احمد : حسابج بعدين
ملاك : ووجع شبيك
احمد : وجع وجعج امشي لا ادوس بطنج
ملاك : كضيت بايد نور ورحنه لتقينه وي عمامي وولدهم لان كاعدين شوي مو يمنه عمي كال امشو نروح للامام العباس رحنه للامام العباس وزرنه وصلينه وكعدنه ساعه ونص بي ونوب طلعنه الزلم راحو بحد واحنه لنسوان رحنه بحد نفتر رحنه للسوك شتريت ملابس ورحنه اكلنه ورجعنه للفندق ضلينه يومين بكربلا ليوم ثالث رحنه للنجف اول شي نزلنه للمكبرة رحنه الاهلي
نسيت همومي ونسيت تعبي وكلشي رحت اركض الكبرهم وانه اصيح ولجج يمههه وينج تلكيني يمه
كعدو بابا ماما كوموو تلكو بتكم اجت الكم لا تخلوني احجي وي روحي كومو اخذوني يمكم ليش خليتوني بحدي
ما اكدر احجي واشكيلهم شي لان كل بيت عمامي واكفين حوالي كعدت احجي بكلبي بس دموعي تصب
طول عمركم ما اذيتوني ولا خليتوني بعوز ولا ضوجتوني ليش هسه خليتوني اعاني من كلشي فرد مرة ليش رحتو كلكم وخليتوني بحدي احارب لدنيا هم زغيرا وهم يتيمه وهم ما عندي سند
جذب الكه سند مثلكم لا عم ولا ابن عم ولا خال يوكف وياي ويصير سندي محد مثلكم والله بعدني ما شبعت من ريحتكم ورحتو بسع والله بعدني زغيرا ويتمتوني وخليتوني بين لذيابه
بابا اشكيلك من احمد والله موتني
بابا والله احس كلبي يتكطع من يتقرب مني
بابا لا تخليني بحدي انته اقرب مني لرب لعالمين ادعيلي اضل بامان
ولج يمه والله ما يوم نمت مرتاحه والله يوميه كلبي ينزف كلشي بكوم وفقدانكم بكوم ثاني
ولك صادق ولا مرة نمت وانه ما باجيه يوميه اذكرك واذكر سوالفك ودموعي ما يسكتن
ولك مثنى هيج تقبلهة اضل بحدي وفلان وعلان يحجي وعوف كلشي ولك احمد يتحرش بيه بس كلولي المن اكول منو يصدكني والله ما اكدر احجي
فقدت فد مرة ضليت اصرخ من كل كلبي واصيح ولكم اخذوني يمكم والله تعبت ما اريد اضل هنا موتوني وياكم شمالني ما رحت وياكم بذاك ليوم شمالني ضليت جان هسه كلحنه رتاحينه ضليت اخذ تراب واشم بي واخلي ع راسي فقدت فد مرة
عمي حامد مدري شعجب كضاني وكال
عمي حامد : بابا صلي على محمد شنو بس انتي رايحلج عزيز
ملاك : لا تكلي بابا محد ابوي بس رضا ابوي بس هاذ النايم كبالكم ابوي بس هاذ محد ابوي غيرا
عمي عابد : كومي عمو كومي كلحنه ع هاذ درب شوفي دنيا شون تخلص بسرعه تاليتنه حوة لتراب عيشي حياتج
ملاك :اخخ يا عموو لو بيدي ولكمم اخخ لو بيدي اعيش حياتي
مرت عمي حامد : يلا امي صلي على محمد وكومي خلي نروح للأمام وهناك ذبي حملج
كمنه ورحنه للامام علي (عليه السلام)
وكعدنه زرنه وذبيت كل حملي هناك وكعدت اقرا قرأن خلصت وكعدت اباوع للأمام ودموعي يصبآ
أنت تقرأ
رحل حزني حين عرفتك
Mystery / Thrillerامرأه ظلمها القدر مِـن صغرها تيتمت وعانت من قسوة الايام وقسوة زوجة عمها ليرزقها الله شخصاً يعوضها عن كل هذه الاحداث..
