جواهر واكفه باب المطبخ واسمع عمتي وجلال
خرمشت خدي عزه العزاني شنو ذنب هاي المسكينه
طلع جلال وشاف جواهر واكفه
جواهر دخلت على عمتها الشيخه
جواهر .. عمه حرام عليكم شنو تاخذين ابنها تره الله ما يرضها
أم جلال .. ولج جواهر من ليمتها وانتي تتصنتين علينا هاا
جواهر .. عمه خطيه فدوه اروحلج خليه رجعوها لهلها
أم جلال .. جواهر عمه لا تدخلين اني اعرف شغله بعدين اني جنت ناويه انطيجيه الطفل لأن بعد ما وراج خلفه
جواهر.. تحرك كلبها من كالت انطيجيه وزعلت لأن عمتها دائمن اسمعها حجي يجرح ودكلها اذا ما وراج خلفه ازوج ابني بعده صغير
ام جلال.. هاا يجواهر اشوفج سكتي
جواهر .. عمه شلون تطينيه وهيه شلون بيها خطيه
أم جلال.. اذا خلفت وجابت الج الطفل ولا تخافين بعد ما ازوج ابني عليج بس اجيب ولد
وبقت ام جلال تقنع بجواهر لحتى رضت جواهر
نرجع لرسل
رسل من جاوبني من المستشفى واني دايخه وماكدر ارفع راسي
سلوى وهيه تدفع الباب على رسل
سلوى.. ايي عيني المسعده نايمه عوزنه نخدمج موو كومي ولج نضفي البيت
رسل كامت كووه تسحل بروحه سحل وكل شوي تريد توكع مشت وهيه سانده نفسها على الحايط
رسل نزلت تلكتني غصون
غصون .. اني اعتذر منج
رسل.. عادي مو بس انتي ضربتيني انتي مو اول وحده
غصون.. ليش نزلتي ضلي فوك
رسل .. اريد انضف البيت
غصون.. احنه انضفه انتي ارتاحي من صيرين زينه انزلي
سلوى .. اني كتلها انزلي ليش غصون حنيتي عليها
غصون .. سلوى مالج شغل بيها احنه نشتغل بدالها اني ونسرين
سلوى .. خوش يغصون خلي تسمع عمتي تشتغلن بدال الفصليه
ام جلال.. منو يشتغل بدال الفصليه
سلوى .. عمه كلت للفصليه انزلي نضفي البيت غصون ما رضت دكول اني ونسرين انضف بدالها
أم جلال.. صدك هل حجي غصون
غصون.. اي يمه رسل مريضه وبعدهي دايخه خلي بس اصير زينه
ام جلال.. يمه غصون الفصليه مكانها الخدمه بس
جواهر.. اي صدك حجي عمتي
نسرين ورسل وغصون يباوعن مصدومات من حجي جواهر وشون واكفه وراه عمتها
نسرين.. منو يحجي هل حجي انتي جواهر الي الكل يحبج مو قبل شويه انتي جنتي تحجين خطيه ومسكينه
جواهر .. نسرين حبيبتي الفصليه مكانها هاذه بس الخدمه
غصون.. يمه فدوه اروحلج بس خليها هل يومين شوفيها شلون دايخه وجها اصفر من البارحه واليوم ما ماكله شي ما حصلت بس الضرب
ام جلال.. روحي نضفي المطبخ وهيه تأشر على رسل
رسل عفتهن يحجن ودخلت للمطبخ
ونصدمت من المنضر الي شفته الماعين على طول المطبخ ارتجيت على السنكي وكمت اغسل لحد ما خلصت دخت ودياه كامت ترجف رجليه بعد ما يعينني رحت للثلاجه طلعت خياره وخليت عليها ملح اكلتها حسيت استقر ضغطي طلعت بره نضفت الطارمه ورجعت نضفت البيت كله مسح خلصت بقيت محتاره هسه وين اروح ما عندي غرفه جنت كاعده بغرفت البنات هسه البنات دخلن بعد شلون ادخل بقيت كاعده على الدرج طلعت ام جلال
ام جلال.. خلصتي شغلج
رسل .. ايي
ام جلال .. لعد شعدج كاعده اهنا
رسل .. وين اروح ما عندي غرفه
أم جلال.. تعالي وياي
رسل رحت وراها صعدت اخر طابق
الطابق الثالث
فتحت غرفه
ام جلال.. هاي غرفتج نضفيها وكعدي بيها
رسل .. هزيت راسي
اباوع للغرفه العنكبوت ماكلها شفت فاره طلعت ونوب متروسه حشرات كعدت انضف بيها وكل شويه ادوخ اكعد ورجع أكمل شغلي
شنو توقعاتكم لبارت الجاي وشنو الي غير جواهر
وفعلن راح ياخذون ابن رسل ينطونه لجواهر مثل ما كالت أم جلال
الكاتبه رسل
