انتقال/ تغير
2003
في محافظه ميسان (العماره)
علي... علي
كانت والده علي تبحث عن ابنها علي بالبيت بعد ما لاحظت البيت هادئ بدون عركات علي و اخوه
فانيسا:محمد وينه اخوك علي مو بالبيت
* فانيسا اسم والده علي و محمد لقبها ام محمد لان محمد الابن البكر و الاصغر منه علي اسمها غريب نوعا ما لانها مسيحيه من كانت تعيش مع اهلها ب شمال العراق (اربيل) لكن تهجرت هيه و عائلتها بسبب نظام الحكم السابق و عاشو ب ميسان و تزوجت من طه ( ابو محمد )
سالت الام ابنها الكبير على اخوه الاصغر بعد ما بحثت عنه بالبيت و مالقته
محمد: يمه هذا الوقح اكيد تلقينه يتعارك( يتضارب) بالشارع مثل كل مره ما يرتاح بالنوم اذا ما كسر واحد من ولد الشارع (بغيض)
فانيسا: محمد روح شوف اخوك وينه و رجعه للبيت ما بيه حيل مشاكل جديده ويه الجوارين
محمد: بس يمه اني ما لي دخل بيه مو صار جبيره
فانيسا: هوه اخوك الصغير كوم يله شوفه وينه بدون حجي زايد
بعد ما قام محمد يدور على اخوه بالشارع اول ما طلع من البيت سمع صياح و شباب الشارع كلها متجمعه بنهايه الشارع هز راسه و راح يجر بجسمه يشوف سبب هذا التجمع و ثنين اشياء خطرت بباله يا اما سبب هذا التجمع اخوه الارعن او احتمال يلقى اخوه واقف ضمن هذا التجمع
بعد ما وصل للتجمع ما قدر يدخل للوسط بسبب الناس المتجمعه فشاف ابن جيرانهم و اقف شويه بعيد عن التجمع راح له و ساله
محمد:انور هاي شنو الهوسه(الضجه)
انور: ياا ما تعرف اخوك السبع لزم الساقط صادق و قطعه تقطيع و اولاد المنطقه كلها متجمعه علمود تتشمت بصادق لانه ما بقي شخص بالمنطقه ما حاقد عليه من وره تصرفاته السافله
محمد:انور كول غيرها -بصدمه
انور: روح ادخل للتجمع و شوف بنفسك
راح محمد علمود يلحق اخوه و كل الي بباله هسه يلقه اخوه شابع ضربات و امهم راح تتخبل هوه ما انتبه على كلام انور الي قاله تفكيره كله كان يطلع اخوه من هاي المصيبه لان صادق اكبر من علي رغم جسم علي الاضخم من عمره بس يضل عمره 14 بينما صادق ببدايه العشرين ، بعد ما عبر بالقوه بين الاولاد علمود يوصل للمنتصف
اول ما شاف محمد العراك بين علي و محمد عيونه نفتحت على وسعها و من صدمته بقى جسمه ساكن من المنظر الي ما صدقته عيونه اخوه جالس على صدر صادق الي كان شبه فاقد الوعي بالارض و يضرب بيه بوكسات(لكمات)
صادق كان راسه من جهه الي على الارض تنزف دم بسبب علي الي اوقع صادق بقوه على الرصيف الصلب و علي استغل وقعة صادق و جلس فوقاه و ظل يضرب بيه بكل قوه
أنت تقرأ
| معشوق الشمري |
Разное((متوقفه مؤقتا)) أقسَمتُ «عَ ـلَي» أن لا أهوىٰ غَيرَك َوَ خَتْمتُ عَلى قِلبي بِعَدمِ «رضًـآ» إن نَبِضَ بِسْعادةٍ لَم تَكنْ أنتَ مَصْدرُها (تنبيه: روايه قي باللهجه العاميه العراقيه فيه لقطات +18) والي جايين من حساب @micheala00000 تعالو هنا ال...
