رسل دنك بابا باسني براسي وطلع
دخل صفاء وابتهاج وايه( ايه الي امي تريد ازوجها لصفاء بقت ويه ابتهاج علمود رسل )
صفاء .. رسل اذا تردين عادي اجيبلج عربانه واخذج بس لا تنزل دمعه منج والله احرك الدنيا
رسل .. سد الموضوع
صفاء .. شنوو
رسل .. ما اريده خلي يم اهله
ابتهاج .. شبيج انتي سودنتي
صفاء .. بابا كالج شي جبرج على شي
رسل.. لا بس اني ما الي خلك اكعد اربي اريد اكمل دراستي وبعدين اني كوه خلصت من الضيم
ابتهاج.. ولج شبيج مو قبل شوي ملختي روحج اريد ابني واريد ابني
رسل .. كافي ابتهاج فدوه اروحلج والله العظيم مالي خلك تعبانه اريد انام اطلعو وسدو الباب
ايه.. رسل اذا دكولين على الدراسه اني اجي اهنا اله
رسل .. ايه حبابه اريد انام
صفاء.. اطلعن خلي ترتاح
رسل احجي واني مغطيه واجهي بلبطانيه بعد ما اكدر اتحمل خليت شالي بحلكي وصرخت ااااااخ يا الله ربي اريدك تبين حوبتي بيهم اخذو ابني واني بعدني ما شايفته
رسل مر اسبوعين واني عايشه على مغذي لوو بسكت وحليب صرت جلد وعضم اخذت حساب نسرين وراسلهن على يدزلي صور اله ومره فتحن كامره وياه من شفته ملخت روحي تملخ يحجن وياي بدون ما يدري احد جواهر هيه الي ماخذه ابني تربي عرفت هسه ليش تشربني داوه وفرحت من عرفت بي حامل اخر ايام حتى ادز راسئل يشوفنها ويسكتن وره ايام حظرني بقه كلبي يلوب
جانت تجيني هوي رسائل بس ما ارد عليهن حتى ما اعرف منو يدزها سديت حسابي الشخصي لأن جلال بده يراسلني واني شاكه هاي الحسابات اله يريد يختبرني
رسل دخلت للمطبخ اشرب مي دخلت امي وراي بس دردم ما اعرف شبيها
أم مرتضى.. عفه كلب ام هيج ما يحن كلبها على ابنها شامرته بيد النسوان
رسل سكتت وردت وجهي ردت اطلع
أم مرتضى.. ولج شنو من أم انتي شنو من أم جلبه هم تحن على ابنها انتي من يا طينه ما دكليلي
رسل .. شتردين ماما شتردين ادري والله ادري كاعده عله اني على كلوبكم بس وين اولي
أم مرتضى.. ولي لرجلج
رسل .. ياا رجل يا رجل اني ما صدكت خلصت وانوب ارجع
أم مرتضى... ولج ابنج شلون
رسل .. اي ماما اريد ابني تعالي خلي نشتكي اني وياج وهسه المحكمه اجيبه
أم مرتضى.. اني اشتكي لا والله
رسل .. ليش ماما اني مو بنتج اخذو ابني منو
أم مرتضى.. خلي ياخذونه
رسل... كافي والله تعبت بسببج وبسبب ابنج رحت فصليه انذليت وانهانيت وحتى ابني اخذو مني ودكليلي خلي ياخذونه ليش يا ناس اني هم ام واريد ابني ما اكول غير حسبي الله ونعم الوكيل
رسل عفتها وطلعت كلبي جمر وين اروح اني عند بيت العيال انذل وعند بيت اهلي عايشه كوه
اجت المتحانات نصف السنه وبلكوه ادرس بديت امتحن صفاء ياخذني ويجيبني بس دائمن انتبه اكو سياره من اطلع من المدرسه ومن امشي وراي لحد ما يوم طلعت من الامتحان اتصلت على صفاء كال ربع ساعه يمج الدنيا جانت بارده وبيها قطرات مطر شفت نفس السياره شوي نزل منها واحد واجه بتجاهي درت وجهي اجه وكف يمي
علي.. السلام عليكم
رسل.. تفضل اخي
علي .. يمكن ما عرفتيني
رسل .. لا اخي ما عرفتك شنو تريد
علي.. ما اريد غير كل خير
رسل.. نعم
علي .. اني دكتور علي مره اجيتي وجنتي متعرضه للضرب واني الي سألتج اذا تتذكرين
