نقش الزمان بقلم زينب المندلاوي

الحلقة ١٥

#نقش_الزمان #الحلقة_الخامسة_عشرة
#بقلم_زينب_المندلاوي.....

مسائكم رحمة ونور.... 🍁🍁

جمانه

نزلت. حميتله الجاي وصبيتله وصحته

وصعدت....

واول مطبيت شفته

ديكلب بالفون مالتي...

وباوعلي...

جمانه...

هااا...

جنتي تحجين ويه هدى من اجيت اني مو.....

هااا.. اي..

سولفنا شويه..

وسولفت على الي صار وياهم
بالحادث..
وكامت تبجي وبجيتني وياها..
ومناك اني سمعت  اغنيه حزينة
ومشتاقه لاهلي.. وكلها التمت عليه...

اممم...

خوش...

نزل جوة...

واني مصدكت اقتنع...

لملمت الغرفة واني فكري شارد..

ليش هيجي سوة ابويه...

مهند مو اول إنسان.. معاق..

هواي اكو ناس معاقه وعايشة حالها حال الناس
تزوجوا وخلفوا...
وحياتهم متوقفت على عوقهم...

اوف...
يعني علساس ابويه راد مصلحتي
يامصلحة هاي واني عايشة ويه انسان
كلبي ميرف اله...

كعدت ابجي...
مدري شسوي وشلون راح اكمل طريقي وية اركان

يارب....
انت نسيني الماضي... وخليني احب زوجي..
انت تدري بيه..
ما اطيقه.. وأتمنى احبه واتعايش وياا وانسى
كل شي عشته قبل...

غفيت...

وبعد مده حسيت على صوت اركان
وهو يكعدني..

كومي جمانه الدنيا ليل.. واهلي صبوا عشه
وديصيحولنه...

بيج شي هسة نايمه...
تعبانه اوديج للمستشفى...

كمت...
لا... مبيه شي بس مجرد تعبانه جنت ونمت..

هيج.. تمر الأيام...
ساعاتها..... نحسها سريعه...
وايامها  تمر... بطيئة...

ما ادري بينا الخلل.. منعرف انعيش...
ما ادري الخلل بالوكت...
ما ادري ..

مرت الأشهر...

و جبت ولد...
واركان سماه على اسم ابو..
محمد...

وجان محمد اول فرحتي..
وبدايه طريق حلو.. انرسملي...
واني اشيله بحظني...
وارضعه.. وابدله واتمعن بتفاصيل
شكله...
عيونه ملونه على عيون اركان..
وماخذ من شكلي هم...

احساس الأمومة حلو...
والاطفال حلوين..

كانهم دنيا خاصة وعالم بالرغم من تعبه
لكنه جميل...