ابتهاج .. رسل راح ياخذون ابنج منج اطلعي امنعيهم
رسل .. منو ياخذه ابتهاج منو ياخذه
ابتهاج.. رجلج جلال اجه هوه وامه راح ياخذونه
رسل .. تعالي كوميني
رسل متت من الوجع بطني كطعتني ونزيف وحتى ما اكدر اوكف على رجليه الدكتوره بقت تحجي عليه دكلي تعالي ارتاحي مو زين عليج
ارتاح وابني راح ياخذونه مني
كوه امشي سانده نفسي على ابتهاج وصلت للباب الغرفه فتحته وطلعت لكيت جلال واكف وياه امه وماما وبابا صحت بعالي صوتي
رسل .. جلال ما تخاذ ابني هاذ ابني ما انطيكيه لو تموت
ابو مرتضى.. اششش رسل ادخلي جوه
ابتهاج.. ليش بابا تدخل جوه حرام عليكم فوك ما شافت ضيم وبتالي يجي الافندي على الحاضر ياخذ ابنها فوك ما شافت من ضرب
أم مرتضى.. انتي صمي حلكج
رسل .. والله العظيم اذا اخذت ابني يجلال اكتل روحي لأن تعبت كلش ما صدكت خلصت منك وانوب تجي تاخذه مني فوك التعب والضيم
جلال .. ابنج ابني واذا تردينه ودكولين ما انطي هلا بيج تعالي محد مانعج من ابنج
رسل .. انته انته مانعني جلال شتريد مني بعد فك ياخي والله العظيم بعد ما عندي قابليه اتحمل
جلال.. ابني ما انطي للناس حتى تربي ابني يربه عندي بين ابو واهله وعمامه وامه اذا تردين تعالي وعيشي وياه ابنج وبحضنج
رسل .. مستحيل ارجع لنفس الضيم واني خلصت منه بلكوه
جلال .. بعد بكيفج .. يله يمه
رسل .. لا لا فدوه بابا احجي شي ولج ماما راح ياخذون ابني مني
رسل .. ضليت اصيح وره جلال حتى يرجع بس ما التفت اصلن بقيت اصيح واملاخ بروحي وصيح اريد صفاء بابا يباوعلي ويدير وجها امي عيونهت بلكاع اهنا اني بعد ما اكدر اوكف حسيت الزرارات نفتحن وفضت بلدم اجت الدكتوره تصيح وتلوم بيه واني ما سكتت اصيح اريد صفاء هوه يجيبلي ابني وابتهاج تبجي وياي
دخلني لجوه رجعن خيطني من جديد واني بس اصيح وأون من الوجع اجه صفاء شفاني هيج اجه يركض حضني واني ابجي اجت الدكتوره ضربتني ابره بيدي حسيت جسمي خدر وعيوني ما اكدر افتحن شويه شويه بعد ما احس بشي
ابتهاج اجه الصبح صفاء كلي امي تريدج بلمستشفى بدلت وطلعت من وصلنه صفاء رجع للبيت لأن من البارحه ما نايم دخلت لجوه جان اشوف مره واكفه يم امي وياها واحد لابس لبس عشاير تقربت يمهم
ابتهاج.. ماما
أم مرتضى.. هلا ماما تعالي سلمي على الشيخه ورجل اختج
ابتهاج باوعتلهم بطرف عيني وحجيت
ابتهاج .. على منو شبيج ماما رسل وين
أم مرتضى.. ولج ابتهاج
ابتهاج .. ويييين رسل
أبو مرتضى.. جوه بلغرفه بعدها ما طالعه من غرفت العمليات
ابتهاج بقيت كاعده على اعصابي واني اشوف امي تتعذر منها
أم مرتضى.. اعذرينه خيه صغيره بعدها وتعرفين اخوات كلبها على كلب اختها لا تاخذين بخاطرج منها
هاي اصلن ما تباوع بوجها تأفأفت وكمت رحت اشرب مي من رجعت سمعتهن يتشاورن بعدين امي راحت يم بابا وحجت وياه بقيت احوص رحت واكفت يمهم