رسل .. أي خويه اذكرت تفضل محتاج شي
علي .. اني شفتج شون اخذو ابنج منج وحبيت اساعدج وصار الي شهر تقريبن ادور عليج وراسلتج بس ما جنتي تردين
رسل .. مشكوره خويه بس ما عرفت ليش تريد اساعدني
علي .. كتلج شفتج وشفت شنو جانت حالتج وحبيت اساعدج بس
رسل .. يعني انته اساعد ايه واحده مثل حالتي
علي .. ليش لا والله اساعدهن وهسه شكلتي
رسل .. اشكرك اخي عندي اخوان يتكفلون بيه
علي .. اني مالي شغل بخوانج عادي إذا تدرين ما اكول لحد وانتي كليلهم اخو صديقتي او اي شي
رسل.. لا خويه ما اعرف اجذب على اهلي
علي .. اني اروح اكلهم اني دكتور وشفت حالت بنتكم وحبيت اساعدها عندي محامي كلش شاطر
رسل جاي احجي وياه وشفت سياره صفاء اجت بسرعه مشيت اجه ورايه وكال
علي .. هاذ كرتي ايه شي تحتاجينه أمانه اتصلي
رسل .. اشكرك خويه بس ما محتاجه شي
علي عرف رسل توترت خله الكرت بيدها وراح
رسل وصل صفاء نزل من السياره
صفاء .. منو هاذ
رسل .. ما اعرف بس سألني اذا اعرف اخته كتله لا
صفاء .. هاا يله
رسل بقيت افكر طول الطريق خليت الكرت بجنطه وصلت للبيت بدلت ملابسي وكعدت ادرس بدت دردمت اسيل هاي لو تغسل ماعونين دكوم دردم اخذت كتابي ودخلت لغرفتي خلصت امتحانات واني كلبي كاعد يخلص شويه شويه ادعي ربي يبرد كلبي بس ما يبرد مرشهر جانت كاعده بصاله واندك الباب كمت فتحته جانن نسوان دخلتهن للستقبال وصحت لامي جبتلهم مي وجاي شويه جبتلهن عصير ردت اطلع
واحده من النسوان.. ابقي حبيبتي اهنا خلي نشوفج
رسل بقيت كاعده كلها تباوع عليه اكو اثنين نسوان اكبار واثنين متوسطات بلعمر واحده بنيه بكدي بس تضحك
شويه ترخصن وطلعن طبت امي تباوع بوجهي وتضحك
أم مرتضى.. منو هاذه علي ولج
رسل.. ياا علي
ام مرتضى.. دكتور علي خاطبج
رسل .. شنوو
أم مرتضى.. اي واني اكول ليش ما تردين ترجعين لرجلج
رسل .. ماما بله انتي صدك تحجين
صفاء.. شكوو
رسل .. ماكو شي .... لا تحجين شي واخبريهن كليلهم ما تقبل تتزوج وسدي الموضوع
ثاني يوم كعدت الكل يباوع بوجهي
رسل.. صباح الخير
الكل .. صالنور
اسيل .. شنو نكول الف مبروك
رسل .. شنو
اسيل.. حبيبتي والله اني من جنت بنيه ما اجوني خطابه هيج اول مره اشوف تعوفين رجلج يجونج الخطابه منه
مرتضى .. اسيلللللل
اسيل.. حبيبي ما كلت شي غلط
ابتهاج .. اكيد ما يجونج الخطابه هيج لأن بس احنه خطبناج لو مو مرتضى جان هسه انتي نايمه عند اهلج بعدج
اسيل .. شنو قصدج ست ابتهاج اني عانس
ابتهاج.. الحر يفهم اشاره
أم مرتضى.. كافي انتي وياها
رسل درت وجهي ورجعت خرب عود كلت الها لا تحجين استغفر الله نضفت البيت وسدري ابد ما واكف الحليب صليت بليل ونمت الله ذب عليه بس النوم
نايمه حسيت بوجع بسدري كعدت هاي اول مرة كعدت ابجي ما اعرفه جوعان شبي ما بي كمت توضيت وصليت واني بنص الصلاه اجتني غصه اريد اتنفس ما اكدر بعد استغفرت ربي وكمت غسلت كلبي يوجعني بقيت افتر بلبيت
صارت الساعه ب1 الضهر دك جهاز بابا رد عليه
ابو مرتضى.. الو وعليكم السلام تفضل شيخ
ابو مرتضى.. شلون
رسل بابا يحجي وفاتح عيونه الكل نزل على صوت بابا شويه بقه يباوع بوجهي سد الجهاز وكال
ابو مرتضى.. بابا رسل ابنج .......
