ساعه ب 09:00 الصبح
جاي نتريك وندك لباب وكام عمي فتح لباب شوي وسمعنه صوت عمي صرخ
:ولكك محمدددد بويههه
كلحنه طلعنه نركض لحضات الي ركضنه بيهة من الهول لباب الشارع جانت لحضات بس بكلبي سنين ميت فكرة وفكرة اجت بالي من غير دعائي الي ادعي يارب محمد مابي شي
وصلنه للباب وشفنه عمي شابك محمد وثنينهم يبجون وكلحنه رحنه ع محمد لتمينه وعماتي يهلهلآ ومرت عمي تبجي وشابكه محمد جان الكل فرحان ودموع الفرح ما وكفآ عمتي دزت ع جكليت وضلت تطش جكليت وكل الجهال طفر وتاخذ جكليت وفرحانين عمي ذبح وسوا عزيمه وحته جيران عزمهم ولبيت نكلب من حزن لفرح عوضنه هل يوم بالاسبوع الفات الي ما شفنه ولا يوم حلو لان محمد نخطف جان محمد ضعفان ولحيته طولانه وسمران
دخل سبح ورتاح وراح يم الناس ولعزيمه صارت شكبرها نكسر ضهرنه اكثر شي تعبنه بلعزيمه انه ونور وسارة احس طاح حضنه بنات عماتي بس كاعدات وحته عماتي ولا كامن كله كاعدات يسولفن خلصت لعزيمه وعماتي بعدهن هنا مستغربه صار الهن سبوع هنا من خطفو محمد لليوم ولبيت ما هدء خطار طابه طالعه صار لعصر ولبيت شوي هدء الخطار راحو ما عدة عماتي بعدهن هنا جتمعنه كلحنه بلهول عماتي وعمامي وولدهم وكعد محمد يسولف شون خطفو
محمد:جنت ساعه ب ٩ بليل توني حال من الشغل ووكفت كبالي سيارة لاستن نزلو منهة مسلحين خذوني وصعدوني بسيارة وجان لشارع مملي ناس بس محد يكدر يحجي لو يساعدني
مشت سيارة بينه هواي
لحد ما نزلوني ويسحلون بيه سحل وانه اصرخ عليهم لحد ما طكوني ع راسي وفقدت الوعي
ورا مدري شكد فزيت لكيت روحي مربط بغرفه صغيرا كلش وحارة تفور جنت اكعد وارجع انام لحد ورا مدة نفتح الباب طبو ٣ نفرات
ثنين كاضين سلاح وواحد ماشايل سلاح وجانو ملثمين كعد الي ما شايل سلاح يحجي وياي ويكلي كلشي اعرف عنك شسمك ووين عايش وشكد عمرك وويامن عايش كلشي اعرف عنك دير بالك تجذب بشي كعد يسئلني وانه اجاوب واذا ما اجاوب يضلون يرفسون بيه كالو انو راح يدكون عليكم الصبح لان همه جانو الفجر يمي كاعدين طلعو وضلو بس يجيبولي اكل واحد يجيبه ويطلع دوم اسئله ويجاوبني بكلمتين يكول
:تطلع لا تخاف
ونوب يطلع ويسد الباب لحد ورا ساعات يلا يفتحون لباب ينطوني اكل وماي ويطلعون لحد ما بيوم اجه نفسه الي حجه وياي اول يوم كعد كبالي وكال
:واضح اهلك متمكنين وعدهم فلوس هواي لدرجه بسرعه دبرو الفلوس وحته يمكن ما داينو مادام هيج دبرو بسرعه راح اطلب اكثر شتكول انته شكد اطلب علمود ارجعك الهم
محمد:لا تطلب ولا ربع اكتلني ولا تاخذ فلوس منهم ترا شي اكيد ابوي داين لا تحجي من كيفك
:يي واضح لدرجه بساعات قليله دبرو مبلغ كامل عمومآ انه غيرت رأيي واريد فلوس اكثر وبعد هلشي راجع الاهلك اذا ما نطوني بعد انته تشاهد ع روحك
طلع هوة وجماعته وعافوني
لحد ما مبيوم اجو هواي جماعه سدو عيني وربطوني ومشوني وهمه كاضيني نوب صعدوني بسيارة ومشينه هوايي بسيارة لحد ما وكفت سيارة فتحو عيني وايدي وذبوني من السيارة ولاستن السيارة راحت بسرعه وانه اجرت تكسي جابني هنا للبيت
وبس والله هاذ الي صار
أنت تقرأ
رحل حزني حين عرفتك
Misterio / Suspensoامرأه ظلمها القدر مِـن صغرها تيتمت وعانت من قسوة الايام وقسوة زوجة عمها ليرزقها الله شخصاً يعوضها عن كل هذه الاحداث..
