أصمت كي لا تؤذيك كلماتي فقط ليس لأني عاجز.
#################
9\2\2009
تصادف امتحانات نصف السنه الدراسيه
كان حيدر جالس بجانب مرتضى بالحديقه بعد ما خلصوا امتحانهم ، حيدر التفت على مرتضى و ساله " شوقت تروح للبيت لو بعده السايق مالتك كالعاده يتاخر نفس كل مره"
مرتضى التفت عليه بشك لان بكل مره يكمل امتحانه و يطلع بسرعه يساله حيدر هذا السؤال و بعدها بيدا يحارش بيه و يضوجه" لا شويه و يجي بس هوه ينتظر اختي اول و بعدين يجيني دير بالك تضوج بيه و الله اضربك "
حيدر ابتسم بخباثه " لا شبيك اصلا ما بيه حيل اليوم اضوجك بس ردت اقولك شئ مهم بس الظاهر انت ما تريد تسمعني"
مرتضى صفن شويه بوجه حيدر " ليش احسك تريد تخبث عليه وجهك مو راحه "
"ولك هذا وجهي الحلو مو راحه لعد شكد ما عندك ذوق بس على كلا السالفه تخص علي ردت احجيها الك ما دامه بعده ما مكمل الامتحان " قال حيدر و هوه يباوع على الحديقه متجاهل مرتضى الي عكر حواجبه باستغراب و قاله "شبيه علي ،أي سالفه تريد تحجيلي عليها؟"
حيدر اقترب من مرتضى و تكلم معه بنبره ناصيه " تعرف علي بعد كم يوم من تبدي عطله نص السنه راح يروح ويه اهله للشمال ؟"
"اي و اذا شكو يعني عطله و يسافر بيها "رد عليه مرتضى و هوه مستغرب من نبرة حيدر الي اكمل" لك غبي ما تعرف ليش يسافر للشمال مو لان ويه اهله رايح علمود يشوف حبيبه الي هناك "
"شلون شتقصد هذا الحقير عنده حبيب مو حبيبه يعني ولد مو ، و ما يقولي " مرتضى قال بانفعال على كلام حيدر الي اكمل" ولك نصي صوتك لا تفضحنه بعدك ما سمعت شئ خلي اكمل حجي ، بس تدري ما الومه لعلي هوه شلون ولد صاك الي محصله حرامات ما عندي صورته جان راويتك شكله مو ولد طركاعه " انهى كلامه حيدر بابتسامه
مرتضى صفن بوجه حيدر شويه " جذاب قاعد تنصب عليه ما اصدك بيك "
حيدر شاف يوسف طلع من الصف و صاح عليه علمود يجي و يقعد وياهم
ثواني و وصل يوسف و قعد وياهم بالحديقه فحيدر قال " سيوفي علي مو عنده حبيب " سيف انتبه على مرتضى الي يباوع بوجهه و ينتظره بس علمود يجاوبه فقال" اي صح عنده شخص عامي عيونه "
مرتضى ساله بانفعال" زين صدك هوه من الشمال ؟" مرتضى توسعت عيونه لما يوسف هز راسه بنعم
"حبيب علي فد واحد فطير و حلو حرمات ما شايفه اذا تريد تتاكد اسال علي عليه " قال حيدر و غمز ليوسف علمود يسايره بالكلام
" بس تعرف رضا هوه فد يشبهك هم قصيرون و عيونه عسليه و ابيضاني و اشقراني نوعا ما حتى مربرب مثلك فد تتشابهون ،اظن لهذا السبب علي دائما يكون وياك لان يشتاقله و هوه بعيد عنه ف انته تعوضه " قال يوسف و هوه يباوع بوجهه مرتضى و لازم ضحكته على مرتضى الي وجهه صار اصفر
أنت تقرأ
| معشوق الشمري |
De Todo((متوقفه مؤقتا)) أقسَمتُ «عَ ـلَي» أن لا أهوىٰ غَيرَك َوَ خَتْمتُ عَلى قِلبي بِعَدمِ «رضًـآ» إن نَبِضَ بِسْعادةٍ لَم تَكنْ أنتَ مَصْدرُها (تنبيه: روايه قي باللهجه العاميه العراقيه فيه لقطات +18) والي جايين من حساب @micheala00000 تعالو هنا ال...
