| معشوق الشمري |

البارت الثاني عشر

єиjσy~

2008\12\22

بعد مرور ما يقارب شهرين

بخلال هاي الفتره تحسنت علاقه علي و مرتضى و صاروا اصدقاء تقريبا يسلمون على بعض و مرات يسولفون مع بعض بس كانت صداقتهم شئ سطحي

بينما عبدالله كان يستغل حمل احلام و ياخذ بنته كل نهايه اسبوع بعذر يطلعها مثل ما نصحه الدكتور النفسي بعد انتكست حالتها الصحيه و كان يروح لبابل عند زوجته الثالثه يقضي وياها ساعات و بعدين يرجعون للبيت

عرفت ماريا من خلال زيارتها ان نوري و فاطمه الي هم ابناء دنيا من زوجها المرحوم الي انقتل بسبب الاحداث الي صارت بعد سقوط النظام بالعراق ، ماريا اصلا ما استغربت من الموضوع لان كانت شبه تعرف ان همه مو اخوانها ، وهم عرفت ان دنيا حالها حال امها مجرد زوجه متعه كم شهر و يتركها حالها حال باقي النسوان الي كان يتزوجهن

كان مرتضى الوحيد من اخوانها الي تقوله على كل شئ يصير بكل مره ياخذها ابوها لبابل (الحله) و مرتضى هم ما قال لاي شخص و لا حتى لاخوانه البقيه علمود ما توصل السالفه لامه و خاف يصير شئ باحلام و يموت الطفل مثل ما قال عبدالله لماريا علمود تخاف و ما تحجي لاي شخص

مرتضى دائما كان يقنع اخته و نفسه ان يبقون امر زواج ابوهم سر عن البقيه لان كلها فتره و ينتهي الزواج و ماكو داعي تعرف امهم و تصير عركه بالبيت مثل ما صارت اخير مره لما عرفت متزوج عليها بالسر و قلبت البيت على راسهم اشهر نوم ما ينامون مثل البشر لحد ما طلق مرته ااي كان متزوجها بالسر ، رغم طلقها و البيت من الصبح لليل ما يهدأ بسبب احلام تدور عن ابسط عذر علمود تتعارك لدرجه احيانا تنادي على ماريا بس علمود تضوجها و تسوي عركه ، و عبدالله بدال ما يحل الموضوع يستغل الوضع و يطلع من البيت بعذر تعبان و ما اله خلق هوسه و يرجع للبيت بس على كد الامور الضروريه مثل النوم الاكل الخ..... و الصبح يطلع للوظيفه

******★********★*********★

الاربعاء الساعه 7:30ص

دخل مرتضى لغرفه ماريا و شافها نايمه

مرتضى وهوه يصيح على ماريا و يبحث بين كتبها " لج ماريا قومي قعدي السايق واكف بالباب و انتي نايمه تاخرنه على المدرسه "

شافها فتحت عيونها و غمضتها بسرعه بسبب الضوء و رجعت نامت تقرب منها و بعد البطانيه عنها و هوه يصيح عليها علمود تقوم

ماريا بنعايس: انت مطي لو مطي اليوم ما عندي دوام اليوم سفره مدرسيه و اني ما اريد اروح

مرتضى: لعد قومي انطيني الفرجال(اداة رسم هندسيه) الي اخذتيه البارحه بسرعه اليوم عندي امتحان شهري بالرسم الهندسي قومييي-قالها بصياح علمود تقوم من النوم -