه لما يخرجوا ...في الوقت ده كانت فرح ومحمود خرجوا من الباب الوراني وكانت العربيه موجوده (صورتها هتكون في اخر البارت)
محمود بانبهار: يخربيتك ...ايه العربيه الجامده دي ...
فرح بابتسامه :عجبتك
محمد : دي تحفه ...فرح والنبي عايزه اسوقها
فرح : واحنا راجعين ....يلا بينا لان كلهم بيتصلوا
محمود : يلا
ومشيوا وميعرفوش ان مراد واسر واحمد وراهم لان معاذ كان عارف انهم ممكن يعملوا كدا فا معاذ وطارق وقفوا قدام المول ومراد واسر واحمد ورا المول من الباب الخلفي
مراد اتصل علي معاذ : معاذ كان معاك حق دولت ركبوا عربيه جديده واتحركوا بيها ...ماشي انا وراهم اهو
اسر : ايه العربيه الجامده دي ...دا انا معرف اشتريها
احمد : دولت من ١٠عربيات علي مستوي العالم اسعارهم خياليه ....بس ازاي فرح قدرت تشتريها
مراد : انت ناسي اختك مين يا احمد ...فرح الثروه بتاعتها اغني مني ذات شخصيا
احمد :والله معاك حق ...بس تعرف كل اللي هي فيه من غني بس مش مبسوطه ...منتاش شايف كل يوم عربيه وبضيع فلوسها علي ايه
مراد : ايوا معاك حق ...وكمل بغموض::بس خلاص هانت كل حاجه هترجع لاصلها
وفضلوا وراها وهي مش حاسه لانها متعرفش عربيه مراد لانه جاي مش بعربيته بتاعت الشركه لا جاي بعربيته الخاصه وفضلوا وراها ولحقهم معاذ وطارق ...