معكم شخص عجوزي بامتياز بحيث كلما يقول راح اكتب بارت طويل هل مره و تاليتها يتلهى بسوالف تافهه و بنهايه اليوم لما ما يبقى وقت يبدا يكتب بالبارت و يطلع البارت قزومي مثله🌚💔
المهم *كلما زاد التفاعل كلما حمستوني اكتب اسرع :-) *
†††††††††††††††††††††††††††††
٭خـذ من ملامحي إجابـه و أختـصُر عليـنا الـكـلام..,,٭
"""""""""""""""""""""""""""
Enjoy
يوم الاثنين الساعه 7:30ص
مرتضى : ماريا .... ماريا تعالي للغرفه بسرعه - قالها مرتضى بصياح -
ماريا بعد ما دخلت للغرفه " نعم خاتون شنو مضيع اليوم ، خشمي انشگ سابح بالعطر لخاطر ربك -قالت و هوه تكح بسبب العطر الي تارس الغرفه-"
مرتضى : عوفج من هاي شلوني -يقصد على شكله-
ماريا: لونك ابيض و احمر ،علمود هاي صحتني رايحه اكمل ريوك بعد شويه و يجي السايق
مرتضى: اختي الحلوه لا تجذبين عليه اصلا ما تاكلين الصبح و هسه شنو رأيج بشكلي طالع حلو ؟
ماريا باوعت عليه شويه " شو بالله اندار خلي اشوف من وره " بعد ما مرتضى سمع كلامها و التفت ماريا ضحكت و قالت " شنو هاي دزدا بغداد تجنن كبرانه "
مرتضى: حقيره شتقصدين روحي طلعي بره ما عايز على رأيج شويه و نازل
ماريا طلعت و هيه تضحك عليه و قالت قبل ما تسد الباب" طالع تخبل بعرس امك ما جنت هيج طالع حلو "
كم دقيقه و طلع مرتضى سلم على السايق و صعد بجانب ماريا بالخلف
ماريا باوعت على مرتضى و غمزتله
مرتضى استغرب من تصرفها و همس"شكو شبيج تغمزين"
ماريا بهمس : ازحف على الحلوين عندك مانع؟
مرتضى بهمس: كعدي راحه لا السايق يسمعنه و يفهمنه غلط
ماريا بصوت عالي : هاااا اني اعلمك دزدا ،عمو -تقصد السايق-شنو رائيك بمرتضى مو طالع اليوم يجنن ؟
السايق: مرتضى كل يوم چنه ورده ، ثنينكم حلوين .
ماريا ابستمت لما شافت مرتضى خجل و لف وجهه يباوع على الطريق و ردت على السايق "شكرا عمو انت الاحلى "
بعد ما وصلهم لمدارسهم
ماريا دخلت للمدرسه و سمعت البنات يصرخن بالصفوف الي يم الاداره و المدرسات طلعن بسبب صراخ البنات ، راحت بفضول تشوف شنو السالفه
بعد ما شافت هوسه مالت بنات واقفات بباب صف صديقتها اديان دخلت للصف و قامت تضحك بصوت عالي لما شافت اديان متعاركه ويه بنيه و البنت تريد تشرد منها بس هيه لزمتها من رجله و سحلتها بالكاع بين الرحلات و البنت تصرخ علمود تعوفها اديان
أنت تقرأ
| معشوق الشمري |
De Todo((متوقفه مؤقتا)) أقسَمتُ «عَ ـلَي» أن لا أهوىٰ غَيرَك َوَ خَتْمتُ عَلى قِلبي بِعَدمِ «رضًـآ» إن نَبِضَ بِسْعادةٍ لَم تَكنْ أنتَ مَصْدرُها (تنبيه: روايه قي باللهجه العاميه العراقيه فيه لقطات +18) والي جايين من حساب @micheala00000 تعالو هنا ال...
