فصليه مضلومه

بارت 12

بارت مفاجئ لعيونجن قلبوشاتي
❤😍

رسل رحت نزعت الحرام مال الصلاه وكملت الغده صبيته رحت فرشت السفره ونكلت الماعين دخلن البنات يمكن جانن بلمدرسه
نسرين.. شلونج رسل
رسل احس نسرين عاقله وطيبه
رسل .. الحمد لله زينه
غصون.. شلون صار راسج 
رسل .. يوجعني بس شويه
غصون.. منو كالج دكومين لعد
نسرين .. هاذه هم سؤال تعرفين الحيه الزركن كاتلها موو
رسل .. منو الحيه الزركه
نسرين وغصون ... سلوى
رسل .. 😳😳
نسرين وغصون.. 😂😂😂شبيج ما مصدكه روحي باوعيلها
رسل اضحك وتذكرت صفاء من كالي احب بنت الشيخ
باوعت منو يحب نسرين اوو غصون
جواهر .. شسوين واكفه ما جيبين الغده
رسل .. هسه خلصت
نسرين.. جيبي رسل اني اشيل وياج
غصون تحجي وتباوع لجواهر
غصون.. اني اخذ الجدر اخاف ما دكدرين شيلينه
رسل اجن البنات أخذن الماعين ويايه للسفره كعدوه كلهم يتغدون
الشيخ مصعب.. وين بنت فيصل
الجده ام مصعب.. اي صدك وينها ما شفتها من اجت ليهسه
أم جلال.. خليها جاي تتغده بلمطبخ
الشيخ مصعب.. خلي تجي اهنا تاكل ويانه
وسمعن الكل يسمع ما اريد عازل وعزيل( قصده رسل لا تعزلنها وحدها خلي تجي ويانه )
مفهوم
الكل.. اي شيخ مفهوم
نسرين وغصون فرحن
نسرين ..تعالي بسرعه
رسل .. وين
نسرين.. ميته جوع اني تعالي خلي نتغده
رسل.. روحي انتي اني اتغده اهنا
نسرين .. انجبي وتعالي بسرعه بابا الشيخ يصيحلج
تحجي وهيه ترفع بحواجبها
رسل .. شنو
نسرين.. يله بسرعه
رسل تمشي نسرين واني وراها مدنكه
رسل .. السلام عليكم
الكل .. وعليكم السلام
الشيخ مصعب.. هله بويه منه وجاي اشوفج حالج حال بناتي تكعدين يمهن
رسل هزيت راسي
غصون ونسرين سون مكان لرسل بنصهن ويأشرلها تجي تكعد يمهن
رسل كعدت يم البنات جابن صحن مال التمن وخلنه يمي اكلت وياهن جنت ميته من الجوع بس ستحيت اكل اكثل كمت سويت جاي وحضرت الستكانات
كملوو غده جبت الماعين اريد اغسلهن
اجن البنات
نسرين .. رسل انتي عزلي الماعين واني وغصون نغسل
غصون .. اي حتى نخلص بسرعه الجو و موت حر اريد اروح اقره للمتحان الجاي
رسل .. روحن انتن اقرن واني اغسلهم
نسرين .. انجبي يله تعالن بسرعه
ام جلال.. نسرين غصون وراجن امتحان روحن اقرن
نسرين .. اي يمه هسه بس ..
ام جلال.. نسرينننن يله بسرعه
رحن البنات وبقت رسل تغسل بلماعين خلصت غسل رحت خليت ملابس باغساله وشغلتها رجعت لملمت البيت وغسلت الطارمه نضفت الحديقه واخذت الملابس شريتها
ام جلال.. يمه فارغ يجلال
جلال  .. اي يمه تعالي
ام جلال.. يمه الفصليه هسه صارت مرتك
جلال .. اي يمه والمطلوب
أم جلال.. ما مطلوب غير تجيبها يمك بلغرفه
وخليها اداري ديار
جلال .. ليش انتن وين رحتن حتى اخلي فصليه اداري بنتي
أم جلال.. غصبن عليها ادريها هيه خدامه اهنا شكلت هسه يجلال
جلال .. اي يمه خلي بس راسي يصفه راح يطك اروح اشرب جاي وحبايت براسيتول
جلال رحت للمطبخ حتى اشرب جاي لكيت الفصليه واكفه توكل بديار
رسل جاي اغسل بطرمه وجت ابنيه كلش حلوة وصغيرونه
ديار .. جوعانه
رسل .. حبيبتي سوده عليه تعالي اغديج
رسل اخذت البنيه ودخلت للمطبخ غديتها واكفه اوكل بيها وهيه كاعده على الكاونتر فجئتن صاحت بابا باوعت لوراي شفت واحد ضخم كلش
رسل ما تعرف جلال نفسه الي عقد عليها
جلال .. تعالي بابا
باوع.. لرسل سويلي جاي وانطيني براسيتول
رسل سويت جاي خليته كدامه ورحت للثلاجه طلعت الشريط انطيتهيه
جلال .. اخذي ديار سبحيها
رسل.. منو ديار
جلال يباوع لرسل وفهاوتها
جلال.. بنتي هاي اخذها
رسل وهيه تضحك
رسل.. اي
رسل اخذت ديار سبحتها وبدلتلهت
ديار.. اريد اروح يم بابا
رسل.. روحي حبيبتي
جلال .. نايم وحست واحد يلعب بوجهي عرفتها ديار اديها ناعمات سحبتها خليتها بحضني
شميت عطرها يخبل
جلال .. منو خلالج عطر
ديار.. رسل
جلال .. هااا رسل وين هيه هسه
ديار.. بقت تنضف بلمطبخ
جلال .. خوش روحي كعدي بيبي وجدوه
ديار.. ايي
رسل سويت عشه تعشوه وغسلت الماعين تعبت متت كل شوي وكالو جاي ماي رجليه وكعدن
ب11 صعدت لغرفتي
اخذت ملابس الي بس احتاريت وين اسبح
نزلت للطابق الثاني رحت لغرفت البنات دكيت الباب
غصون.. ادخل
رسل.. اعتذر منجن بس اريد اسبح وين فدوه
نسرين.. تعالي اسبحي اهنا بحمامنه
رسل ..سبحت وكملت صعدت لغرفتي مشطت شعري وجيت للجنطه هستوني جاي اطلع موبايلي دخل واحد
جلال .. تعالي ورايه

البارت كلش طويل
شنو توقعاتكم اليوم

اسماء الابطال مزيفه كلها وحتى البطله لهاذه استخدمت اسمي

الكاتبه رسل