أم مرتضى.. هاا شكلت ابو مرتضى
أبو مرتضى.. مادري ماكدر اجبرها على شي ما تريده
أم مرتضى.. وحنى شلون بعد اراوي اجوهنا للناس مو ياكلونه بكشورنا اول سالفه ابنهم كتل وانوب بتهم مطلقه خوش خلص كلشي انصير علج بحلوك اليسوه وال ما يسوه
أبو مرتضى.. هسه شلون
أم مرتضى.. مثل ما كتلك رسل اكيد ما تتحمل بدون ابنها وراح تروح وراه
ابو مرتضى.. ما داخله عقلي هاي السالفه
أم مرتضى.. شلون ما داخله عقلك اول شي راح أنأمن
على بتنه وثانين راح تصير مرت الشيخ بيت واحدها وغير كل هاي احنه انسابت الشيخ
ابو مرتضى.. خلي افكر شويه
أم مرتضى.. ماكو تفكير اريد ارد خبر للمره منتضره
ابتهاج .. اوكفو اوكفو شراح تسون رسل ما تقبل ترجع تردون تجبرينها
أم مرتضى.. رسل صغيره ما تعرف مصلحتها وين
ابتهاج.. هاا وانتي تعرفينها موو
أم مرتضى.. اكيد غير اني امها واعرف شنو مصلتها
ابتهاج .. كولي مصلحتي لا دكولين مصلحتها.
أم مرتضى.. كافي ولج فضحتينه صدك ما عرفت اربي
ابتهاج.. رسل كاعده تنازع الموت جوه وانتي محتاره بلمصالح
إم مرتضى.. كافي ولج اتصلي بصفاء يجي ياخذج ماكو منج لا فايده ولا زايده
ابتهاج مر نص ساعه تقربن وطلعت الدكتوره
الدكتوره.. الف مبروك اجاكم ولد مثل الكمر ربي يحفضه ويخلي منو ابو
جلال .. اني دكتوره
دكتوره .. تفضل اخذه يتربه بعزكم إن شاء الله
جلال .. شكرا دكتوره
ابتهاج.. دكتوره شلونها رسل
الدكتوره .. زينه ماما بس تحتاج راحه شويه
ابتهاج.. اكدر أدخل
الدكتوره .. اي ماما عادي ادخلي
ابتهاج قبل لا ادخل سمعتهم يحجون
أم جلال.. هسه على اتفاقنه يا ام مرتضى
أم مرتضى.. اي اي خيه على اتفاقنه
أم جلال.. خوش
ابتهاج .. اتفاق شنو انتي وياها
أم مرتضى.. ابتهاججج صمي حلكج ولا تحجين
ابتهاج .. لا احجي وادخل
أم جلال.. شني هاي أم مرتضى ما اعتقد تربيتج هيج
ام مرتضى.. مسحيها بوجهي خيه
ابتهاج .. تردون تاخذون ابن رسل
أم جلال.. مو بس ابن رسل ابنه هم النه بي حصه
ابتهاج .. اي مو هوه بطل زيت
أم مرتضى.. ولج ابتهاج فضحتينه
ابتهاج.. وعلي بس تاخذونه هسه اشتكي عليكم
ابتهاج تعاركت وياهم دخلت حجيت لرسل ومثل ما صار فوك 👆
من اخذو ضربو رسل ابره مهدء ومخدر نامت اجه صفاء حجيتله كلشي كتله لا تسوي شي لحد ما تكعد رسل
رسل فتحت عيوني كوه احس غوش عليهن اجو يحجون وياي واني بعالم ثاني جابو عبرانه وطلعوني من المستشفى وصلت للبيت نزلوني ابتهاج وصفاء تلكوني بابا واسيل وبهاء وليث ومرتضى محد حجه بس يباوعون بوجهي
اسيل .. الحمد الله على السلامه
رسل سكتت مالي خلك احجي دخلوني لغرفت امي لأن ما اكدر اصعد فوك كعدوني شويه واجت ابتهاج
ابتهاج .. كومي رسل حضرتلج الحمام تعالي غسلي عن الدم
