رحل حزني حين عرفتك

البارت الثامن

ردت احجي ع لحضه لاستن هوة سبقني وكال
:ملاك طفر عليهة دهن وصرخت.
ضليت فاكه حلكي ع جذب مالته ونوب وجهة ولا جنه  مسوي شي
مرت عمي عوجت حلكهة  وكالت
:اويي عيني شدعوة كل هاذ ونتي محتركه بدهن بس

.طلعت من المطبخ رحت للغرفه كعدت ابجي صاحو علي علمود نتعشه كتلهم ما اريد شبعانه كعدت ادرس مواد ما ماخذيهن بعدنه بس علمود الهي بيهن طلعت لكيتهم توهم مخلصين عشه كعدت اغسل ماعين اريد اسوي اي شي بس  كون التهي
ردت اروح يم نور بت عمي بس ما اريد  اصعد فوك علمود لا اشوف عمي حامد شوي وشفت نور بت عمي نازله وبيدهة كيكه كالت .
نور:سويت كيكه ونتي كله ع بالي كلت خاف اكل من لكيكه واغص لان ما نطيتج
.ضحكت وكتلهة
: شي اكيد سم ومرض يارب اذاسويتي شي وما نطيتيني

ردنه نكعد بلغرفه بس لغرفه خنكه اصلآ مليت من كعدة الغرفه  رحنه للهول جانو عمي واحمد ومرت عمي كاعدين ع الاخبار وصاير موضوع حاد علمود السياسه يعني ما نكدر نكعد وناخذ راحتنه.  كلت للبنات
:اكلكم امشو  نكعد بطارمه شو الجو زين
رحنه كعدنه ب الطارمه طارمت بيت عمي جبيرا كعدنه ناكل
نور بت عمي صعدت تجيب كرزات وسارة راحت تجيب عصير اجيبه  راحن كلهن بقيت بحدي بلطارمه سمعت صوت صوت محمد ابن عمي بلباب بس جان يحجي وي ولد
جان ينفك باب الشارع ويدخل ولد غريب صارت عيني بعينه خطيه لاستن الولد دنك وطلع وانه  ركضت دخلت جوة جنت لابسه شحاطه عمي وشكبرها  وجان انه وشحاطه ع وجهي نطيح بحيث الشحاطه طارت وطاحت ع راسي لاستن كمت وعفت شحاطه والاكل وطبيت جوى تلكتني نور كالت ها ولج المن دخلتي سولفت الهة وماتت من ضحك ونوب ضل بالنه يم الكيكه حته بعدنه ما كلينه منهة شي  راحت سارة جابت لكيكه واجت رجعنه ع الغرفه كعدنه لو ضالين ب الغرفه احسللنه وكلساع نذكر الموقف ونموت من الضحك حسيت اول مرة اضحك من كلبي من اهد وفات اهلي اكلنه وخلصنه صعدت نور البيتهم وسارة راحت كعدت يم امها بلغرفه ذكرت انه ما مصليه ابمغرب كعدت اصلي سمعت باب الغرفه نفتح سمعت صوته الي اموت منه كال
:ايي يلشريف صلي الله ما راح يتقبل منج ترا لان كلج ادب سزز وتبيعين ثكل براسنه وانتي اكبر صكط.

