#نقش_الزمان #الحلقة_الخامسة
#بقلم_زينب_المندلاوي
جمانه.....
سمعت صوت عمي حميد
وهو يكول لسلام
ولك تعال مو اكلك هاي ثوله
اتقربوا،،،
عمي كله،، اي ذيج نايمه
واني اكلك ذيج المرة،، اني قشمرتها
روح وياها جوة الغطه
ولك فد سيقان عدها،،،
وتتقشمر بساع،،،،
وبهل أثناء كعدت هدى من النوم،،
واني وخرت من وجهي الجرجف
وعمي حميد وسلام راحوا يم الطيور
ونزلنا جوة،،
البيت هوسة ناس تتريك
وناس دتبدل تريد ترجع لبيوتها
وناس كاعده تسولف وتصنف
تريكنا اني وهدى،، وبدينا نلعب
صرنا مجموعه جبيرة من الجهال
وسوينا فريق طوبة
وصرنا نلعب،، وبوراها لعبنا شرطة حرامية وختيلان
رحنا اني وهدى وسلام نختل ورة البيت
هدى ختلت ورة السخان
واني سلام جرني بين الغراض وختلنا ورة البرميل
الي علي المبردة مال غرفة عمي نزار
جانت بردة غرفتهم شوية بيها فتحه
سلام باوع عليهم،،
وكالي تعالي شوفي،،
سلام ماما متقبل لان من جانوا مخطوبين كعدنا يمهم ورزلتنا وكالت معليكم منهم،، ولتصنطون
على اي احد
ردني
لا هاي مو تصنط
تعالي شوفي اكلهم،،،
واني باوعت
جانوا ديتريكون وعمي يوكلها وهي تضحك
وباسها،،
درت وجهي واني اتذكر بوسات عمامي
ليش هيج يبوسون؟
رجع سلام كلي
جمانه اكولج سر
اي
بس متكولين
اممم
اني ودنك وشاورني
اني احبج جمانه وبس تكبرين ازوجج
ومرر ايدة على شعري ورجعه ورة اذني
تقبلين بيا،،،
ابتسمت واني اتخيل روحي بالبدله البيضة
أنت تقرأ
نقش الزمان بقلم زينب المندلاوي
Romanceقصة حقيقية بالكامل منقولة للكاتبة العراقية زينب المندلاوي