كمت وياها شويه واجن خالتي وبنات خالتي وعماتي وهم بناتهن وصار البيت هوسه بس ساكته جابولي اكل غير الي قابليه اكل جابو عصير وكيك ابد ما يروح من بالي عافوني بلغرفه حتى انام واني لحد ما صاح الأذان اني عيوني ما بطلن
اجت الصبح ابتهاج اخذتني غسلت وبدلت ورجعت أمكاني شويه اجه صفاء
صفاء .. رسل كومي اوكفي بس على رجليج والله اله اخذج للمحكمه وخليهم يتبهذلون بلمحاكم
رسل .. صفاء الله عليك اريد ابني فدوه اروحلك رجعه اليه
صفاء .. وداعت عيونج اله اخليهم يتندمون على الي سوه
أبو مرتضى .. صفاء بابا اطلع اريد احجي وياه اختك
صفاء .. اي بابا
ابو مرتضى.. رسل بابا ادري هسه مو وكت هل حجي بس اريد منج شغله
رسل .. شنو بابا
ابو مرتضى.. راح اخيرج بين اثنين واختاري واحد
رسل .. شنو بابا
أبو مرتضى.. ياا اني ياا ابنج اختاري
مصطفى .. هلا والله بعليوي
علي .. هلا بيك يول
مصطفى .. باع الوجه يابه اي لعد مثلي اليل كله ما نايم خفاره
علي .. هههههههههه ومرض شسويلك لعد
مصطفى .. اريد اكلك فد شغله
علي .. كول شنو
مصطفى .. البارحه اجت البنيه إلي
علي .. منو رسل
مصطفى .. حلو والله ما ناسي اسمها
علي .. شلون انسه وهيه شكلها ما يروح من بالي
مصطفى .. البارحه جانت ولادتها جابت ولد
علي .. امممم
مصطفى .. اول شي اسمع بعدين ضوج عود
علي .. شكو
مصطفى .. اجو الباحه وياها اهلها واخوها
علي .. اي
مصطفى .. خلي اكمل
علي .. يله اسمعك
مصطفى .. ولدت ب5 الصبح واجه زوجها وامه اخذو الطفل من عدها لوو تشوفها شلون تبجي وتصيح كسرت خاطري والله العظيم لو عندي عرف شويه من يمهم جان والله اله اخلي زوجها الكاع تبجي عليه
علي .. لا بربك ما تصلت عليه
مصطفى .. كلت خطيه ما ازعجه بنص اليل
علي .. وهسه شلون راح ترجع لزوجها
مصطفى .. والله ما اعرف بس هوه راح واحده وهيه راحت واحدها
علي .. هم شي كون ما ترجع لزوجها
مصطفى .. وابنها خطيه عمره يوم واحد واخذو
علي .. اكدر اتوصل وياها واخلي محامي يرجع ابنها
مصطفى .. اي هسه يكلولك انته شكو ومنين تعرفها
علي .. مو شرط اله ابين للناس اعرفها
مصطفى .. ما فهمتك شلون
علي .. اكلها اني دكتور وشفت حالتج وحبيت اساعدج وما اخليها دكول لأحد اني اعرفها بس اهم شي لازم اعرف حسابها اعرف وين ساكنه وين تروح وين تجي
مصطفى .. هاي يمه باجر اخلي اخوي يشوفها وين ساكنه ونروح اني وياك
علي .. كفوو منك يخوي والله فعلا طلعت اخو ذيب
مصطفى .. اسكت ولك غير انته اخوي الي ما جابته امي
رسل من كالي هيج بابا دموعي كامن يحركن خدي احسهن نار دنكت وسكتت
أبو مرتضى.. شختاريتي هسه
رسل بقيت ساكته وبس دموعي يحجن الألم الي بداخلي
أبو مرتضى.. جابو رسل
رسل ... انته بابا يروحلك فدوه .........
بارت اليوم عباره عن بجي الله يكون بعونها ويصبرها
شنو توقعاتجن لبارت باجر صفاء راح يكدر يرجع ابن رسل وعلي يتعرف على رسل مثل ما كال
الكاتبه رسل 🥀❤
