شلونجن قلبوشاتي
طبعا سألتني جلال اذا يحب رسل ليش هيج سوه وياها ليش ما يدافعها
جلال يمشي بحجي امه ما يكدر يكسر كلمتها ولهاذه رسل ما حبت جلال ابدا جلال يحبها بس ما يكدر يعترف يخاف على امه تزعل ولهاذه رادها تضل فصليه عنده دوم
رسل رحت وياهم بسياره واني الفرحه ما سايعتني واخيرأ راح اشوف اهلي اخيرا خلصت من الضيم واخيرا راح انعيش بسلام اني وابني صفاء جان كاعد بلمقعد الخلفي وحاضن رسل ومرتضى يباوعلها ويضحك فرحانين انجمعت عائلتهم من جديد رسل راح اصير سنه الها ما شايفه اهلها وفرحانه
رسل خليت ايدي على بطني وحجيت
حبيبي يا روح امك راح نخلص من الضلم الي شفنه ادري بيك تحس بيه حبيبي اتحرك سوي شي خلي احس انته واكف وياي بعد ماكو ذل ماكو اهانه ماكو جبر على شي خلصت من كلشي
مرتضى.. يله وصلنه
صفاء .. رسوله شوفي منو منتضرج
رسل رفعت راسي بابا واكف بلباب وياه ليث عيوني واحدهن كامن يجرن دموع واني اباوع لابويه متغير كلش
نزلت من سياره من شافني ابجي بجه ويايه واجه حضني بنص الشارع
صفاء .. بابا خلي ندخل جوه الناس تباوع
دخلوني للبيت وبابا ما يقبل يعوفني طلعت امي من المطبخ هيه وابتهاج واسيل اجت امي تبوس بيه وتبجي
أم مرتضى .. يمه حبيبتي ولج يمه كلبي فرفح عليج
ابتهاج.. ماما عوفيها خلي نشوفها
رسل رحت سلمت على ابتهاج واسيل وبوست ليث صاير جبير حبيبي ورجعت حضنت بابا اجه صفاء سحبني خلاني جوه ايده ويحجي وياه امي
صفاء .. شنو يمه متنه من الجوع ماكو عشه
ام مرتضى.. يمه ادللو شعندي غيركم
رسل .. وين بهاء
مرتضى.. بلغرفه يستحي يطلع يكول اني سبب رسل راحت فصليه
رسل نزعت عباتي امي شهكت ابتهاج خلت ايدها على حلكها وبابا بس صفن باوعت شبيهم عرفت انصدمو لان حامل
أم مرتضى.. رسل انتي حامل
رسل .. اي ماما
صفاء .. يله يمه مو متنه جوع
رسل دخلت للغرفه لبهاء لكيته كاعد بلكاع باوعلي ورجع دنك
رسل..شلونك بهاء
بهاء وهوه يبجي
بهاء.. اني اعتذر رسل
رسل .. اشش حبيبي لا تحجي
بهاء اجه حضن رسل
رسل تمسح بدموع بهاء
رسل .. من شوكت تبجي هاا
بهاء.. السجن طلعلي كلب ثاني
رسل .. حبيبي سوده عليه
بهاء .. تعالي تعشي
رسل .. يله
طلعت لبره شفت ولد يخبل مدنفش بلحجله اجيت شلته عرفته ابن مرتضى يشبهه
مرتضى.. يشبهني منو
اسيل .. لا يشبهني
رسل .. موو اني كلت حلوو ما كلت اجكم حتى يشبهكم
مرتضى اسيل .. ولج
رسل .. هههههههههههه
رسل كاعده بنص اهلي وفرحانه شقه صفاء وابتهاج واني ما مصدكه كل شويه اكرص روحي اذا هاذ حلم ما اريد اكعد
خلصنه عشه
بقو اهلي يسألوني شلونهم وياج ماما تستفسر شسوتلي ام جلال واني اكلهم زينين وياي
صفاء .. بابا باجر يجي شيخ مصعب واهله
باوعلي بابا
ابو مرتضى.. بابا كليلي زينين وياج يعني باجر يجي شيخ عشيرتهم ابو رجلج ورجلج وياه تردين ترجعين
بقيت ساكته ما بيه احجي وكلهم يباوعون بوجهي ينتضرون جواب
رسل .. بس خلي افكر بابا
ابو مرتضى.. اي بابا شعلي فكري يبعد ابوج
صفاء .. رسل اذا انته ما تردينهم كليلي لوو يطاع موو شيخ مصعب وشيخ جلال ما ياخذونج لوو خشمي يصير جوه التراب
رسل ابتسمت بوجها
رسل .. ادري بيك حبيبي بس والله العظيم الولد جانو زينين وياه وحتى البنات والجده ما تقبل احد يحجي وياي
ام مرتضى.. لعد ليش ما تردين ترجعين
