#نقش_الزمان #الحلقة_الثامنة،،،
#بقلم_زينب_المندلاوي
جمانه...
وصرنا نركض بين الاشجار،،
هو يركض ويجر بيا،،
واني اركض ويااا. وابجي
وصار الرمي قوي،،
وفجأة انبطح بالكاع واني هم وكعت وياااا
انفسنا اختلطت،،
وكلوبنا ادك بسرعة،،
وكانوا دنمثل فلم اكشن،،.
وبعدها توقف الطلق،،،
ابتعدت عنه واني خجلانة ومصدومة
وهو هم كام ونفض هدومه
كلي كعدي بمكانج
بس دا اشوف شكو،،
وراح....
اني ظليت بمكاني اتراجف،،،
شجابني اني هنا،، وليش هيج سويت وبيا عقل
طاوعت نفسي واجيت،،
كمت ابجي والعن حظي
ورة شوية رجع سلام و وياا ولد اني
مركزت زين بالبدايه
بس بعدين تذكرته يمكن هو مهند ابن عمه
هنوب كمت انطي الوان
يربي هسة الولد ميكول شعدها هل مكموعه
هنا بنص البساتين،،،
كلة سلام،،،
خطية البنية اخترعت من صار الطلق
وشوفها خطية كتابها واكع بالطين
مو كتلك اجت تقرا يم بيت صديقتها يم بيتنا
وصار الطلق واظطريت اختلها هنا،،،
انتبهت،، صدك كتابي واكع مني
بس الولد جنه ما مقتنع،،،،
صفن بيا وكاله،،،
هاي شتكرب الك شو بيها شبه منكم
كلة هاي شبيك مهند
هاي بنت فؤاد ابن خالتي
ابتسم،،
هااااا،،،، مو اكول شايفها مرة
كتله واني اتراجف،،
هذا الطلق شنو جان وعليمن
ارتبكوا ومتمتوا بالكلام
لا لا هاي هيج شوف شكو بين أصحاب البساتين
كومي انتي معليج ولتخافين
كمت واني رجليه مايشيلني من الخوف
امشي بالكوة،،
وسلام كالة لمهند روح انت يم امي
أنت تقرأ
نقش الزمان بقلم زينب المندلاوي
Romanceقصة حقيقية بالكامل منقولة للكاتبة العراقية زينب المندلاوي