.طلع وسد الباب دموعي نزلآ خلصت صلا وكعدت ع المصلايه ابجي
:الهي وانته جاهي دخيل اسمك نجيني من احمد والله تعبت انه كوة متحمله فراك اهلي نوب يجي احمد علي هيج يسوي بيه ربي انه يتيمه وما شابعه من اهلي وكلهم راحو بيوم واحد اريد كون تساعدني واخلص من عمي حامد واحمد ومرت عمي ربي والله تعبت بعد احمد مني
وكعدت ابجي من كل كلبي قريت قرأن وهديته الاهلي ورحت تلفلفت بلفراش وغفيت فزيت من صوت الاذان لان جانت الغرفه بيهة شباك يم راسي وصوت الاذان قوي رحت صليت ورجعت غفيت كعدت للمدرسه بدلت ورحت لكيت رند والبنات كاعدات ب الصف سلمت عليهن وكعدت كلهن اجن يمي وسوالف وضحك حسيت روحي مندمجه وياهن اسولف كلش رتاحيتلهن وهنه من نوع فطيرات ع كلشي يضحكن وشاطرات هم مر اليوم  عادي ووزعولنه اوراق هم وانه جنت الاوله ع الصف طلعنه بشارع تمشينه سوا الي عجبني بيهن بشارع ابدد ما يعلن صوتهن وحته اذا رادن يحجن يتهامسآ وعينهن ما يرفعنهة وحدة من البنات كالت بما انو ليوم كلحنه وزعولنه الاوراق ناجحات خلي اعزمكم ع لفات
انه رفضت كتلهة لا لا ما اريد اريد ارجع للبيت كالت
: لا عفيه نطيج ياها سفري
: كتلهة لا اسفه ما اكدر
وحدة من البنات كالت لا اني اريد ايسكريم ضحكنه عليهة رند كالت اوي عيني ام ايسكريم  ما يلوك ترا
لمهم رحنه شترينه ع كولتهة ايسكريم كلمن وحدة وتطشرنه كلمن راح لبيته قبل لا اوصل للبيت بشوي شفت محمد ابن عمي بسيارة وويا ولد نفس الولد الي ذيج المرا شفته متت من المستحه لان شافني بدون حجاب رحت امشي صاح محمد
ملاك تعاي
درت وجهي كتله
: ها  محمد
:تعاي صعدي وياي بسيارة خل نوصلج لان الفرع مالتنه بي زلم صعدت بسيارة سلمت وردو السلام محمد ابن عمي كال
:هاي ملاك بت عمي رضا
الولد كله اخت صادق مو
:يي اخت صادق
مشت بينه سيارة وصدك فرعنه جان بي زلم ليش ما ادري من وصلنه يم بيتنه نزلت ونزل وياي محمد من وصلت يم بابنه محمد دنك يشد بحذائه لاستن درت وجهي باوعت للسيارة لكيت الولد يباوعلي ولاستن خزرني وانه اشردد فتحت الباب وركضت ليجوة
حجيت بكلبي كبر شبيك تخزر قابل انه الي مباوعتلك شو انته باوعتلي غميت روحي لان باوعتله
محمد بس طببني للبيت واخذ ملفات وطلع تغديت ورحت غفيت شوي للعصر يلا كعدت كعدت سبحت  اذن وصليت
ومر ليوم عادي بس شوفه احمد تكرهني بحياتي
مرت ايام وراحت ايام اجت الامتحانات وذبيت حملي بدراسه وجاوبت بلمتحانات علاقتي وي رند ولبنات قوت وصرنه كله نمشي سوا بس ولا مرة حجيت الهم عن الي يصيرلي بيت عمي خلصنه متحانات نهايه السنه وعطلنه وكلش ضجت لان لمدرسه جانت ملهيتني
وبديت بكعدة البيت الممله الوضع بلعراق يوميه جاي يسؤء اكثر يوميه نسمع فلان مات فلان شرد وهيج شغلات اجانه خبر قتل واحد جيرانه جان صديق مثنى جنت اعرفه عدهم محل ذكرت من اروح للمحل شون معملته حلوة ومؤدب  كلش نقهرت علي وبجيت مات بسبب سالفه الطائفيه وذكرت اخواني كل ما اذكر اخواني عبالك توهم ميتين ابجي من كل كلبي عليهم ابدد ولا مرة صار شي وما ذكرني باهلي شتاقيت البيتنه شتاقيت الاهلي شتاقيت  الكلشي يخص اهلي.
مرت الايام ووزعولي كارتات ودرجاتي كلشش زيناات فرحت حيلل لمن شفت هيج درجاتي تمنيت اهلي يمي ويفرحون وياي شي اكيدا اذا بابا جان موجود وهسه هيج جبت درجات جان هسه طار من الفرحه وينطيني فلوس لو هديه هنا بيت عمي حته محد سئل ومن كلت السارة كالت مبروك مرت عمي من سمعتني عوجت حلكهة وكالت ايي مبارك لحض مال دراسه بس الج
اشرتلي سارة اسكت
سكتت ما حجيت شي
ثاني يوم جاي نتغدة وكلت العمي انو انه ناجحه عمي كال علخير بابا نشالله يوم نشوفج خريجة وترفعين راس ابوج حته وهوة ميت كام مد ايدة بجيبه وطلع عشر الاف ونطاني ياها مجرد كلي علخير وهيج حجي متتت من الفرحه مو علمود لفلوس لا بس علمود الكلمه الحلوة  الي تطلع منهم عمي كلش فرحني كمت بسته من راسه خلصنه اكل ومرت عمي بس تخوزر بيه   اجه محمد مدري منين سمع انه ناجحه نطاني هديه فرحتي بهل يوم ما تنوصف جابلي كلادة مكتوب بيهة اسمي بليل لكيت نور مسويتلي كيكه كالت امشو نروح نكعد بلطارمه كتله
:لا كفينه لشر نوب لا يدخل علينه ولد مثل ذيج المرا ويسوي طشارنه ماله والي  كعدنه بلغرفه وفتحنه شبابيك ونسولف ونضحك  صعدت نور وصار دنيه ليل حطيت راسي وانه افكر باهلي وبنتيجه وشكد فرحت اليوم
بس فرحتي ماا تمت كعدت ع خبرر سيء هزز البيت

يتبع