جلال ..انتي بس الي مسجله بسمي مفهوم
رسل وهيه مبرطمه
رسل .. والله العظيم تعبت من الضرب جاي ادعي ليل نهار اخلص من هل عيشه حتى ارجع لهلي
جلال .. منو كالج ترجعين لاهلج انسيهم انتي صرتي بسمي
حمزه .. هلا جلال
جلال .. شلونك حمزه
حمزه .. بعد كلبي وين انته
جلال .. راح نروح للمحكمه
حمزه .. خوش تانوني
جلال .. يله ثيمالله
حمزه .. الله وياك بعد اخوك
راحو للمحكمه وجان موجود الشيخ مصعب وجلال ومحمد واحمد ورائد وحمزه
هم موجود فيصل ابو رسل ومرتضى وصفاء دخلو سلمو رد السلام بس الشيخ مصعب ورائد
كعدو شويه صعد القاضي واجه محامي بهاء
القاضي.. جيبو المتهم
الشرطي.. حاضر سيدي
جابو بهاء
جلال من شاف بهاء تخبل يريد يكتله هوه ومحمد بس كامشينهم كوه
القاضي.. هدوء هدوء
محامي بهاء .. سيدي موكلي يعترف انو مو هوه الي قتل اكرم مصعب
القاضي.. بهاء فيصل شلون صارت جريمت القتل
بهاء .. سسيدي اني ما كاتل احد والله العظيم
القاضي .. جانت بصمات ايدك على السجينه شلون تعترف موو انته الي قاتل
بهاء.. سيدي طلعنه من الدرسه اني وصديقي عباس ويانه ولد هم عباس جان هوه واكرم متعاركين وتواعدو من يطلعون يروحون للخرابه جنه واكفين بالخرابه اجه اكرم واحده صار حجي بيناتهم اكرم ضرب عباس وعباس سحب السجينه من جيبه وخلاها ابطن اكرم الولد الي جان وياه عباس شرد وعباس كام يطلع السجينه من بطن اكرم ويرجع يدخلها
القاضي.. شلون صارت بصماتك على السجينه
بهاء.. سيد من شرد عباس اجيت اني لاكرم وطلع سجينه من بطنه الله شاهد عليه اذا جذبت بحجايه سيدي والله هاي الحقيقه
الضابط.. سيدي بهاء صار اله بسجن اثمن اشهر وطول العذاب الي شافه جان يعيد نفس الحجي
القاضي .. وين عباس هسه
الضابط .. سيدي دزيت فرقه اجيب عباس بس طلع شارد بس لا تخاف بغضون هذني اليومين اجيبه الك وخلال هل فتره بهاء راح يضل بسجن لأن لازم نتأكد
القاضي .. رفعت الجلسة
طلع الكل بس صفاء جان حاس اخته موو بخير واكف كدام جلال وكال
صفاء.. اذا طلع فعلا هاذ الحجي راح اجي واخذ رسل ومحد راح يكدر يحجي
جلال .. تحلم رسل صارت مرتي تحلم تشوفها
صفاء.. منك ومني ونشوف ياااا شيخ مصعب
أم رسل .. هاا فيصل شصار بلمحكمه
فيصل.. والله ما ادري بس ادعي إن شاء الله يفرجها عن ابنج وبنتج
أم رسل .. يمه سوده عليه بهاء يا يمه
صفاء .. بنسبه لرسل مو كالج ادعيلها وياج لوو هاي شنو منسيه
أم رسل .. لا والله يا يمه بس رسل على الاقل ابيت هاذه خطيه مااعرفه جوعان عطشان بردان دفيان
صفاء.. اي والي جانت لامه هاي الجيفه مرت اخوي وجابت ابتهاج وخلصت الدراسة بعد شنو حجتج
ام مرتضى.. يمه خطيه اختك تعرف هذول الناس حاجين بيها ويردون يشوفونها
صفاء.. بعد ما يسألون عنه ويعرفون ابنه بسجن مايحتاج يشوفونها
رسل .. جنت كاعده باب المطبخ منتظرتهم بلكي اسمع خبر من عدهم يريحني سمعت صوت سيارات طفرت
نزل عمي ولولد وجلال بس راحو للديوان الخارجي اجت عمتي
أم جلال.. شسويتي عشه
رسل .. تمن وباميا على لحم
إم جلال .. خبزتي
رسل .. اي
أم جلال.. يله حضري العشه
رسل .. اي
اجو اخذو العشه كملت سويت جاي شربو حمزه راح رائد ومحمد واحمد صعدو لغرفهم غسلت مواعين وصعدت لفوك وكفت كدام غرفت جلال بس خايفه ومتردده اريد ادك الباب ورجع ايدي خايفه يصيح عليه لوو يضربني درت وجهي اريد اروح انفتح الباب
جلال .. شسوين اهنا
رسل .. هاا
جلال .. شبيج شسوين اهنا
رسل .. ما سوي شي بس كلت خاف محتاج شي اني راح اصعد لفوك
جلال .. ديار وين
رسل.. عشيتها ونامت يم عمتي
جلال .. هاا تعالي
رسل .. اي
جلال .. رسل
رسل .. هاا
جلال .. اذا طلع موو اخوج الي كاتل راح تختارين ترجعين لاهلج لو تبقين اهنا
رسل .. لا اكيد ارجع لهلي ... بس كلي فدوه شكالو عن بهاء
جلال .. ما كالو شي اطلعي وسدي الباب
رسل طلعت وسديت الباب اليل كله افكر ماكدر انام
علي .. مصطفى شكال اخوك على القضيه
مصطفى .. اخويه يكول متأكدين موو هوه الي كاتل بس لازم نقبض على الكاتل الحقيقي حتى يكدر يطلع وبنسبه لاختهم ابكيفها اذا تريد تبقه لوو ترجع لهلها
البارت قصير بس وربي تعبانه ومفتحه تك عين
بس لعيونجن باجر انزل بارت تعويض
الكاتبه رسل
