جاي اغسل ماعين وسارحه بذكرياتي دخل عمو
..الله يساعدك عمو
..هلا عمو ملوكه
.. عمو ممكن طلب
.. عيوني الج كولي
..عمو اريد اروح لبيتنه
..غاليه وطلب رخيص بس عمو مو ذاك سبوع رحنه لبيتكم
..عمو عفيه والله اشتاقلهم هواي ومشتاقه ريحتهم
..نشالله عمو خل اصلي ونتعشه ونروح
..عمو بس انه اريد اروح بحدي يعني قصدي توصلني واريد اضل بلبيت يعني عمو مو عن شي بس اريد براحتي افتر بلبيت برتحتي ما اريد احد يمي حته لو بس نص ساعه
..خوش روحي صلي وخل نتعشه ونوب نروح
..صليت وصبينه عشه وكعدنه ناكل
.. لحمدالله يارب زد وبارك.
يلا بابا ملاك كومي بدلي هم يالله اوديج
مرت عمي.. ها وين نشالله
..ملاك تريد تروح البيت اهلهة
.. شكو رايحه مو ذاك سبوع راحت شنو شبع هوة نوب هم ياريت همه موجودين
..رحت ابدل وعفت عمي يتناقش وياها تعودت ع سوالفهة
..بدلت واجت يمي بت عمي سارة كالت ملاك ابوي يكول يلا وطلعت لكيت عمي ينتضرني بسيارة
.. وصلنه للمنطقه ورجع علي شريط الذكريات الي عمرها ما فاركت راسي
عبرت من يم مدرستي ذكرت ايامي هنا شكد جنت مرتاحه ذكرت هل محل جنه نشتري منه انه وصاحباتي وهنا يوكف السايق كلشي اجه ع بالي ولدمعه ما كمت اصيطر عليهة
وصلنه ليم بيتنه شفت جيرانه وشفت صحبان اخواني واكفين كلبي كام يوجعني لان اخواني ما واكفين وياهم
وكفت السيارة يم بيتنه باوعت البيتنه سحبت حسرة جبيراا كلش ختنكت نزلت انه وعمي عمي طببني للبيت وكلي راح اغفل لباب من برا كتله بعد احسن عافني وراح بوسط ذكراتي
... اسمي ملاك مواليد ١٩٩٠ عمري حاليآ ١٥ سنه واحنه حاليآ بسنه ٢٠٠٥ بدت معاناتي بهل سنه يوم ١/١١/٢٠٠٥ جان بدايه سنه ٢٠٠٥ بايام البرد عدي اخوان ثنين مثنى مزوج وعدة ثنين اطفال مصطفى وكرار ومزوج مرته نبا حبابه
واخوي الثاني اسمه صادق احله ما خلق ربي جان اخوي وصديقي وشريجتي بنفس الوقت جنه كلش صحبان بس نتعارك هواي رويسيه ساعه نتعارك من الروس وساعه كاعدين نتناقش جنه كاعدين بلبرلمان
علاقتي حيل قويه بابوي لان جان قدوتي وتفكيرا حيل يشبه تفكيري وانه طلعت علي بكلشي اله الهدوء جنت انه مو هادئه وحركه هوة عكسي وجنت اربعه وعشرين ساعه من جنت صغيرا كله جنت اطلع ويا حته اصدقائه كلهم اعرفهم
امي الي شما احجي عليهة ما اكفي واوفي جانت عائلتي احسن عائله بدنيه بس الله ما كتبلي اطول وياهم فتركنه بسرعه
أنت تقرأ
رحل حزني حين عرفتك
Gizem / Gerilimامرأه ظلمها القدر مِـن صغرها تيتمت وعانت من قسوة الايام وقسوة زوجة عمها ليرزقها الله شخصاً يعوضها عن كل هذه الاحداث..