جلال يوم ما دكو علينه وكالو رسل بلمستشفى بدلت وطلعت بسرعه اني وامي جابت رسل بس ما قبلت تجي وياي اني جان كل همي اريدها ترجعلي واحتى بديت اغير بديكور بيتي حتى نسكن بي اني وياها جهالنه اخذته وسميته ذو الفقار اخذته امي وانطته لجواهر حتى تربي رادت تسمي بسم جواهر واحمد بس ما قبلت كلت من تجي رسل اسوي عقد محكمه واسمي بسمها مرن اسبوعين شلع كلبي ما يشرب حليب ابدا كوه نشربه ومن يبجي يصرخ لحد ما يوكف كلبه يصير ازرك كمت احقد على رسل شنو من كلب عدها مر شهر
جاي نتغده نزلت جواهر
أم جلال.. نام
جواهر .. اي
أم جلال.. بعافيه عليج صار ابنج
جلال رفعت راسي من حجي امي
غصون .. ههههه
جواهر .. شنو غصون ما عاجبج
غصون .. اي ما عاجبني
جواهر .. وليش انسه غصون
غصون.. والله لو اني بدال رسل ما اخلي دقيقه عدج بس رسل امرها مو بيدها
نسرين..سدي الموضوع اصلن رسل راح تتزوج
جلال .. شني
نسرين .. البارحه جاينها خطابه دكتور
جلال .. منو كالج
نسرين .. اختها ابتهاج
غصون.. اي وسمعت راح تقدم شكوه حتى تجي تاخذ ابنها
جلال .. ابني ما انطي وزواجها مايكمل لوو على كصاص ركبتي
جلال جاي نتغده نزلت جواهر من الدرج مفرفحه وتبجي وذو الفقار بيدها صاير ازرك اخذته من ايدها وكمت اضرب على ضهره بخفه شفته سكت بعد ما كو صوت رفعت راسه رجع دنكه صحت بوجها
جلال.. لا بابا لا فتح عيونك
أم جلال.. يمه سواد وجهي يمه مات الطفل مات
غصون.. ولج شسويتيله يا حيه يام راسين
جواهر .. والله ما سويت شي اله بس شربته حليب ما قبل يشرب بقيت مخليه مميه بحلكه
جلال اخذته ورحت للمستشفى اخذو مني شوي وطلع
دكتور .. اعتذر اخي ماكو نفس بقيه بحياتك
جلال حسيت بشي نضرب برسي ابني صغيرون بعده كعدت بلكاع اجه احمد وراي وحمزه بقو يواسون بيه واني فاقد اي هاذه عقاب رب العالمين اخذت طفل من حضن امه والله ردت اجيبها وننجمع كلنه سوه
ااااخ وين اروح شلون احط عيني بعين رسل اخذته ورجعت للبيت دك ابوي عليهم وحجه وياهم حتى رسل تجي تشوفه قبل لا ندفنه
رسل .. شبي ابني بابا
أبو مرتضى.. بابا شارب حليب وغاص بي
رسل .. اي بابا وهسه ما بي شي مو
ابو مرتضى.. رسل توف......
رسل.. لا لا ما بي شي ادري ما بي شي احجي بابا احجي ما بي شي مو
أبو مرتضى.. صفاء اخذ اختك خلي تشوف ابنها
رسل لبست بس عباتي وطلعت وياه صفاء وصلت لهناك كل هتميت لايه شخص نزلت اركض كلبي مفرفح دخلت للصاله لكيت بنص الصاله طفل ملفلفينه بطانية تقربت يمه باوعت بوجها يشبهني ضحكت
رسل .. يمه فدوه حبيبي تخبل تشبهني هاي اول مرة اشوفك والله العظيم مو بيدي ما يقبلون اشوفك حبيبي هسه اخذك وياي وروح
نسرين نباوع لرسل تضحك وتبجي وتهز بي وتبوسه وتشمه الناس الي موجوده بالصاله كلها كامت تبجي على بوجي رسل وحجيها وياه ابنها بعدين كعدت بلكاع وخلته بحضنها
رسل.. حبيبي جوعان اي انته جوعان هاك ماما هاك ارضع اني امك اجيتك فتح عيونك فتح حبيبي
رسل اداركت الموقف وعرفت ابنها راح من ايدها
وهسه تتوجها لجلال تضرب بي بصدره
رسل .. كله بسببك انته كتلت ابني انته كتلته الله ياخذك ما خليتني اشوفه الله لا ينطيك
حبيبي كوم اكعد اجيتك والله اجيتك بس فتح عيونك لا تنام جواعان
طبعا والله اليوم شبعت بجي على رسل
البارت طولته لعيونجن قلبوشاتي
الكاتبه رسل 🥀❤
