طبينه سنه ٢٠٠٦ بليله دوران سنه صعدنه انه وسارة ونور للسطح وصارت ساعه ب ١٢ وطبينه بسنه جديدة عسه ولعلى تصير احله من الي قبلهة
جانت السمه ملونه بلالعاب الناريه وجان شعب لعراقي فرحان ويهوس بشوارع عبالك حتجي سنه تغير العراق
الي يعجبني بينه بعراقيين رغم كلشي احنه نتحدة الدنيا وكل مصيبه تجي للعراق اقوة من الثانيه ونطيح ونرجع نوكف ع رجلينه ونضحك
مرت ايام سنه ٢٠٠٦ وانه صرت ثالث وذبيت حملي بدراسه اكثر
تونست حيل من اجت لمدرسه
رند طلعو من لعراق واكو بنيه شالت من لمنطقه ونتقلت لغير مدرسه واكو بنيه بطلت بقينه انه ووحدة اسمهة منى ولعلاقه مو قويه بيني وبينهة ف شافت شله بنات راحت تمشي وياهن وانه رجعت بحدي وما حبيت اختلط وي احد بعد جنت اكضي يومي يا دراسه يا بلمدرسه
صار يوم ١/١١ يوم دوران سنه اهلي ليوم قبط سنه كامله ع اتعس سنه بحياتي قبط سنه وانه ما شايفه ابوي ولا شابكه امي ولا معاركه وي صادق ولا معاندة صادق قبط سنه كامله ع معاناتي وي دنيتي
بيت عمي سوو ثواب واجو كل عماتي
عمي عابد عندة بنات ثنين مزوجات خوله وفاطمه بس محافضات بلشمال حته من نخطف محمد ما اجن اجن من ماتو اهلي بس وهم بدوران سنه اهلي اجن ثنينهن ويارايتهن ما اجن وهم اجن خالاتي وبيبيتي
يوم دوران سنه اهلي لتمت الناس عدنه وسوينه ثواب عشه وعماتي جايبات ملايه لان دورة السنه جنت اشتغل بلمطبخ وهوسه وماعين وسمعت الملايه قرت بس جابتهة ع الجرح رحت ركضت طلعت من المطبخ وطبيت للدوانيه كعدت ابجي من كل كلبي ما حسيت اله وانه املش بروحي والطم ع وجهي خالاتي هم خطيه كتلن روحهن وشافني ردت اموت كلش وسكتن وكعدن يهدن بيه شوي واجت فاطمه
فاطمه : عيني تعاي ويانه بلمطبخ نكسرت ضهورتنه ونتي كاعدة هنا يم خالاتج
خالتي :ما جاي شوفيهة مكسور ضهرها ع اهلهة ومابيهة تكوم ترتاح وتكوم تعاونكم
فاطمه عوجت علحكه وكالت:
ايي عيني اجن خالاتهة وين نكدر نحجي واكفات محامي عليهة
خالتي رادت تحجي كضيت ايدهة وكتلهة مو وكته خاله هسه راح اكوم
ملاك : فاطمه بلا حجي زايد هسه راح اكوم
فاطمه : ولج انه تكليلي بلا حجي زايد اكول نجبي وتأدبي
ملاك : هاي شبيج وشحجيت هسه انه
فاطمه : ما حجيتي ويلا علمطبخ
ملاك : ها هيج صار الحجي جا والله ولا اكوم دورة سنه اهلي وانه اكرف بلمطبخ روحي بنات عماتج تارسات الهول روحي صيحيلهن انه خالاتي هنا
فاطمه : وسم حته سم لسانج شطوله بعدج بطول زري وتلعلعين خوش نشوف منو الي ما تكوم
راحت فاطمه ووجهة ما يبشر خير شوي و وخوله صاحت علي خذتني للغرفه عساس تسئل وين المصلايات
شوي وكفتني ونوب كالت هاا ا اي ذن لكيتهن يلا رجعي يم نسوان عيب
رجعت كعدت يم خالاتي
جابو جاي ووزعو وشربن النسوان وضلآ يحجن يا عيع شنو هل جاي مالح شسالفه ما تعرفن تحطن شكر شمالجن ثولات حاطات ملح
اجت فاطمه
أنت تقرأ
رحل حزني حين عرفتك
Mystery / Thrillerامرأه ظلمها القدر مِـن صغرها تيتمت وعانت من قسوة الايام وقسوة زوجة عمها ليرزقها الله شخصاً يعوضها عن كل هذه الاحداث..
