ابو مرتضى بعد ما انتهى الاتصال مع اخوه غير مسار
السياره و توجه للمستشفى باسرع ما يمكن جان متلهف و فرحان لشوفة ابنه
___________
بينما الدكتور جان متوجهه للغرفه الي بيها مرتضى لفحصه بعد ما خبرته الممرض انو مرتضى كعد و هوه بالطريقه جان يسمع صوت صراخ و هوسه توقع شخص توفى و افراد عائلته يصرخوه لوفاته بس تفاجأ لمن اقترب من غرفه مرتضى و شاف الصراخ كان منها و الممرضين متجمعين عليها لما دخل لقه مرتضى بحاله هستيريه و الممرضين يحاولون يهدءون بيه بس لما شافه بهاي الحاله بسرعه صرخ على احد الممرضين و امره يحقنون مرتضى بأبرة مهدء .
بعد ما غفى مرتضى بسبب ابره المهدء تقرب احد الممرضين من الدكتور و قال
الممرض : دكتور احنه كنه نحاول نهدء بيه لهذا ما انطيناه مهدء من البدايه
الدكتور: ما يفيد لو ضليت تهدء بيه منا للباجر ما راح يهدء بايدك ،اصلا كنت متوقع راح يصير هيج شي من يصحى بس توقعت ردت فعله تكون اقل بسبب حالة جسمه الي ما تساعده .
بعد ما انهى الدكتور كلامه مع الممرض طلع من الغرفه و شاف عم مرتضى واقف بقلق كدام الباب بسبب الممرضين منعوه يدخل
الدكتور: انت احد اقارب المريض -يقصد مرتضى بمكانه-
حميد: اي دكتور اني عمه لمرتضى
الدكتور: وين ولي امره
حميد: دكتور كتله مرتضى صحى و هوه حاليا بالطريق شويه و يوصل
الدكتور: من يوصل ولي امره خلي يجي للمكتب مالتي ضروري
حميد: ان شاء الله راح اقوله اول ما يوصل ،بس دكتور شبيه مرتضى ان شاء الله خير
الدكتور: اعتذر بس امر مرتضى خاص لازم بس و الده يعرف بيه
غادر الدكتور قبل ما يسمع سؤال ثاني من حميد
_______________
بعد ما وصل ابو مرتضى للمستشفى لقه اخوه جالس على احد مقاعد الانتظار
ابو مرتضى:حميد هاي انته ليش قاعد هنا مو كلتلك ابقى يم مرتضى خاف يكوم يبجي ما متعود على المستشفيات
حميد:مرتضى رجع نام و الدكتور قال من يجي والده خلي يمر على مكتبي ضروري
ابو مرتضى: ليش خير شصاير
حميد: ما اعرف الدكتور قال الامر خصوصي
________________
بينما ابو مرتضى راح للسكرتير الخاص بالدكتور قال له ينتظر شوي الدكتور مشغول لما يفرغ ينادون اسمه
بعد مرور ربع ساعه سمع السكرتير يناديه علمود يدخل للدكتور
طرق الباب و دخل سلم على الدكتور
الدكتور: تفضل ابو مرتضى-يأشر على الكرسي -
ابو مرتضى : دكتور قالوا تريدني بشغله خصوصيه خير
أنت تقرأ
| معشوق الشمري |
Overig((متوقفه مؤقتا)) أقسَمتُ «عَ ـلَي» أن لا أهوىٰ غَيرَك َوَ خَتْمتُ عَلى قِلبي بِعَدمِ «رضًـآ» إن نَبِضَ بِسْعادةٍ لَم تَكنْ أنتَ مَصْدرُها (تنبيه: روايه قي باللهجه العاميه العراقيه فيه لقطات +18) والي جايين من حساب @micheala00000 تعالو هنا ال...
