فصليه مضلومه

بارت 19

جلال .. شكلها يخبل صافن عليها واجت نسرين
نسرين .. اني اعتذر بس ابوي يصيحلك جلال
جلال .. اي هسه... نسرين
نسرين .. هاا خويه
جلال .. اخذي رسل لغرفتي ولا تخلينها تطلع ولا تنزل جوه والي يحجي كليله جلال كال ماشي
نسرين .. صار خويه

جلال رحت للمضيف وجان الكل موجود عمي ومرت عمي وحمزه وخوته واكفين كعدت جان الكل مدنك بلكاع حجه ابوي
شيخ مصعب.. شوف يخوي البت نطيها للولد ونسترها احسن ما نفضحه بين العربان ونسود وجوهنه احجي ويا جوارينكم وكله هاي عملت ابنك
وانته محمد يبوي اخذ مرتك واكعد بل مشتمل الي بلحديقه لبين ما تكون نفسك وتبنيلك بيت على كد حالك لأن اني ادري بسلوى ما تكعد بنفس البيت الي كاعده بي رسل
لحد يحجي خلي اكمل ادري برسل فصليه بس يبوي هيه هم بشر وكافي العذاب الي شافته منه اني ادري بكلشي يصير بس اكول يتغيرن بس الحجي وياجن ما يفيد
جلال .. من رخصت ابوي والي كاعدين
شيخ مصعب.. مرخوص بويه احجي
جلال.. يابه اني راح اطلع ابيتي خلي محمد
أم جلال.. شني لا والله فلا تطلع
شيخ مصعب.. اسكتي يا مره شني هل حجي بكيفه مو صغير هوه
أم جلال.. لا يمه جلال فدوه اروحلك انته عفت بيتك من ماتت ام ديار هسه شعدك راجعله لو خفت على ست رسل
جلال .. يمه شكاعد تحجين انتي
شيخ مصعب.. خوش قرار بويه أخذ مريتك وطلع ومالك شغل بحجي امك
أم جلال.. جلال اذا طلعت من البيت اتبره منك اليوم الدين
احمد .. بله يمه انتي صدك تحجين خلي يطلع خلي يشوف حياته
رائد.. يمه تره بيت جلال وره بيتنه راستن هوه احنه نفس البستان مو يروحن البنات ينضفنه ويرجعن خمس دقايق تره هم محسوب يمج شوكت ما تشتاكيله روحيله لو هوه يجيج

رسل اخذتني نسرين لغرفت جلال ما قبلت اكعد بيها شكد بقت تحجي وياي بس ما رحت صعدت لغرفتي إلي هيه عباره عن مخزن بنسبه اليه تعودت عليها صار الي ثمن اشهر اهنا مشتاقه لهلي ومشتاقه لابتهاج وليث وصفاء بهاء حتى من اجيت ما شفته كمت بدلت ملابسي ومشطت شعري متغيره كلش ما ادري تعب ما ادري لأن بس مكتئبه ما اضحك ابد حتى من يجن نسرين وغصون يمي يبقن يسولفن ويضحكن يحاولن وياي بس اني اكتفي ببتسامه فقط
صافنه وحدي ما احس غير الباب اتفتح ودخل جلال

مصطفى.. علي علي
علي .. نعم
مصطفى .. جبت كامل المعلومات إلي تريدها عن البنيه
علي .. احلف
مصطفى .. وداعت عيونك
علي .. اي اسمعك
مصطفى .. اسمع حبيبي اسمها رسل عمرها 16 سنه من اثمن اشهر اخوها كتل واحد وهيه جانت الضحيه راحت فصليه لعشيرت ......... وزوجت شيخ جلال مصعب ال...... وهسه هيه حامل منه
علي ... اوووف أستغفر الله العظيم هسه اني ما لكيت غير احط عيني على مره مزوجه
مصطفى .. اسمع ولك بعدني ما خلصت
علي .. موو على اساس اخوها إلي كتل بس اخوها صار اله اثمن اشهر يحلف يكول مو اني الكاتل ولك اخوي يكول انعذبه عذاب ما صاير حتى اصابع اديي ورجلي شلعناهن وباجر المحكمه اذا صدك مو هوه الي كاتل راح يفرجون عنه ويمكن اخته ترجع لهلها لأن حسب ما اعرف تواصل وياه اهلها ابدا ماكو من يوم إلي راحت بي فصليه لهسه هيه ما شايفه اهلها ولا سامعه صوتها
علي .. خطيه شنو ذنبها شكد اكرها سوالف العشاير من وره هاذ الحجي هسه اخوها كتل ما كتل هيه شدخلها
مصطفى.. والله ما اعرف
علي .. ابو الصوف حبيبي طلب ثاني منك
مصطفى .. أمر
علي .. ما يأمر عليك ضالم بس خلي اخوك يشوفلي باجر شنو يصير بلمحكمه ويكلي فدوه
مصطفى .. ادلل
علي .. حبيبي

جلال من طلعو عمي والولد صعدت لفوك دخلت الغرفه ماكو ما موجوده  دورت عليها بلحمام هم ماكو
طلعت لاكتني نسرين
نسرين .. اذا تريد رسل بغرفتها ما قبلت تنزل
جلال .. هاا مشكور
نسرين .. ادلل
جلال صعدت الطابق الثالث فتحت باب غرفتها جان الكاها لابسه تراك سود وفاتحه شعرها وصافنه من طبيت باوعتلي تقربت يمها بطنها مبينه من البدي خليت ايدي على بطنها رجعت لوره بسرعه وحجت
رسل .. ليش اجيت
جلال.. نعم
رسل .. موو اني خنتك وطعنت بيك وصار الك تلث اشهر ما تباوع بوجهي ليش اجيت هسه
جلال .. غير مرتي وبكيفي شوكت ما اريد اجي وشوكت ما اريد اروح يعجبني عندج اعتراض
رسل .. اي عندي اني موو سلعه بيدك تشمرني شوكت ما تريد اني هم بشر وعندي احساس شنو جانت مشاعري من طعنت بشرفي لوو عندي اهل ويكدرون يجون جان والله ما خلوك تسوي الي تريده عندي اخ لوو شاف دمعتي الدنيا يحركها بس العتب موو عليك العتب على حظي من اني صغير لحد هاذ عمري ما شفت الراحه بس ما اكول غير ( إن مع العسر يسرا ) جنت دائمن أقره قرأن وكول (اصبر فئن الصبر جميلا ) هسه ما الحك حتى اصلي مرات اصلي ومرات استغفر ما ضايجه على الشغل بس ضايجه ومقهورة لأن راح يصير الي سنه اهنا ومحد بيكم حبني غير بس البنات انته تجي كد ما تشبع غريزتك وتعوفني وتطلع ولا يكلك زوجتك يكلك وحده من بنات اليل بعدها رسل تحجي ضربها جلال على حلكها
جلال.. اذا عدتي هاي الكلمه مره ثانيه راح تندمين تفكير ما اريدج تفكرين بيها مفهوم انتي بس الي مسجله بس بسمي