رحل حزني حين عرفتك

البارت الثاني عشر

كام محمد يريد يطلع الهيل وانه اريد اوخر ضليت انه اجي منا وهوة يجي منا من كد ما مرتبكه كمت ما اعرف منين اتجه اخر شي محمد كضني من جتفي وكال
محمد : بس ثبتي شبيج مرتبكه

لأستن نفك باب المطبخ وانه كلبي طاح

ملاك :ديلا نور وين صار جاي

نور :يي هسه راح اخلص

كل هاذ ومحمد ايدة بعدهي ع جتفي لحد ما ملاك صفنت ع ايده وهوة حس ووخر ايدة بس ابد ما وضح شي بس طلع الهيل وكلي هاذ الهيل ونوب طلع من المطبخ اجت ملاك تركض وكفت بصفي

ملاك: ولج شنو هاذ الي شفته انه

نور :ووجع شبيج بس هوة راد يطلعلي لهيل واجه كبالي
رتبكت ضليت انه اجي منا وهوة يجي منا وكضني من جتفي وثبتني

ملاك : العبببب بويه شون موقف بس حمديي ربج انه اجيت مو احد غيري

نور : ايي والله هوة انه من سمعت احد فتح لباب احس كلبي طاح

ملاك: بس شبيج هيج مرتبكه من كاعدين ناكل

نور : ياا صدك واضح علي عود انه كلت ابين عاديه

ملاك: لا والله كلش عاديه مبينه
اكول خلصي جاي وجيبي ما بقه شي ع الاذان

خلصت جاي ووديته وكعدنه نشرب جاي وكملنه سحور

محمد : بوياي شنو من جاي هاذ يخبل بعد كله انتي سوينه بلعزايم

نور : نشالله

ملاك : خلصنه سحور ونور واخوانهة صعدو وانه رحت قريت قرأن وعمي ومرت عمي كعدو شربو ماي ويقرون قرأن هم اذن وصلينه ونمنه

كعدت وانه طايرة من لفرحه اخيرآ راح اروح لبيت جدي رحت قبل الاذان بساعه كعدت حضرت لملابس الي اخذهم والي البسهم هسه وخذاني عمي ورحنه لبيت جدي وصله
نزلت وانه فرحانه حيل بس من شفت بيت جدي احس شي نفطر بداخلي

شمالني ما اجيت ويا اهلي بذاك اليوم جان هسه انه مرتاحه وياهم

طبيت لبيت جدي سمعت صوت خالاتي وسوالفهن فرحتيي ما تنوصف طبين ركض صحت انه اجيتتت كل خالاتي كامن بسرعه وهاي لتشبكني وهاي الي تبوسني ما تحملت ضليت ابجي لان اول مرة نلتقي من ورا وفات اهلي بجيت من كل كلبي وكل خالاتي يبجن وحته بيبيتي خطيه
وشوي ودخل خالي وضل يسولف ويضحك وهوة حشاش بس راد يغير جو نوب اذن

سبع خالات عشت بينهن اربع ايام جني عشت بحلم نسهر لصبح نكعد نسولف انام بيناتهن اريد اشبع من ريحتهن تمنيت هل ايام ما تخلص ع كد ما تونست بيهة اول مرة اطلع من وفات اهلي رجعنه اللمتنه بس كلحنه مكسورين وفاقدين صح نضحك كلحنه بس ضحكتنه بيهة غصه بلبلعوم امي مكانهة حيلل فارغ اشوفهة بين خالاتي احس موجودة بيناتنه