حطيت راسي وانه افكر باهلي وبنتيجه وشكد فرحت اليوم
بس فرحتي ماا تمت فزيت ع خبرر هزز البيت وغيررنه كلحنه
فزينه انه وسارة مخروعين ع صوت مرت عمي وهيه صرخ وتكولل
:يمهه ابنييي راح منييييي
عمي واحمد واكفين يمهة وشكلهم ما يتوصف وعمي دموعه يصبآ بسكوت وشكله يكسر الخاطر بيت عمي حامد كلهم نزلو يركضون وبلحضه البيت نمله عماتي اجن وكرايب مرت عمي اجو وجيران هم وكل هاذ وانه مثل الاطرش بزفه كلشي ما مفتهمه شصاير شوي وسمعت عمتي سولف الي فهمته
:محمد خاطفينه امس بليل وليوم دكو ع عمي وطالبين مبلغ جبير وعمي متخبل ويكول ماعدنه مانع انو ندفع شكد ما يردون بس الي مخوفنه خاف يكتلون محمد حته لو ننطيهم فلوس.
البيت بيوم وليله نكلب كله لحزن دموعي ما يوكفآ يصبن
ما مستعدة اخسر اخو ثالث جان اطيب شخص بهل بيت ما ضوجني
من صدك حسيت معزته من معزة مثنى وصادق من سمعت هوة مخطوف وخاف يكتلو عبالك نعاد علي موت اخواني بجيت لمن مليت
حته وحدة من عماتي
كالت يمه شدعوة هيج تبجين خاف لكلب هاوي ويبجي ع حبيبه. باوعتلهة وكتلهة
:عمه شهل حجي محمد احسبه واحد من اخواني معزته من معزة مثنى وصادق يعني اذا ابجي علي
اله الكلب هاويي؟
عمتي:علكيفج يمه كليتيني وشربتيني ترا جنت اشاقه وياج شدعوة عليج
:لا عمه ما قصدي شي بس جاي افهمج.
عمتي باوعتلي ودارت وجهة
البيت هواي اجو خطار يعني الي محيرني هوة مخطوف مو معرس وكلهة تجي خو الجيران اجن وكعدن طكنهة سوالف عبالك عدنه حفله وبنات عماتي كعدن يسولفن ويضحكن عبالك اجت الهن فرصه يتشاوفن سارة حالتهة كلش مو زينه كلساع تتخربط ومرت عمي هم كمت كلساع اودي ماي لو دوا رجولت عماتي وعمي عابد واحمد وعمي حامد وولدة كلهة مجمعين بلدوانيه ما ادري شيسوون بس كلساع وتكب الصياح والهوسه والي عرفت
جمعو مبلغ وتفقو وي الناس الي خطفو محمد عساس ينطوهم فلوس بمكان تفقو باجر ينطوهم لفلوس
هاي كله ولبيت ما فرغ عماتي باتن عدنه فرشت الهن نص بلغرفه ونص بغرفه محمد لان احمد ما ينام بيهة كام ينام ب الهول علمود عماتي ينامن بلغرفه لان الغرفه ما تكفي الي ننام بيهة انه وسارة وعماتي هواي ٦ عمات
ردت انام ابدد عييني ما اجت بيهة النوم ضليت اتكلب احساسي عبالك خاطفين مثنى لو صادق كلبي محترك عله محمد فكرت هواييي لحد ما غفيت فزيت ع صوت حجي عالي ومرت عمي تبجي ركضت طلعت جانت ساعه ب ٩ صبح شفت مرت عمي تبجي وعماتي واكفات وعمي شكله يكسر باب الكلب
الي فهمته انو الي خاطفين محمد ليوم دكو ويردون مبلغ اكثر وعمي حاير لان ماكو واحد ما داين منه عمي خطيه يدك ع راسه يكول
:كلولي شنو اسوي والله مستعد ابيع روحي بس خل يرجعون محمد
.رجعت للغرفه وبالي مشوف ودموعي ما سكتن كلبيي نقبض كلش رحت توضيت وفرشت سجادتي وصليت ركعتين لرب العالمين في سبيل يرجع محمد كعدت ع المصلايه ابجي وندعي ربي يرجع محمد او نلكه حل للفلوس
مدري شون اجه بالي هلفكرة
ركضت العمي وكتله عمو محتاجتك تعال شوي احجي وياك
اجه رحنه وكفنه بلممر انه وعمي كتله
:عمو حصلت فلوس لو لا
: لا والله عمو حاير محد جاي يقبل ينطي لان بهل وضع محد بقه عندة فلوس وهم الي عدهم داينت منهم
:عمو عدي فكرا بس ياريتت ما تردني
:شنو عمو كولي
:عمو احنه مو عدنه سيارات ثنين بيع وحدة واخذ لفلوس ونطيهة لذول الي يردون فلوس
عمي فتح عيونه وكال
:انتي شتحجين بابا هاي فلوسج وفلوس اخوي شون اروح اخذ سياراتكم وابيعهن علمود اطلع ابني وج هاذ حلالج ما اكدر اخذة
:عمو احسبه دين حالي حال الناس بس اخذ ونطي لذول لحقراء عموو والله محمد اذا راح ما يرجع
:لا عمو سدي سالفه انه مستعد اجدي ولا اخذ من حلالج
لأستن بهاي لحضه دخلت علينه مرت عمي علينه وكالت
:ليش يابه ما تاخذ منهة شو لحلال حلال اخوك يعني حلالك وهيه الي نطتك ما جبرناها عابد ابنيي اذا راح عمري ما اسامحك اخذ لفلوس منهة ما طاير حلالهة وبعدين صار الهة اشهر كاعدة بيتنه تاكل وتشرب ووكفنه وياها بشدتهة هسه بشدتنه ما توكف ويانه شمعنه
عمي:انتي شجاي تحجين سكتي وكعدي ومعليج بهل حجي اموت ولا اخذ من حلال رضا انه مو شوفيني ساكت عليج ترا والله اطلكج هسه سكتي لا اطيج حضج
وكب الصياح مرت عمي صيح وعمي يصيح وعمي جم مرة راد يهد ع مرته وعماتي يكضنه
عمي خذو للدوانيه وشوي هدء صبينه غدة وكعدنه وعبالكم محد اكل لا والله عماتي كعدن ع الاكل ومسحن لصحونه كلهة ورا ما خلصنه غدة كمنه غسلنه لماعين ونضفنه لبيت وكعدنه نشرب جاي ومرت عمي تون شكد حقيرا وما احبهة بس ينكسر خاطري عليهة ومهما يصير هاذ ابنهة جانن عماتي يتهامسآ من كمت سمعت اسمي بلموضوع غلست ورحت صبيت لروحي جاي من رجعت سمعتهن يحجن
أنت تقرأ
رحل حزني حين عرفتك
Misterio / Suspensoامرأه ظلمها القدر مِـن صغرها تيتمت وعانت من قسوة الايام وقسوة زوجة عمها ليرزقها الله شخصاً يعوضها عن كل هذه الاحداث..