رسل سكتت شحجي اخاف اكول من الضرب الي شفته وتروح تصير مشكله بين صفاء وجلال ادري بصفاء ما يسكت
رسل .. ماما بس اريد ارتاح
إم مرتضى .. اي يماما روحي ارتاحي
ابتهاج .. اي رسل تعالي اشوفج شي
رسل .. جايه
رسل ابتهاج مبينه فرحانه بشكل بس تضحك
ابتهاج.. تعالي ولج
رسل .. شكو
ابتهاج .. ولج خطبني خطبني
رسل .. منو
ابتهاج.. ابن جوارينه الي كتلج عليه احبه ويحبني وبس هاي شكم شهر راح نزوج منتضرته يخلص كليه مرحله أخيره
رسل .. الف مبروك والله العظيم فرحتلج
ابتهاج.. تعالي شوفي شجابلي بنيشان
رسل كعدت ابتهاج تشوفني شجابلها من ذهب وملابس وغير الي جايبنه اهله مبين يحبها صدك ربي يحفظهم ويجمعهم بلحلال
رسل .. الله يخلي الج وما يحرمج منه وان شاء الله اشوف ابنكم
ابتهاج .. آمين..... اي وانتي كليلي شصار وياج ما صار
رسل ... كلشي ما صار بس شغل وانوم
ابتهاج .. هاااا اي سويتي فحص شنو نوع البيبي
رسل .. طفل
ابتهاج .. فدوه حبيبي خالته
رسل نمت ب2 ابتهاج ما تقبل تنام تسولف على حبهم وشون تعرفت عليه واني طفيت اخر شي كلت الها
رسل .. كافي ابتهاج فدوه اروحلج والله العظيم نعست
ابتهاج.. كبر ومرض عود مسويه براسها خير واسولفلها
رسل .. صبح يصير براسي خير واكعدي احجيلي
ابتهاج.. يله نامي اريد اسولف وياه الحب
رسل.. مشتاقه لفراشي لغرفتي نمت واني فرحانه وادعي ربي تكمل فرحتي وما يجي جلال غفيت واني عايشه بحلامي
جلال اي يرسل ما صدكتي يجون رحتي وياهم بس بسيطه اني الج والله اله اخليج تتندمين وتعضين اصابع الندم اله اخليج تجين انتي برجليج اليه
جواهر... عمه شلون فهميني شلون
أم جلال.. شبيج ولج سودنتي انتي
جواهر .. اي سودنت الي جنتي دكولين راح يصير ابنج راح
أم جلال.. اي واذا راح ننتضرها لحد ما جيب الطفل
جواهر .. اي
أم جلال.. الطفل ابنه ابن الشيخ جلال اكيد ما راح نخليه عند هذول المجاديه( مكدين )
جواهر .. شلون عمه يمكن ترفع دعوه علينه وبلقانون الحضانه للأم
أم جلال.. اني احجي وياه جلال وجلال عنده معارف اهواي( كومه ) بلمحكمه
جواهر .. يعني ناخذ الطفل
أم جلال.. اي نامي وانتي مرتاحه ما بقه شي واجيب غير بس 3 اشهر ونص
جواهر .. اوف من هسه راح ابدي اجهز ملابس للبيبي
ام جلال.. بكيفج وهسه اطلعي راح يجي الشيخ
جواهر.. صار عمه يا تاج راسي
غصون .. ولج نسرين شفتي شلون واكف هيبه
نسرين .. تره جان واكف ضد اخوج
غصون .. جان واكف على الحق تمام حبيبتي
نسرين.. صدك انتي طايحت حظ وما تستحين على وجهج ولج احترمي نفسج شويه
غصون .. يووووو نسرين هسه شكلنه احنه كفرنه
نسرين .. عوزج اتكفرين
غصون .. لا استغفر الله العظيم واتوب اليه
نسرين .. اي غير حتى اشك حلكج وهسه ولي اريد انطمر
غصون.. ولي انطمري
نسرين.. شكلتي
غصون.. ما كلت شي
نسرين .. عبالي
كللي شنو توقعاتجن ترجع رسل وياه جلال اذا اجه وشرح يسوي جلال
بنسبه الي خايفه والله من القادم لأن اكيد راح ياخذون ابن رسل شنو راح تكون ردت فعل رسل
وين مختفي علي وشلون راح يتعرف على رسل انتضرني بلبارت الجايه
ادعلي تطلع ما بيه كورونه😂😂
بنات والله العظيم مريضه كوه اكتب بلبارت وان شاء الله هذني البارتات الاخيره وتخلص القصه
منو متشوقه تشوف القصه الثانيه راح انزلها بعد هاي القصه
الكاتبه رسل 🥀❤
